[ثويمرالعجوني]

اخواني اعضاء شبكة بني عبس
انقل لكم المحاورة التي جرت بيني وبين

الشاعر / عبدالله جريبيع الجعفري العنزي

عبدالله جريبع

يامرحبا في ضيوف العزوه الطيبين =ربعي نهار المواقف يحسب حسابها
العلم ياهل المعرفه هبه ضعيف وسمين= والكلمه الطيبه من حظ من جابها

ثويمر العجوني

دام البقاء في محل العزوه الغانمين = ياشاعر ٍ قام لضيوفه وحيابها
العرف يارجل مايعرض على العارفين= والي معه عين بالدرب يتقدابها

عبدالله جريبع

الله يحييك كانك زين فالعلم زين= ماقدمك الارجال ٍ تفتل اشنابها
راع المعرفه معاء طول المسافه يبين= بخلاقه الطيبه كانه تحلابها

ثويمر العجوني

جينا نبي علم طيب مانبي علم شين= يالله عسى الطيبه ماينقفل بابها
يابن جريبيع درب اهل المعرفه يمين= افطن لها كان معك اذن ٍ توحابها

عبدالله جريبع

حنا نحب الصراحه والكلام الثمين= وان قامت المشكله تراكم اسبابها
حنا معانا سيوف ٍ ذخر للمعتدين=ياما نلين جلود القوم ورقابها

ثويمر العجوني

مايثبت الا الصحيح وخل عندك يقين= وان كان به مشكله عبدالله اولابها
ابشرك ياعميل الخير درعي حصين= عندي سيوف ٍ حداد مجود انصابها

عبدالله جريبع

انا احسبنه مطوع مثل اخوه الامين=واثره ليامرناس يثور اعصابها
انته غزيت العرب عام اربعه وربعين= لكنها جتك نكبه مايحلابها

ثويمر العجوني

لاتحسب انا نخالف سنة المسلمين= اسلام سنة رسول مشينا بها
حنا غزينا العرب وأصحابنا خابرين = اطرفت عينك بيدك الي تعشابها

عبدالله جريبع

سلم العرب ياوسيع العرف والاولين = كلا ً يعد الحقيقه ويتسمابها
انت تبي غرة الاجواد والغافلين=وصارت عليكم مصيبه ربنا جابها

ثويمر العجوني

اول وهالحين يارجال ضلعي متين= مالي شغل بالعلوم الي تلوابها
كان انت ناسي معي من قومكم شاهدين =اكبر مصيبه عليكم وانتم ادرابها

عبدالله جريبع

توك لقيت الطريق الي نبي يافطين= لكن ياعين ماتعلا على اهدابها
الشاهد الي على البيداء يجر الونين= وشلون نسي الدلال الي تقهوابها

ثويمر العجوني

انا ادري انك تخاطبني بغزوة حنين= لكن بعض السوالف زين مجنابها
ماتذكر الشايب الي حسبت الميتين = ذرت عليه البيوت الي تذرابها

الموضوع الأصلي: محاورة عبدالله جريبع العنزي و ثويمر العجوني | | الكاتب: ثويمرالعجوني | | المصدر: شبكة بني عبس

[ميثاق]

محاوره جميله نتمنى لك التوفيق اخ ثويمر

وموضوعها يدور حول حرب شريفااااا

[بن هادي الرشيدي]

لا هنت ويسلم راسك أخي ثويمر ،،، واظن المعنى يدور حول غزوة شريفا(نقرة الدم) بين قبائل الرشايده وقبائل عنزه والتي راحوا بني وائل ضحايا فيها وانتصر ابناء رشيد عظيم الانتصار.


العنزي:

انته غزيت العرب عام اربعه وربعين= لكنها جتك نكبه مايحلابها

ثويمر
:
حنا غزينا العرب وأصحابنا خابرين = اطرفت عينك بيدك الي تعشابها




عااااااااااااااااش ابن عبس وصح الله لسانه ملايين عااااااااااش ابن عجوين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

[ثويمرالعجوني]

ميثاق
بن هادي الرشيدي
شكراً لمروركم الرائع

[المكلماني]

بيض الله وجهك يا ثويمر اشهد انك زحل

[عاشق الطير]

مايثبت الا الصحيح وخل عندك يقين= وان كان به مشكله عبدالله اولابها


بيض الله وجهك ياثويمـر

وصح لسانك ولسان العنزي

[ثويمرالعجوني]

شكراً على مروركم الرائع

[ابوتوتو]

توك لقيت الطريق الي نبي يافطين= لكن ياعين ماتعلا على اهدابها
الشاهد الي على البيداء يجر الونين= وشلون نسي الدلال الي تقهوابها

ثويمر العجوني

انا ادري انك تخاطبني بغزوة حنين= لكن بعض السوالف زين مجنابها
ماتذكر الشايب الي حسبت الميتين = ذرت عليه البيوت الي تذرابها

//
هنا بداءت المحاورة ولكن لأسف توقفت !!!؟؟؟؟

وعلى ما أعتقد بأن عبد الله جريبيع الغظوري وليسى الجعفري

وعلى العمووم صحت السنتكم وشعار متمكنين