|
خيارات الموضوع |
|
هذا ما قاله الشيخ عبد الله بن فهد الدامر رحمه الله في( معركة الحفيه )
ص:179 كون بني هاجر مع العجمان ( معركة الحفيه ) كون بني هاجر اغاروا على العجمان وعددهم عشرة خيالة وبني هاجر تسعين خيال عند قوز بن طفلان وهم في كمام الامام / فيصل بن عبد الله ولا يوجد عدوات ، وأخذوا ابل العجمان ولحقوا الفزعة وقالوا لرعيان من ذا قالوا شافي بن سفر قال فهيد الخفيف اصبروا خلوني ابنحرهم ، وهذب عليهم وذاك الحين مابه الا السلاح الابيض ويوم اقبل عليهم ، قال: يا شافي قال: نعم قال يا محلف حنا قوم تغيرون على ابلنا!! هذي حذف ولا من يد قال: هذا اللي عندك هو بينا وبينكم عمله او صلح ، قال: الا حنا وانتم اخوة ومسلمين وفي كمام ابن سعود قال شافي: ماذا بكلام الولد اللي على حمرا ومنتجد سيفه وفي ايده رمح ولاحق عند ابله ينبغي منه شيء غير ذا ، وانحرف على ربعه ما عاده بيشوف القاع بيغمى عليه من كلمة بن سفر ، ويوم جاء ربعه قال يا اولاد بن حمد يا صلب جدي والله ان ذا الهاجري قالي كلمة اني بغيت اطيح من فرسي واليوم خيركم الله بين إثنتين اما والله ذلينا ذلةٍ يحكونبها عيالٍ ما بعد ولدوا ونرجع ونخلي ابلنا يسوقونها الرجاجيل وحنا نشوف ، والا ركضنا مركاض يسولفون به عيالٍ ما بعد ولدوا ، ولا أحدٍ ميت قبل يومه وال مصرا من الرجال الصاملين قالوا عليهم قال الخفيف صفوها الاذن بالاذن حتى نختلط بهم ، والحي يحيا والميت يموت ، ثم يعذرنا الله والرجال يوم صفوا العشر فشط واحدٍ منهم ذل الله يخزيه ( عاد يقول لي سالم بن وذين والله يا ولدي يا ذاك الرجال اللي شط يامن كان يلحقه بعرق انه ذليلا الى اليوم ). وصفوها التسع ويوم ادبسوهم بها فكل منهم ادلا برمحه وعقرت ثمان والتاسعه فرس الخفيف الدهماء امرقتهم من عجلتها وردها ويرد لسيف وتعقر والتسع كلها في جفرت وحده ولا منهم واحد الا مدلت هويته والا الرجاجيل ظاهرين ومخلين الابل ومخلين الجيش اللي وقوف وسطها ويشوفون الخيال اللي هناك يويق عليهم يحسبونه اول الفزعة قالوا اللي ذا قِلهم وذا قو مركاضهم هذا اول فزعة كبيرة بتجينا وذبح من ال مصراء اثنين وهم السكيني وبن همل وفهيد بن خزيم مكسرات يدينه والد سالم بن وذين والباقي ما فيهم احد الا وفيه صواب والخيل عقرت كلهاوفكوا الابل وعقب جاء الخيال اللي ذل قالوا الحمد الله اللي شردبك اركبنا من ذا الجيش وسقبنا الابل ، ولا اعلم كم قتلى بني هاجر ولكن اصيبوا بالرماح الاوله ويوم جاءوا اهلهم فقامت الفرس تصهل ادور الخيل قامت زوجته عليها واخلست منها وتليفتها بالعمود وقالت خلها تلتعن يومك ما قربتها من بني هاجر يذبوحنها مع خيل ال مصرا كان حطيتها بينها وعقرتها انت جعلك السلال ، وتروح الفرس للخيل المعقرات ويجيبها راعيها عند الصبح عاد قال فهيد الخفيف قصيدته في ذا الكون بعد انتصارهم على بني هاجر: يا الله يـا اللـي لا الـه غيـره يا اللي علينـا مرقـب ويراعـي انـك تساعدنـا علـى عدوانـا يا اللي لا طلبك من دعا سماعـي حنـا لحقنـا القـوم بأثـر ابلنـا اللـي خذوهـا حـزة الافزاعـي قلنا لهـم ياقـوم هـذا حلالنـا وعيوا على حم الذرى الطماعـي تسعيـن نطـاب الفتيلـة دونهـا وحن تسعـه ماغيرنـا فزاعـي وأنا احمد الله يوم انا مـن لابـة كم شيخ قـوم وسـدوه القاعـي أولاد مرزوق هل المدح و الثنـا فهود الـزراج وللفـرج بتاعـي من لابة في الضيق ينشاف فعلها يام هـل النامـوس والاسناعـي وكله لعينـا كـل ملحـا حايـل غرايس ما هن بشـرط لراعـي علط الرقاب من الكتوف مـوارق مثـل الدقـل لاعلقـوه شراعـي والا لعينا اللـي يحـب أخبارنـا الا وجاهم الطرشان بالاسراعـي ذبحت منهـم كـل قـرم فـارس واشبعت وحوش في الخلا جياعي شربـت انهـال وانثنيـت أعلهـا من دم كـل مجـرب صعصاعـي أبكى جوادي يوم أخـذت عنانهـا عقرت و أنا مرخي لها المصراعي ماني بمن يطعن وهـو متشطـر ماينفـع البـل بـارد المفزاعـي والقوم عقب الفعل عافوا كسبهـم واستمنعوا فـي جيـرة المناعـي وعقب صبـي مايسـوي مثلنـا ودك يلبـس بـرقـع وقنـاعـي والا لرب البيـت يقطـف شبابـه حتى الحرم عنده تجـر المناعـي هـذا وصلـوا ياجماعـه كلكـم علـى نبـي لأمتـه شفـاعـي الموضوع الأصلي: ( كون الحفية )بين قبيلة العجمان وبني هاجر برواية الشيخ عبد الله الدامر | | الكاتب: ابو فهـد | | المصدر: شبكة بني عبس
|
|
وعقب صبـي مايسـوي مثلنـا ودك يلبـس بـرقـعن وقنـاعـي ونعم بكل الاجواد دمت بكل خير
|
|
آلله يرحمه ، ويرحم موتا ً آلمسلمين َ
ونعم .. بآلعجمآن ، وآلهوآجر ، وآلآجآويد جميعا ً .. آبو فهد ، جعلك تسلم ، وبيض آلله وجهك على القصة .. وآلقصيدة < ووآصل آبدآعك وبآنتظآر جديدك .. |
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
معركة أبانات بين المظابره وحاكم حائل الشيخ / سعود بن عبدالعزيز الرشيد وقبيلة العجمان | سعود العبسي | منتدى قبيلة بني رشيد | 10 | 22-12-2013 05:52 PM |
مشائخ من قبيلة عتيبة وبني رشيد وشمر و حرب وتميم و عنزة تحتوي خلاف في حائل.... | الـقـحـيـم | منتدى اخــبار القبيلــة | 33 | 08-06-2010 02:37 PM |
نسب قبيلة بني هاجر | غنام الهاجري | قسم قصص وتاريخ القبائل العربيه | 9 | 29-06-2008 02:37 PM |
نبـــــــذه عن .......قبيلة العجمان | فهد المويسه | قسم قصص وتاريخ القبائل العربيه | 26 | 11-01-2008 10:21 AM |
قبيلة- بني خالد - وبني تميم - جمعت بين الحسنيين | الاجهر | المنتدى العــــــــــــــــام | 0 | 06-03-2007 04:32 PM |