[فارس القبيلة]

قصيدة للشاعر عبيد القعبوبي

ياقبايـل عبـس عدنانـي نسبهـا
والشجاعه والكرم تـاج أومراهـا
قبل لم الشمل محسـوبٍ حسبهـا
وعقب لمه من هدى العالم هداهـا
والقبايـل كلهـا تجمـع سربهـا
دون حد احدودها تنطـح اعداهـا
مرحبـا ترحيبـةٍ يشعـم لهبـهـا
من خلقنا الله وهي يشعـم سناهـا
مانطفـي نارهـا نوقـد حطبهـا
سلمنـا سلـم القبايـل واحدداهـا
وان غـزو ذيدانـا حنـا جنبهـا
وان خذوها عقبهـا ناخـذ اثرهـا
مايتهنـا واحـدٍ عنـدة طلبـهـا
مايتهنا والرشيـدي مـن وراهـا
يشهـد التاريـخ والكاتـب كتبهـا
شيخ عبدالله وابـن تايـه حكاهـا
من كلام اخصامنـا ناخـذ هدبهـا
والسحابة والرعـد فـي منتهاهـا
ويشهد السيف المصقل في لببهـا
والشجاع اللي على السربة حداهـا
لين جاء عبدالعزيز اطفى غضبهـا
حل فـي نجـد العذيـة واوتلاهـا
بالشجاعة والسياسـات اكتسبهـا
لين خلا النـاس تأمـن بقصراهـا
رايـة التوحيـد باليمنـى قضبهـا
وكل شيخٍ بايعه يمسـك عصاهـا
لين ساد الأمن من عرعر اليا ابهـا
عرض والا طول من ماهـا لماهـا
وبسم من يحصي عجمها مع عربها
بأول اللي قلـت واخـر منتهاهـا

الموضوع الأصلي: ياقبايـل عبـس عدنانـي نسبهـا | | الكاتب: فارس القبيلة | | المصدر: شبكة بني عبس

[ابو عبدالعزيز]

والنعم فيك شكراً لك اخي الكريم قصيده رائعه

[الاجهر]

مشكور على نقل القصيدة
صح السان الشاعر
اهلا وسهلا بالفارس المغوار

[القاضي1]

هلا بفارس القبيله
صح السانك ولسان قايلها

[عبدلعزيزالرشيدي]

صح لسان الشاعر عبيد القعبوبي

وبيض الله وجهك على نقل الصيدة

[مسندالعويمري]

صح لسان الشاعر عبيد القعبوبي

وبيض الله وجهك على نقل القصيدة


فارس القبيله :p

[عيسى المويسه]

صح السان الشاعر

قصيدة رائــعه ..


لاهنت على النقـل





...