[عابرسبيل]

اخوني في شبكة عبس الاكارم
ايليكم هذه القصيده وهي لشاعرالعلم سهل بن نافع
ولتي قدقيلت اكثرمن مره في اسم قبيلة بني رشيد
بعدتنازلاامن سعود عن اسمه فيها لرفعة القبيله
بيض الله وجهه وهواهلا للمدح ولثنا وهاهي في كامل بيوتها
والتاريخ وقت ماقيلت 13/1/1424
شرفني الشاعرسهل في تنزيلها ولكم تحياتي

يااسعود ياساس الرجال الصناديد=يابن محمدياحزام اللزايم
لعل كل ايام عمرك مساعيد=في جاه من دومه على الدوم دايم
يامجددٍ ذكرالسلف بالمحاميد= اسفورضلمى صامدين العزايم
جددت ماضيهم بهمه وتاكيد=وحييت ذكرى طيبين القدايم
الاورممت الرسوم المساميد=عنهن نفضت اغباركدرالعسايم
ياسعودلوحايدبك الوقت لاتحيد=وقتا على راع المروه ضلايم
لاطبت ماقلنا تصنع وتقليد=طيبك حصاداذكارروس الكرايم
طيبك وراثة ناقلين البواريد=يوم الدخن مثل القبيعي كتايم
طيبا عليه ايردداالنعم ترديد=اهل الظفريوم القى والخصايم
وقفاتكم يوم الصمايل معاديد=طيباصحيحه صادقين الكلايم
حضرم على النقره الفعله شواهيد= من دون قطع اموكدات الوسايم
وكنية الافقم عن الشك ترشيد=عمودبيت امحشمات اللثايم
صدقا ثبت ماهوبينقص ولايزيد=على دوايردايرات الرقايم
الكذب عمرانه حيات المزاهيد=والويل موعدعامرين الهضايم
ايديك لحبالالمروه مجاويد=ياسعودطيبك والمروه لمايم
على الوفى ماهي سوالف مساريد=ومن سبك ماتاردعليه الخمايم
تاج الشكاله للرجال الاماجيد= ملبوسهم قبل اختراع العمايم
وبطانته بيت الشر ف لتلع الجيد=ولا فيه لخلال المذله ثلايم
وسلومهم من سلم يعرب مماديد=وعادتهم عنهم تذوداللوايم
بني رشيد اليا هبى كل رعديد=روس العرب ماهي سوالف قزايم
وسامة الكفه كفف لزمة الكيد= اهل المروه والكرم والحشايم
قبل الا من يثري ثرى زيد وعبيد=ويعلن مزاد مروجين النمايم
سود القلوب الناقصين المحاقيد=الملحدين معلقين التمايم
هاك الزمان الي عليه التواجيد=قدام يطلع ريش برق الرخايم
ايوالله النا نجتن للمناجيد=والنا لطلاب المعونه حزايم
ولدخيلنا بسلوم شرط التقاليد=شروطنى عن مايعيبه عظايم
دونه مثل صم الصخور الجلاميد=ماتخترقنا صايبات السهايم
ووجيهنا لزكا الشهامه مصاميد=ملزم صمايد نافلين الشهايم
حبيت اوضح وأكد العلم تاكيد=يومن اله ياسعود عندك علايم
يوم التزمة الصادقين المواعيد=اللي على فعل الكرامه همايم
اللي على درالمكارم مواليد=عتبان سرج اسفورليل العتايم
نعما يعم اقرابهم والاباعيد=نعما عميمنا مثل نوالغمايم
اشرف مناخ اسلوم الاعراب تحديد=مناخ عتبان الجزيره جزايم
على كرمك اكررالشكرواعيد=ياسعوديامعنزنضيف الذمايم
ياذابحاكوم الغنم والمفاريد=ماتذبح الاناهياتاالشحايم
هاجت هجوس ابيوت شعرا مخاديد=مديح صدقا مايقفى لوايم
قبلك وهن بسهال شحبا جراهيد=اسمانهن ممايسمم هلايم
ملن وكلن وستناخن معاويد=ماكن فيهن يابن الافقم قوايم
شابن ورى كذب الشهب الال فاالبيذ=حيما على عدالحميه حوايم
عن مايسي لسم السموه مجاريد=اسيوفهن ضداحتلال الحرايم
لين استباحا سايحات المناقيد=بثياب صدقان العداه لخصايم
قصرالنهاوطال ليل السراميد=وهن على زمة سراب الزمايم
حتى استجداسهيل طيبك مجاديد=اجدادهن وستوجدنه عدايم
وجنك على يمة وميضه مواريد=وردةت هجين مدورين الغنايم
لاحدهن حادالظمى عقب تسنيد= في مقطعا مافيه غير النسايم
في عز قيظ المهلكات المواقيد=و الياس طيره في سمى الجو حايم
واللي عليهن طيبين الاواليد=وهن من اللي يقطعن الخرايم
صاحو عليهن واستفزن عباريد=تقبلن لافح هبوب السمايم
لازرفلن وسترسلن بالافاديد=جرد لسهال تروح عنهن قسايم
حراير ٍ فيهن تغنى القواصيد=ماهي علوم امجددين الرمايم
ومن مايحصل بول العمر تمجيد=يموت فطر اعياد الامدح صايم
وسلم ودم ماهل وبل الرواعيد=ياابومحمدياوريث الكرايم

