[سعد الفلاح]

عيسى الرشيدي

ياسلامي على اهل المنتدى والسلام ابدا به = ابتدي والنوايا صافيه من قبل لا ابديبـــــه
الجحش ماتمنيته ولاكن لي اللــه جـــــــابه = ان فهم يفتهم والا عسى الله بعد مايجيبه

الجحش

مرحبا فيك والشعر ابتدى مايقفّل بابه = والدفاء بالليال الدافيه والثلوج مصيبه
جيت لعيون ربعي ياسمي والقتال مجابه= شعلت النار ماهي طافيه والشبب نحريبه

[/QUOTE]

عيسى الرشيدي

البقا وانت رجل(ن) جيت في موعدي بسبابه = وانتبه مابقالك لاسلام(ن) ولا ترحيبـــــــه
عنتر العبسي اللي مات ما مات ذكر اغيابـــه = وانت بالمنتدى معروف والسوق ماتشريبه

الجحش

التقينا ولكن وش بقاء من سؤال وجابه = ننتظر منك والطيب سنه كلّها من طيبه
مات عنتر ويلحق عنتره من جموع ولابه = كم ولد قوم حذر من القدر مير مايدريبه

عيسى الرشيدي

من كتب له كتاب بصفحة المنتدى يقرابه = وانت كم يالجحش دفتر كتبته ولا تدريبـه
مانشدنا عن الغايب لو انه يطول غيابـــه = غير واحد من الاصحاب ما فيه شك وريبه

الجحش

ياسفير الجحش خصمك قوي لاتثير اعصابه=ثم بكره يضيق الكون ياللي تبى تمشيبه
صاحب الحض منهو يوم صرت اٍمن اعز اصحابه=ياكبر حضه اللي طلعك ياصحيب اٍصحيبه

عيسى الرشيدي

الجحش من بعد هذي عرفنا قياس ثيابـــه = احسبن ديرته ماهي قريبه واثرها قريـــبــــه
كان تسكن شمال الهند والا بشرقي طابه = انت تبقى جحش والضلع الاقصى عوالك ذيبه

الجحش

الجحش صاحبٍ دايم يقدّر ضروف اصحابه = ودي ان السفير يروح والمال داخل جيبه
مير ذالحين روح وطالع برجلك المنصابه = ياصحيبٍ على نفسه جنى بعد طلّع غيبه

عيسى الرشيدي

في مصر عاشوا العقال مع عالم(ن) نصابـه .= وابتلش حسني مبارك زعيم الفعل والهيبه
ابك انا شاعر(ن) تموت ما تاصل ارض اركابه = ذيب واسري بدربن مثلك يموت مايسريبــه

الجحش

حسني اكبر زعيم ودولته دولةٍ حرابه = والمجنن تموت وموتت اهل الجنون مصيبه
المثل قال ناسن تمدح انفوسها كذابه = وانت مادري من اهل الكذب ولا من اهل الغيبه

الموضوع الأصلي: محاورة عيسى الرشيدي وعميد الشعراء | | الكاتب: سعد الفلاح | | المصدر: شبكة بني عبس

[راعي الشلفا]

بيض الله وجهك ياسعد ولاهنت على التنسيق اللذي تشكر عليه

وصح لسان الشعراء

[سعد الشقل]

بيض الله وجهك يازميل ولاهنت على التنسيق

وصح اللسان الشعارين المبدعين ..//

[أنكسارحلم]

بيض الله وجهك يابو فلاح وسمحلي في تعديل بعض
الاخطاء الاملائيه

ودمت بخير

[جـمـل]

بسم الله الرحمن الرحيم



الجحـش مـن بعـد هـذي عرفنـا قيـاس ثيـابـه

احسبـن ديرتـه ماهـي قريبـه واثـرهـا قريـبـه

كـان تسكـن شمـال الهنـد والا بشرقـي طـابـه

انت تبقى جحش والضلع الاقصى عوالك ذيبه


للاه درك ياعيسى وصح السانك وصح السان الجحش كذالك شاعر وافي

[(فارس الرشيدي)]

حسني اكبـر زعيـم ودولتـه دولـةٍ حرابـه
والمجنن تموت وموتت اهل الجنون مصيبـه
المثل قـال ناسـن تمـدح انفوسهـا كذابـه
وانت مادري من اهل الكذب ولا من اهل الغيبه

اختبوط شعرياعميدالشعراء ولكن افتقدناك في قرارك الاخير..

[الفهد]

لله دركـ ياجحشـــــــان والله انكــ شاعر بلوى
وصح لسان الشاعر عيسى ويعطيه على العافيه على هالطاروق مع الجحش الرائع وشاعري المفضل .

[يعقوب العبسي]

محاوره من الطراز الثقيل وليتنا نجد هنا مثل هذه المحاوره والشكر للمشرفين المنسقين