[جراح مسلم]

السلام عليكم ورحمة الله وبركاتة
كما وعدناكم وفينا بالوعد وها نحن نقدم لكم قصيدة غزليه وانتمى تنال اعجابكم

جلست في جو(ن) خلا يشرح البال=فيه النسيم العذب راكد مهبه
مسقيه من نو المزابير همـال=من مدلهمن جاه من مد ربه
وجلست به والدمع من ناظري سال=من موق عيني فوق خدي مصبه
متذكر(ن) مافات من حال لي حال=ذكرى الذي ولع بقلبي وشبه
الصاحب الي جمله حبة الخال=الي ملك عرش الضماير بحبه
ادعج غنج حلو النبا سمح الاقبال=خرس العيون الي كما البدر لبه
ابو جديل(ن) ماحوى لفة الشال=يلعب بشعره والهبايب تهبه
يسرح به التفكير من جال لي جال=واهوم بفكاري مع كل غبه
ابطى على قلبي وفي غيبته طال=ولاهو صحيح الهجر من دون سبه

وسلامتكم
اخوكم الشاعر... جـراح ابن مسلم المظيبري

الموضوع الأصلي: الصاحب الي جمله حبة الخال......الي ملك عرش الضماير بحبه | | الكاتب: جراح مسلم | | المصدر: شبكة بني عبس

[مسندالعويمري]

جـراح ابن مسلم المظيبري

صح السانك على القصيده

[جراح مسلم]

صح ابدنك وشكرا على مرورك

[كاتب الرشيدي]

صح اللسامك


قصيدة رائعة



بارك الله فيك

[جراح مسلم]

صح ابدنك يا اخ كاتب وشكرا على مرووووورك

[جراح مسلم]

اشكركم على المروووووور

[كاتب الرشيدي]

هذه يااااجراح مسلم

لقيناها

[مداروفلك]

صح السانك

قصيده رائعه

ويعطيك العافيه

ومشكوررررررررررر؟؟؟؟