[غـريـ الـدمع ـق]

	أستأذنك ياصاحب الورد وضيوف ودي أسولف عن قبيله لها حس تزرع وتسقي والعطا دمها قطوف سحابة ٍتمشي وتمطر على الغرس وتمر مره ثم ترجع علي وصوف واللي تحتها يرتوي بعد ما يبس الشخص فيهم شامخ ٍقلبه عطوف كرامته مايمسها الجن والإنس والشعر فيهم فنهم رمي ٍشخوف والوسم كفه عاليه تاج ٍبرنس عروقهم لحن ٍعلي عز معزوف ماهو علي حد الوطن ربعها بس وسط الجزيره حدها خارجه سوف نفس الطبائع والعوائد لها حبس ودي أسميها ومع الصفقه وقوف بني رشيد المجد من عنتر العبس معهم ومنهم ضابط الشعر مصفوف أنا الرشيدي ماكتب حرفها عكس بقول شئ ٍ وأبتدي فيه مصروف ودي نعلم كيف نخلع وجع ضرس وإن كان شفنا فيها عله ومعيوف نضرب علي صخر الوجع يطلع المس أيام أول ضربنا سلاح وسيوف وأسأل موارينا مثل طلعة الشمس ودخيلنا صعب ٍعلي سيف ملهوف لو تجتمع فيها علي رومها فرس واليوم حنا حكم طاعه ومالوف حكم ٍعلي جمع القبائل بلا طمس حكم السعود اللي وراهم علي صفوف ظلاهم جنه ولهب نارهم حمس تري الحكاوي كلها نطقها حروف بس الفعائل كلها نقشها لمس روح البحر ياصاحبي وأترك الخوف تري البحر عبسى يعلم علي الغطس من حبنا عود ٍعلى مسك ملفوف وبالطيب رشه فوق رأسه من الخمس حنا أهل جيره وعمدها علي كتوف وحنا أهل فزعه أوائل من الأمس حنا علي صرح الشجاعه لنا رفوف شجاعة ٍنترك علي ذكرها درس وحنا كرمنا عرضها طولها شوف جود وكرمنا لابسينه لنا لبس ونفوسنا زينه من عطورنا الحوف إن كان فيها الريب لديارنا عس حنا قلوب ٍحافها العطف لك حوف حنا النوايا الصافيه وعزة النفس وحنا الخطأ مانقبله وظلم مشيوف حنا سمانا وأرضنا بالخطأ شرس بعلمك حكمه نحتها علي طوف وأسأل مجرب وأنت في مشيها قس إن كان حاتم بالكرم طيب معروف أصدق رجال في الأخوه بني عبس

.
.

الموضوع الأصلي: روح البحر ياصاحبي واترك الخوف تري البحر عبسي يعلم علي الغطس سعد جميل الرشيدي | | الكاتب: غـريـ الـدمع ـق | | المصدر: شبكة بني عبس

[(ابوعواض)]

الله الله كم يشرفني ان اكون اول من يرد


قصيده لايوفيها الا التصفيق والصمت والتامل فيها


شاعر مبدع وكبير صح لسانه ولاهنت ياناقلها
امتعتنا بها

[أمـــير بـكلمتي]

تسلم على القصيده وصح لسانك
ولا عدمناك ابيات جميله تشكر عليها
تحياتي لك

[مظيبري]

بيض الله وجهك
وصح لسانك كفيت ووفيت لاعدمناك

[المشاري]

تسلم على القصيده وصح لسانك
ولا عدمناك ابيات جميله تشكر عليها
تحياتي لك

تم نقل الموضوع

[مرآهيش]

اقتباس من مشاركة غـريـ الـدمع ـق إن كان حاتم بالكرم طيب معروف أصدق رجال في الأخوه بني عبس [/frame]

وآنآ ....آشهد...

صح لسآن شآعرهآ وسلمت يمنآك ع النقل الرآئع

[الوافي]

مشكور اخوي على النقل الجميل وصح شاعرها ابدع ابداع جميل صوب القصيده

[النقيشى]

إن كان حاتم بالكرم طيب معروف
أصدق رجال في الأخوه بني عبس

[/frame]
صح السان الشاعر وسلمت على النقل