[.فيصل الذيابي.]

هذي قصيدة مختاره للشاعر / عيد بن عوض الرشيدي


هذي مداهل صاحبي هـاك الايـام
سلم علـى ضلعـه قـدم لاتعـداه
ياقد قلبـي قـد ذرعٍ مـن الخـام
في كف بيـاع ٍ يقـده لمـن جـاه
ياونتـي ونـة يتيـم ٍ ومنـضـام
في حالة قشرا على الشين تقصـاه
مرجوجة من ساس عوبـا ونمـام
من بغضها لامـه تجـره بعلبـاه
محروم من كل الصله جد واعمـام
وابـوه ثـور ٍ ماتفهـم لشـكـواه
اشاركـه نفـس المشاعـر والالام
اشاركه بالضبـط نفـس المعانـاه
على حبيبٍ شالتـه سـود الايـام
اقفـى وراح ولاتفاهمـت ويــاه
يزورني بالحلم تسعة عشـر عـام
حبٍ على وضح النقا كيف ابنسـاه
طيفه يقابلني على جسـر الاحـلام
وشاشة خيالي تلتقط بسمـة شفـاه
ادري المحبـه اوهـام بـاوهـام
نظرات عطف ٍ من سنا النار مسقاه
وبحر المحبه مااقطعه كـل عـوام
كم عاشق ٍ حصل بشاطيـه مثـواه
والله يالولا العيب ونصوص الاسلام
اني لاجهز عـدة الشـر وانصـاه
انصاه لو يحكـم عليّـه بالاعـدام
رب ٍ بلاني فيـه يدمـح خطايـاه
ياضلع انا سائلك بديـار الانسـام
حافظ على عهد ٍ بقربـك قضينـاه
سئلتك برب ٍ عالم ٍ غيب الارحـام
قدام يوم الحشر لاتجيـب طريـاه
والله ماتدري من قعد بك ومن قـام
اسرار غيرك في ركونـك مخبـاه
واحذر لاتاخذك الروابع والاوهـام
مايفضح العشـاق غيـر المبابـاه

الموضوع الأصلي: شاعر عبس ... عيد بن مربح | | الكاتب: .فيصل الذيابي. | | المصدر: شبكة بني عبس

[حنان الرشيدي]

صح لسانه ..

و سلمت أناملك على روعة الإختيار

و أسمح لي بنقلها إلى هنا ..

:

دمتَ بحفظ الرحمن

[سالم الرشيدي]

صح السان شاعر عبس عيد بن مربح

قصيده جزله ووااافيه

ومشكور فيصل

على النقل الراااائع ولاهنت

[منصور غنيمان]

صح السان شاعر عبس عيد بن مربح

قصيده جزله ووااافيه

ومشكور فيصل

على النقل الراااائع ولاهنت

[ابو حاتم]

صح السان ابوغريب
شاعر عبس قصيدة جزلة من شاعر جزل
شكرا اخي فيصل على الأختيار الرائع ولاهنت

[.فيصل الذيابي.]

مشكورين على المرور الرائع
اخوكم فيصل الرشيدي

[ابو سامي]

صح السان شاعر عبس عيد بن مربح

قصيده جزله ووااافيه

ومشكور فيصل

على النقل الراااائع ولاهنت