[نجم عبسي]

كل البشر في صوب وهالبنت في صوب
الكامـل الله كامـلـه مــا تعـابـي
ترفه وهـي تمشـي مسافـات ودروب
في عـز رحـلات الشقـى والعذابـي
لا من مشت في يدهـا ترفـع الثـوب
كـلٍ يناديهـا وهـي تقـول مـابـي
من الدلـع سميتهـا شيخـة العـوب
حتـى دلعهـا منحنـي لـه اعجابـي
مركوبهـا ماهـوب أيـات مـركـوب
مـن مـر قدامـي تلنـه الركـابـي
لحقتهـا والهـرج زاهـب ومكتـوب
لأي موقـف كنـت عامـل حسـابـي
قلت السلام .. وردت بأيـش مطلـوب
قلـت الخفـوق بخفـت الـدم ذابـي
قالت وش اللي حـداك لنـاري تـذوب
قلـت المشاعـر ماعليهـا عتـابـي
قالـت تمثـل دور عاشـق ومحبـوب
قلـت الحقيقـه افتـديـك بشبـابـي
قالت اخيـر الحـب ناهـب ومنهـوب
قلت انهبيني قبل مـا انقـل صوابـي
قالت متى تكبر عـن الحـب وتتـوب
قلت الخبل من شاف زينـك وتابـي !!
قالت صراحـه مـا توقعتـك اسلـوب
قلت افهم انك معجبـه فـي جوابـي ؟
فجأه عرض لي واحدٍ عرضة خـروب
سلـم علـي وخاطـر البنـت طابـي
جاني مطفي ضارب فياض وشطـوب
ومن قو عينه قـال .. يامرحبابـي !
واخذ يسولف لي وانا فيـه مغصـوب
يسئل عـن احوالـي وسبـة غيابـي
مايدري انـه بعرضتـه كسـر قلـوب
لا واعـذابـي مـنـه لا واعـذابـي
رقد على كبدي وانا بوقـت محسـوب
البنت راحـت والرجـا منـه خابـي
وقفت عاجـز كنـي انسـان مغلـوب
من قرد حظـي كـل هـذا جـرا بـي
اتلا عهدهـا تلتفـت لفـت رعبـوب
مـا الله كتبهـا قسمـةٍ فـي كتابـي
اقفت تمشـى فـي مسافـات ودروب

الموضوع الأصلي: كل البشر | | الكاتب: نجم عبسي | | المصدر: شبكة بني عبس

[سعد بن عادي]

نجم عبسي

نص غرامي رائع جداا


شكرا لك

ولكن أخي الكريم لم توضح هل النص من تأليفك أم منقول ...

ودمتم كما تحبون

[انا وياك يا زمن]

يعطيك الف عافيه علي الموضووع الجميل

[منصور غنيمان]

نجم عبسي

نص غرامي رائع جداا


شكرا لك

[مناورالعويمري]

يعطيك الف عافيه علي الموضووع الجميل

[نجم عبسي]

شكراً على المرور جميعاً