شعر/سهل بن نافع

الموضوع الأصلي: مدح في سعود محمد الافقم | | الكاتب: عابرسبيل | | المصدر: شبكة بني عبس

[بتاال]

ووووووووووووووووووووووووونعم


يستااااااااااااااااااااهل ابو بندر

سعود بن الأفقم

عزالله انه كفو


وصح لسان سهل نافع

لاهنت

[ملك بلاملكه]

صح لسان شاعرها وسلمت يمين ناقلها

تقبل مروري

اخوك
ملك
بلا
ملكه

[عبدالله المظهور]

.





الأخ / عابـــــــــــــــــــــر سبيل
اشكرك على هذا النقل الرائع لهذه القصيده الجميله الرائعه
لهذا العلم الشعري ولهذا الهرم الكبير الشاعر / سهل نافع
وسهل شاعر غني عن التعريف وهو من الشعراء المحسوبين في القبيله
ومواقفه في صالح القبيله الكل يشهد بها , وهو شاعر من الطراز الاول
نقتخر به ونتابع قصائده ونبحث عنها , فله كل الشكر والعرفان على هذه
القصيده التي قالها بالشيــــــخ / سعود بن محمد الأفقم .
والشيخ سعود رجل من رجال القبيله الذي هم في غنى عن التعريف , رجل معروف
بمواقفه الجباره في نصرة القبيله والدفاع عنها تحت كل الظروف , والمدح فيه شرف
فهو صاحب كرم وخــــــوي رجال , ومن معدن كريم , ومن روس ذوي بويـــــــــــــــــدي والقلادان بشكل عااااام .
وتنازله عن هذه القصيده لصالح القبيله ليس بغريب عليه فهو دائماً سباق لما فيه صالح القبيله على جميع
المستويات .
اشكرك مره اخرى على نقلك الرائع الموفق , واشكر الشاعر العلم الكبير سهل نافع على قصيدته الجميله
واتمنى للشيخ سعود ابن الافقم , مزيداً من التوفيق والنجاح , وتقبل مروري وتحياتي وفائق احترامي وتقديري .






.

[مرزوق العجوني]

صح لسان سهل ويستاهل المدح سعود ولا هنت على نقلها لنا

[ابو عبدالعزيز]

شكراً لك اخي الكريم على النقل وصح لسان الشاعر سهل وتحرمنا من الجديد

[عبس404]

صح لسانك وقصيده رائعه

[الاجهر]

لاحدهن حادالظمى عقـب تسنيـد
في مقطعا مافيـه غيـر النسايـم
في عز قيظ المهلكـات المواقيـد
و الياس طيره في سمى الجو حايم
واللـي عليهـن طيبيـن الاواليـد
وهن من اللـي يقطعـن الخرايـم
صاحو عليهن واستفـزن عباريـد
تقبلـن لافـح هبـوب السمايـم
لازرفلـن وسترسلـن بالافاديـد
جرد لسهال تروح عنهـن قسايـم
حراير ٍ فيهـن تغنـى القواصيـد
ماهي علـوم امجدديـن الرمايـم
ومن مايحصل بول العمـر تمجيـد
يموت فطر اعياد الامـدح صايـم

صح السان الشاعر سهل نافع
وتسلم على تسطيرها هناء
تقبل تحيات اخوك الاجهر