[ممدوح العريض]

السلام عليكم ورحمة الله وبركاته

يأبى الجديد أن يكون بلا انتماء وانتماؤه هنا في قلعة المجد والتاريخ :-

◊۩¯−ـ‗مشــــــــوار الغــــــــلا‗ـ−¯۩◊

حيل الله اقوى ياطريق الندامه = ياسرمد مـاداج في عتمـته ضيّ
سريت ليلك ماحسبت لظلامه = طويت مشوار الغلا يالغـلا طيّ
ابغى السلامه كان فيها سلامه = والا الخساير فوق ماتملك يديّ
كفكف دموعك ماتفيد الملامه = سقم الخناجر ماترك للغلا شيّ
لاتعتذر كل يوفر كلامه = اللي حصلي بسبتك ماهو شـويّ
الاوله عديتها بابتسامه =والثانية ماتقبل العذري ياخَيّ
بين خطاك!ويلعن ام الغشامه = ماحد يداوي حرقة الجوف بالكيّ
فطمت عشقك قبـل موعد فطامـه = اللي ربى بين الظـلوع وشبع غيّ
باجمع بقايا الحلم وادفن حطامه = واكتب على قبره نهاياتنا ذيّ
من باعني يحرم علي احترامه = جعله فدا راسي وجرح بقى فيّ
تبت يدين اهل الردى والرخامه = والله ماوطي هامـتي دامني حيّ
مادامها وصلت حدود الكرامه = قلبي وقلبـك والهوى تحت رجليّ

اتمنى أن تحوز على رضاكم

الموضوع الأصلي: ◊۩¯−ـ‗ مشــ الغلا ـــوار ‗ـ−¯۩◊ | | الكاتب: ممدوح العريض | | المصدر: شبكة بني عبس

[مسندالعويمري]

ممدوح العريض صح السانك رايعه وافيه من شاعر وافي

من باعني يحـرم علـي احترامـه=جعله فدا راسي وجرح بقـى فـيّ

بيت عن قصيده الله درك

[عواد العويمرى]

ممدوح العريض

انت شاعر

لك مستقبل

كبير لا تحرمنا جديدك


اخوك ابو فارس

[كهل الصباء]

قصيدة جزلة تستاهل التثبيت...

دمت بووووووود

[إبتـہآج]

صــــح لــسـانـك و أتمنــــى لـك الـتــوفيـق يــاشـاعرنا الـمــمـيز ......

و لا تــحـرمـنا جــديــدك


* دمــــت بــخـيـر *

[المعزب]

صح السانك ياممدوح العريض

[فيصل ابن عدله]

صح السانك ممدوح ولك احترااااااااااااااااااااااااااااامي


والى الأمام ولمبدع دايم مبدع ونت مبدع بدون اي تحيز ولك احلا تحايا

من اخوك
شاعر/ فيصل حمد ابن عدلـــــــــــــــــــــــــــــــه

[ممدوح العريض]

اقتباس من مشاركة مسندالعويمري ممدوح العريض صح السانك رايعه وافيه من شاعر وافي من باعني يحـرم علـي احترامـه=جعله فدا راسي وجرح بقـى فـيّ بيت عن قصيده الله درك

اشكرك اخي مسند العويمري على مرورك المشرف

مرورك اسعـــــــدني