[رشيد]

يقال أن الشاعر حاسن المطرفي قد جرت بينه وبين شاعر من الجن هذه المحاورة وقد كانت صفوف المحاورة من الجن وفي الأبيات نص صريح على هذا الحدث سواء من أبيات حاسن أو أبيات شاعر الجن كما يلي.


شاعر الجن :

سلام جيناك من روس المشاريف
نبا نعسك عسى مابك رزيه
قالوا مسخن وقالوا حالك ضعيف
ولاتحتمل للعلوم اللي قويه

حاسن المطرفي :

يا مرحبا بالرجال أهل المعاريف
لوكان مدري من ايات النحيه
واللي يجي من كثير الجود تخفيف
وانا من الله بخير ولا عليه

شاعر الجن:

نبي نصرف كلام العرف تصريف
حتى تبين السمين من الرديه
العام تذكر تلجلج بالغطاريف
ماطحت لك في رجالٍ صيرميه

حاسن المطرفي:

المعرفه وانا حاسن بحرٍ مطيف
ماهيب سقوه ولاجتني هديه
العام اغني واعدي بالمهاييف
والعب على الناس لعب العرفجيه

شاعر الجن:

جيناك بسهومنا والرمح والسيف
وانته لحالك ولا لك مرحميه
يلعب بك الليل وانسام الهفاهيف
واخاف بكرة تصير انت الضحيه

حاسن المطرفي:

ما لومكم يا كبيرين السواليف
ماتعرفون الصواب من الخطيه
ماهي علومٍ تصرفها على الكيف
حياة نفسي على رب البريه

شاعر الجن:

والله لا ادحمك لين تعود معيف
واني لا ازاحمك بالقوم الرويه
بالكف والصف والسلطان والقيف
وأصيح للجن وأقول الحميه

حاسن المطرفي:

قهرتكم بالنبي راع المواقيف
محمد اللي بباب العنبريه
لكن صلوا بنا في مسجد الخيف
واحنا نصلي بكم في العابديه

شاعر الجن:

طايح بغبة ولا عندك مجاديف
راحت عليك الرباع مع الثنيه
ليا بغيت المعاني والمحاريف
لا تارد إلا العدود الجاهليه

حاسن المطرفي:

حنا وردنا البحر وانتم مكاتيف
يا لاعبين اللحون السامريه
روحوا مراح السحاب اللي مراديف
انتم غريبين والدار هذليه


.

الموضوع الأصلي: الشاعر الذي نازل الجن في محاورة شعرية | | الكاتب: رشيد | | المصدر: شبكة بني عبس

[رويشد]

اي والله اجل وصل للجن ، طيب الصفوف من الجن والا الانس هههههههههههههه

[مفلح المهيمزي]

ههههههههههه اهب يالجني الظاهر انه من جماعة اخو مزنه

[وضاح اليمن]

اخوي هذه تمثيليات ماتمشي علينا مثل بعضكم يوم يسوي محاوره ولا قصيده ويرد على نفسه هذا كلام فاضي تعال خل اخو مزنه يرصعك بطاروق وترك العلوم المحيله ههههههههههه

[وضاح اليمن]

خلوها

العلوم المحيله جابها النا رشيد= دكور السالفه وده يمشيها
شاعر الجن مايقطع علينا السيد= باطن الارض دايم ساكنن فيها

[وضاح اليمن]

اقتباس من مشاركة مفلح المهيمزي ههههههههههه اهب يالجني الظاهر انه من جماعة اخو مزنه

مفلح الله يرحم والديك دور المزح راح انا اللي سبوع منتك خلقي العمده يصدر من القرارات والاداره تويده فكونا خلونا نبرطم على طول

[مرزووق]

اقتباس من مشاركة وضاح اليمن خلوها العلوم المحيله جابها النا رشيد= دكور السالفه وده يمشيها شاعر الجن مايقطع علينا السيد= باطن الارض دايم ساكنن فيها

ياااوووووووه
شاعر الجن انا والا انت شاعر حيد =وكل يومن تطقطق في حراويها

وانت ياللي بناخيكم من العربيد = وش تبا بالديار وفي مفاليها

[وضاح اليمن]

حيالله مرزوق طالع بعيونك وخلك اسمت من الضب مزح وقرقره خلاص