[الزعيم..]

ركز معي بالهرج وأفتح أذانيـك

خل التغلي خل عنـك القطاعـه

عيبن عليك تبيع من كان شاريك

كنك تبيع وتشتري في بضاعـه

الصد والهجـران و إلا تغليـك

ماتنفعك لا صار عندي مناعـه

وش جاك مني غير شبيك لبيك

تامر أمر وأقول سمعن وطاعـه

يعني لاني صرت مقدر أخليـك

وإلا لأن الوقت هـاذي طباعـه

اللي تحبه صار ما يلتفت فيـك

واللي تبي فرقاه ماغاب ساعـه

تالي عتابي بالشعر بيت يعنيـك

أو بالاصح أقول عندي قناعـه

يا صاحبي لاصار صاحبك يغليك

غلطان لو فكرت تلوي ذراعـه

الموضوع الأصلي: ركز معي باااالهرج وأفتح أذانيك ....... | | الكاتب: الزعيم.. | | المصدر: شبكة بني عبس

[غيوض الرشيدي]

عوافي على قلبك .. وعلى انتقائك للحرف
عساك بخير

[احمد منيف]

صح الله لسـانك ولسـان شاعرها مشكور يابعدي ع النقل الطيب

[غربة الروح !!]

يا صاحبي لاصار صاحبك يغليك

غلطان لو فكرت تلوي ذراعـه

راااائع وربي لاهنت يامبدع

تقبل تحياااتي

[راسبه بالحب]

يعطيك العافيه ..

[آلنجم]

صح اللسان شاعرها يامعلث ابوسالم

[كحيلة]

يا صاحبي لاصار صاحبك يغليك



غلطان لو فكرت تلوي ذراعـه

الله الله..
تسلم يمينك ع النقل الجميل..قصيدة رااقت لي بالحيييل
لاخلا ولاعدم..

[آلفهد]

لاعدمناجديدك