[داري قطر]

إهداء لكل متذوق الشعر
العام أخذت البيرق وصـدت العقـاب
يوم الرجال حلوقها مـن دون ريـق
أسرجت شعري والجماهير الزهـاب
وسنادي بلاد وولـد عـم وصديـق
وحولت في الوادي وهو دونه ضباب
مدري ورى الوادي مطر ولا حريـق
كم فارسٍ وده يحـول غيـر هـاب
يستوحش الماخوذ لا شاف المضيق
اقدمت والفرسـان ترتـاب وتهـاب
أجـري الهيـاب وأقـز الطـريـق
ومثلـت داري بالقصيـد وبالجنـاب
من الشمال الى العديد الى العريـق
ترابهـا بالحـس ماحسـه تــراب
وحزومها تسوى الزمـرد والعقيـق
ومثلت راية من تلين لـه الرقـاب
صليب راي وكفو وحجاجـه طليـق
ممشاه للعليـا ذهـاب بـلا إيـاب
الشيخ ابو مشعل حمد علـمٍ دقيـق
ومثلت كل الشعب من شايب وشـاب
بدو وحضر تاريخنـا عـزٍ عريـق
ومثلت ربعٍ في الوغا مخلب ونـاب
مريـةٍ تاريخنـا مـاهـو لفـيـق
حن مزبن اللي لا يجـار ولا يثـاب
وحن فزعة اللي ذودهم راحت وثيق
أقدامنـا جبـال وعمايمنـا سحـاب
وأمجادنا تشبه سهيـلٍ لهـا بريـق
ومثلـت يـام بكبرهـا والانتسـاب
الـى همـدان نجـمٍ لـه شعـيـق
الله خلقنـا سيـلٍ متونـه هضـاب
كل السـدود نحطهـا حـبٍ دقيـق
شاركت متوكل على منشي الحقـاب
وحزامي من الشعر والعـده يضيـق
وطرقت بيبان القوافـي بـاب بـاب
وقدمت ماشفتوا جميـع انـه يليـق
وحشمت اذانيكم عن سقاط الخطـاب
ورقيت بإيديكم علـى قمـة طويـق
ووعدت داري بالفخر قبـل الكتـاب
ووفيت بأمـر الله بالعهـد الوثيـق
وسترت بأفعالي مزينـة الخضـاب
وقهرت عدواني ونومسـت الرفيـق
ولطم بعيري شوط واحـد للركـاب
يقوم راس وينتهـي ماهـو زريـق
ومن كف ابو خالد تسلمت النصـاب
من كف من عينه على القمه تويـق
شيخٍ يروم المجد ويـروم الصعـاب
خلا الشعر من نومة الغفلـه يفيـق
واليوم لا والله شفت القـاف شـاب
صار الشعر كوره وكلٍ لـه فريـق
وضاع الهدد بين الحديـه والغـراب
وضاع الصهيل مكرمين من النهيـق
إلا الرجال اللـي قصايدهـم عـذاب
اللي لها معنى بهـا حـسٍ رقيـق
لاتشعل الفتنـه ولا تطـرد سـراب
ولا يرقـع مـا نقصهـا بالزعيـق
بس العرب ما عاد تدري بالصـواب
ما ميزوا ويش الزفير من الشهيـق
من جاب ضيعه قل شوفوا ويش جاب
انا اشهد انه جاب له معنى عميـق
الذيب كانـه ذيـب يـدرع فالذيـاب
يخلـي الخرفـان للضبـع العويـق
ماجيت انافس جيت دعـمٍ للشبـاب
وفوزي دمه عاده على القمه يريـق
منقول

الموضوع الأصلي: قصيدة ابن فطيس في النسخه الثانيه | | الكاتب: داري قطر | | المصدر: شبكة بني عبس

[عاشق الصحراء]

اقتباس من مشاركة داري قطر

تحياتي لك اخو ي وشاكرين حظورك المميز والنقل الرائع والاختيار الموفق

تحياتي لك ودمت بود

[ابو ريان الرشيدي]

تحياتي لك اخو ي وشاكرين حظورك المميز والنقل الرائع والاختيار الموفق

تحياتي لك ودمت بود

[العووضي]

محمد بن فطيس شاعر وعمله نادره هذا الشاعر ينحت من حجر الله يوفقه

[ابورويشد]

محمد بن فطيس شاعر وعمله نادره هذا الشاعر ينحت من حجر الله يوفقه

[ابو سامي]

محمد بن فطيس شاعر وعمله نادره هذا الشاعر ينحت من حجر الله يوفقه
مشكور اخوي على القصيده