[السيف]

قصيدة ابن مناحي

يامشرفين المنتدى بالله انا عنـدي سـؤال
ابـي أكتبـه وارتبـه وانقحـه وزيـنـه
وابي أطرحه ووجهه للشاعر اللي لايـزال
يعطي وله وقفات في ماضي حياتـه بينـه
شاعر قبيلة عبس ابن مربح ولا فيها جدال
اسمن خذاه بما فعل محدن عليـه معينـه
شاعر به الميـزات مكتملـه ولله الكمـال
أقولهـا وتقولهـا كـل النفـوس الدينـه
ولايجحد فعول الرجال الا هلابيس الرجـال
والشاعر المذكور اله وقفات ماهي هينـه
وانا سؤالي يابن مربح يا ولد واف الخصال
سؤال واضح لا تقول ان السـؤال مطينـه
وين أنت غايب يازعيم الشعر حلال الحبال
جاوب سؤالي وانتبه لا تحرفـه وتشينـه
عطني اجابه مقنعه مافيه للسكتـه مجـال
قصيدتـي بالمنتـدى والاسئلـه متبينـه

ورد الشاعر عيد يقول

بسم الله الرحمـن سبحانـه عليـه الأتكـال
عـلام ماتخفيـه نظـرات العيـون الخينـه
عزالله أني مابغيت الشرح لين الهـذر طـال
وياجب علي المنطمـس للمسلميـن أبينـه
يابن مناحـي ماتغيبنـي حـرام ومستحـال
أرسل ندا عبسـي لـراع المشكلـه بمكينـه
عبس أبريا من هفوة الهافـي وعذرالأحتيـال
أن خاف ربه وأن دفن حظه بوسـط دفينـه
حطيت للجهل أحتمال وظفت للخبث أحتمـال
وطلع بريصيـن يطقطـق بالصفـا بلسينـه
البن يطلع له حثل والمجتمـع يفـرز أحثـال
واللي يبي راس الجبـل ماينسـدح ببطينـه
مالي علاقه يأزرق النيـه بتحريـف التـلال
نفس المسمـى دوره فـي ديرتـك وتعينـه
خلك معايه واقعي وأضرب على نفسك مثـال
وأذا بغيت البينه (بابـن الوسيـط )البينـه
وأذا أنها خدشة نسب حنـا نسبنـا بالعـلال
جيناتنا ماهـي علـى قلـة سنـع متجينـه
الثار والفتنه تطاردنـا علـى طـول الليـال
وحنا جبل لـو الصواعـق تظربـه ماتلينـه
وأذا أنهـا سرقـة وطنيـه وتعقيـدة حبـال
حنا سعودييـن يـوم أن الزهـاب طحينـه
سبع بيارق كبرن يمشـن وخطاهـن ثقـال
مـع الأمـام الفيصلـي والأمـه المتدينـه
ياقلعة الأسلام هل ياجد بـك المسلـم ظـلال
الكذب كيف نحاربه والصـدق ويـن نعينـه
رغم الظروف القاسيه نصبر مثل صبر الجمال
نموت تحيا المملكـه فـي تاجهـا متزينـه
بقيادة الحر الأبي رمـز العروبـه والنظـال
كل المشاكل قدم أبو متعـب تصيـر هوينـه


والسلام

الموضوع الأصلي: جديد الشاعر عيد ابن مربح رد على ابن مناحي | | الكاتب: السيف | | المصدر: شبكة بني عبس

[ثاري الشنيني]

بيض الله وجهك على النقل

تحياتي لك

[سعد الشقل]

صح اللسان الشاعرين ابن مناحي والهرم العبسي

ولاهنت على النقل الرائع

[عابد العويمري]

بيض الله وجهك على النقل وبيض الله وجه الشاعر الكبير أبو غريب

[محمدالذيابي]

يعطيك العافيه

تقبل مروري

[سعد الفلاح]

السلام عليكم ورحمة الله وبركاته

مشكور أخوي السيف على النقل المميز وصح أللسنت الشعار الشاعر أبن مناحي وشاعر عبس أبوغريب

وتسلم يمينك

ولاهنت يلغالي

[ابو فلاح القعبوبي]

يعطيك العافيه على النقل وابو غريب شاعر ومبدع وعلم من اعلام قبيلة عبس

[التوت]

الشاعرالكبيرعيد بن عوض بن مربح شاعر ومؤرخ وصاحب موسوعه علميه في علم الانساب لذا نقدم له جزيل الشكر ونسال الله ان يمدفي عمره ويبارك فيه .