تحت رمش(ن)من رموشي تنثني "نجـد العذيهَـ. لاشموخ إلا شمـوخي وما الكبريآء الا كبريائي!!

[ذبحني غروركـ]

‏الود يعطى حافظين المواثيق
‏واللي يخون الود ذا الوقت واجد.

[ذبحني غروركـ]

‏الغرام أنواع و الّذ و أقسى ما لقيت
‏حب ٍتـشوف العنا والهنا فيه خشرا .

[ذبحني غروركـ]

كثرهم من حاولو يهزموني
‏شافوني الأصعب ولا شفتهم شي

‏من حقدهم في كل شي ابتلوني
‏ لو اذنبو في ذنبٍ صار الأثم لي

‏انا حديث افواههم لا طروني
‏ كابوسهم لا اظلم الليل والضي

‏عودتهم لا من نصوني احذروني
‏هيّبتهم لين اعرفو قيمتي حي .

[ذبحني غروركـ]

رضا الاوادم لا فضيله ولا فرض
‏وان ضاقوا فجوج ؟ الاراضي رحيبه

‏ماعاد احب اقول للي يضيق: إرض
‏دام الرضا ماينوخذ بالغصيبه

‏واللي بيزعل لا يفوته هذا العرض
‏والعرض شامل للشحن والضريبه

‏ياخذ معه من يزعل ويضرب الارض
‏الضربه اللي تاخذه ماتجيبه 🕊

[ذبحني غروركـ]

بشروني عسى ضاقت عليه الوسيعه
‏واحدٍ جاء يضايقنا وراح متضايق

‏لعنبو ذالوجيه اللي رداها طبيعه
‏عام وانتم تجرون السلق بالوثايق

‏ان حشمنا حشمنا حافظين الوديعه
‏وان بطشنا بطشنا قالبين الحقايق

‏حاول النذل فينا قد مايستطيعه
‏غير والله مطيح الكفو ماهو بلايق