[البرمكي]

اسباب تيس والغز جتنا الجماهير= الله يبيض وجه فازع وضاح
ومعزب الضيفان زين التعابير= اللي ردوده كلها سرور وافراح
ورويشد اللي لحيته كلها خير= وجهه منور مثل لنبه امصباح هههههههههههه
وجميع من مرو وجيهن مسافير= اللي سكن هدلان واللي بالاسياح
يالله ياربن بيدك التدابير= انك تجمعنا على خير وصلاح
وتفكنا من ماتخف المقادير= وتعوض عمدتنا ياربي بما راح

الموضوع الأصلي: شكرا فازع شكرا وضاح | | الكاتب: البرمكي | | المصدر: شبكة بني عبس

[البرمكي]

هديه للمعزب هذا من فحول غنمي وسعره يتراوح بين مليون ونصف مليون دينار عراقي ولاهو خساره عند ابو صالح وانت اعرفك كريم ان ذبحته لاتخلي من رواد الشبكة احد اعزمهم كلهم
هذا الخروف اصله وفصله معرب= اصيل وانظر في تعكف قرونه
جبته على وارد عراوي مهرب= لاشفت مركز حد صديت دونه
حتى وصل بيتن على العز جرب= امعزبن كل العرب يعرفونه
هديتن من من على الطيب درب= ولا لي شعل تقنيه او تذبحونه

[مرزووق]

يالبرمكي لا تشحذ وانت شيخ وعندك عيال = خلك على قولت الشجعان رجالن صتيمه

ضيوفكم من جميع القوم فيها الوان واشكال = وفازع يقول اعكس الصوره لقلعتنا الكريمه

[البرمكي]

اقتباس من مشاركة مرزووق يالبرمكي لا تشحذ وانت شيخ وعندك عيال = خلك على قولت الشجعان رجالن صتيمه ضيوفكم من جميع القوم فيها الوان واشكال = وفازع يقول اعكس الصوره لقلعتنا الكريمه

خلوها

حنا مانشحذ عطينا ياعريب الجد والخال= وباكر يذب الخروف وثم تاتي للعزيمه
الضيوفنا رجال خل القيل يالرجال والقال= انكان فتشت فتشنا بكم ياهل الحميمه ههههههههه

[البرمكي]

هرب مرزوق تعال نكمل الطاروق

[مرزووق]

عندك والله مافكك الا بكفيل غير العمدة رويشد يمكن يكفل ههههه
ياااااووووووه

[مرزووق]

تظرب بيدك اليمن وفي يسارك تطلب المال = ودايم مع القوم ماتهديلهم غير البهيمه

اهل الحميمه لهم بالمرجله ماقف ومنزال = يومن بعض العرب ماغير جالس مع حريمه ههههه

[مرزووق]

واااااووووه
وينك يارويشد ووينك ووينك ووينك = تعال ساعدني على هالكاولي