[بنت النور]

ترسل عيونك عبث وتقول :أنا من قدّي!

وانت بحجاجك مساحات الشقا مرسومـه

ياعيون الريم هدّتنـي رموشـك هـدّي

لعنبوه القلب لاشافك تضيـع علومـه !

كن طرفـك لانظرنـي بالغـلا متحـدي

والمشاعر كلها فـي شوفتـك مهزومـه

فيك شي من الحلا والملح بيّـح سـدّي

يوم شفتك قلت:وش هالصدفة المقسومه

إنتثر عطر الشعـور وفـاح باقـي ودّي

وإبتسم كل المكـان وصافحتـك غيومـه

ياهلابـك ياهلابـك قلتهـا مـن جـدّي

ضيف غالي والفرح في جيّتـه وقدومـه

لو تبـي تسكـن هنيّـا والله إنـه ودي

الخفوق يفوح لك عطره مـع يشمومـه

ياشبيـه الـورد مالـك بالحنايـا نـدّي

ياخزامى الروض ياشيحـة وياقيصومـه

لو تبي تحسـب غـلاك بجـد ماينعـدّي

أنت تسوى شاعرك كله وتسوى قومـه

بس أمانه لاتوقف مع ظروفـي ضـدّي

الجفا يجلب على القلب الحزين همومـه

شف علامات الحزن بانت بطارف خـدّي

لو تغيب شوي حارب جفن عيني نومـه

هد وضعـك لاتخرّبهـا وانـا مشتـدّي

لاتسلّ سيوف هجرانك وهـي مسمومـه

صرت أخاف من الفراق ولا تجرّب صدّي

إحترم قـدر الكريـم ولا تهـد عزومـه

لاتعاندني ترى لا اقفيـت مأحـدٍ قـدّي

الرجل لاضاق من نفسـه يقـط هدومـه

الموضوع الأصلي: ياخزامى الروض ياشيحة وياقيصومة | | الكاتب: بنت النور | | المصدر: شبكة بني عبس

[النقيشى]

شفت هالبيات يسادة وانا متعدى
حارت اقدام اوظاقت نفسى المسمومه
قلت قبل واقول بعد تسلمين يابنت النور على نقاوت القصيد
النقيشى رشيدى من السودان

[سعد بن عادي]

بنت النور وش ذا الابداع في الاختيار ماشاء الله غايه في الروعه والجمال ها الابيات

كلي أمل ان اعرف شاعرهاا .


ولك مني جزيل الشكر


ودمتم كما تحبون

[بنت النور]

مشكور


النقيشى الرشيدى

[بنت النور]

تسلم اخوى سعد


مرورك اسعدنى

[العريض]

روعه صح لسان قايلها

سلمت انامل ناقلها

دمتي بحفظ الرحمن

[بنت النور]

مشكور اخوى حجاج العريض

[بنت النور]

تسلم اخوى راشد رباح