[بندرأبن طريف المظيبري]

السلام عليكم ورحمة الله

هذه ابيات قرأتها عن مفهوم الرجولة في الوقت الحالي وتبين هذه القصيدة المفهوم السائد والمفهوم الفعلي للرجولة واتمنى تنال اعجابكم..

اذا المراجـل لبسـة شـمـاغ وعـقـال
قــل للـعـذاري يلبـسـن العمـايـم
مـاعـاد يـفــرق زول حـرمــة ورجـــال
دام الفعايـل تشبـه البعـض دايــم
المرجـلـة مـاهـيـب كـلـمـة وتـنـقـال
وتـروح ماراحـت هـبـوب النسـايـم
ولا خشـونـة صــوت اورفــع الاثـقــال
او رزة صــــدور وفــعــل الــزلايـــم
ولاهــي بـعـد مفـتـاح مـوتـر وجــوال
والا ردى لسانـن حديـثـة شتـايـم
المرجلـة شيمـه عـن القيـل والقـال
رفـيـع نفـسـن حــر بـالجـو حـايــم
المرجـلـة عـقــل وزن وزنـــه جـبــال
ودون العقـل وش فرقنـا والبهايـم
يامسنـدي لومايـل الوقـت بـي مــال
يـاولــد أبـويــه ياعـظـيـم الـعـزايـم
يامعـرب الجديـن مـن الـعـم والـخـال
يانـخـوة المـفـزوع وقــت الهـزايـم
المرجلـة ياخـوي هـي طولـة الـبـال
هي العـزم هـي الصبـر فالظلايـم
فيـهـا الـكــرم عـــزة دلـــه وفـنـجـال
فيهاالكرامه عن ردى الطبع شايم
والديـن لامـنـه خــذا القـلـب مـنـزال
مشى طريق الحق وابليـس نايـم
ومـن لاعـرف ربـه فـي طيـب الـحـال
لابـد وقـت الضـيـق بالـهـم هـايـم
حتـى صلاتـك مـع جماعـات ورجــال
فـي خيرهـا ياخـوي نعـم الغنايـم
ولامن نصـف ليلـك قـم صفـي البـال
ياعظـم اجـرك بيـن ساجـد وقايـم
ولامـن رفـع ربـي لــه كــل الاعـمـال
حسـن الذكـر لاقالـوا فـلان صايـم
وخلك شريـف القصـد ياطيـب الفـال
سـوء المقاصـد فالبيـوت الهـدايـم
واحذر تبيع النفـس فـي دب الأنـذال
وتتبـع خـوي ابليـس راع النمـايـم
النفـس خـيـل لــك اذا كـنـت خـيـال
ومن لاقـوى نفسـه قوتـه الهزايـم
ولاصـرت ماتـدري لـوش انــت رجــال
والله خسـارة فيـك ذبــح التمـايـم


وسلامتكم..للاسف ماعندي علم بقائلها..

الموضوع الأصلي: قصيدة عن الرجــــــــولة,,للرجال فقط | | الكاتب: بندرأبن طريف المظيبري | | المصدر: شبكة بني عبس

[العوني الرشيدي]

صح لسانك وبيض الله وجهك علي هالقصيده الجزله