[عاشق الصحراء]

صوتٍ سمعته تل قلبي من أقصاه
لولا ضلوعي راح قلبي مع الصوت

لوسمعها اللي ميتٍ قلبه أحياه
يشفي العليل اللي على حفرة الموت

عز الله إني داله البال لولاه
أسهر مثل ولد العواجي على نوت

الله يغض الحب هذي سواياه
والله يلوم اللي يلومون بخّوت

ماكل قلبٍ يدرك اللي تمناه
الحبل ماهو للمحبين مفلوت

أنا اليا شاهدت غرة محياه
والله ما أغبط الي مصيفه في بيروت

لو نجتمع ليل ونهار في مضماه
في ظل غار أحسن من (أوتيل ماريوت)

وألا على جذرة بحر مالح ماه
من البحر نشرب وناكل من الحوت

وإلا بقطعٍ من الخلا محدٍ جاه
غير الجوازي مابها أزوال وبيوت

هذا هوى القلب وغرامه بديناه
بخدودها وعيونها سحر هاروت

ماتلتفت للي قروشه بمخباه
اللي يحسبون الهوى عقل وبشوت

فيها الجمال اللي قليلة حلاياه
كنه عليها نازلٍ بالبراشوت

لو تطلب حزام الذهب مالقيناه
أقصر من الشبرين وأطول من (الفوت)

والله ماتصلح حياتي بلياه
لو لحدوني جعلهم في براهوت

نويت أخاطر وأنهبه من دناياه
وأزبن على زبن الدخيل ابن شهلوت

وإن مت بأسبابه يجازيه مولاه
بس إفزعوا لي عند بيته بتابوت
...................................
منقوووووووووووووووول...

الموضوع الأصلي: صوتٍ سمعته تل قلبي من أقصاه | | الكاتب: عاشق الصحراء | | المصدر: شبكة بني عبس

[ابو محمد العريض]

وإن مت بأسبابه يجازيه مولاه
بس إفزعوا لي عند بيته بتابوت
مشكور الغريب على النقل

[عاشق الصحراء]

مشكور اخوي
ابومحمد العريض مرورك اسعدني