[أنكسارحلم]

أخواني رواد هذا الصرح الشامخ اقدم لكم هذه القصيده
وهي عباره عن نبذه مختصره عن بعض شيوخ وفرسان الشوالعه...
وان شاء الله تنال على استحسانكم..

الملحمه في مشاهير الشوالعه

بديت باسم الواحد المعبودي=اهو الحكيم اهو الكريم الهادي
سبحانه اللي لا إلهٍ غيره=اللي جعل صم الجبال اوتادي
ومن بعد ذكره للشعر متذوق=والشعر إله شاعر وإله نقادي
والشعر إله بين العوارف معنى=وانا مع اهل المعرفه قصادي
ويالله يامحيي الهشيم الهامد=إنك تعز ملوكنا وابلادي
مليكنا يالله تطول عمره= مليكنا غيثٍ على الاجوادي
واخوانه اللي كلهم في صفه=مابينهم حاقد ولاحسادي
في ظلهم يامملكتنا سيري=بالامن والامان جوك هادي
وياللي نويت بلادنا في نيه=بارواحنا عن مملكتنا نفادي
مانته محصل من ورانا اطماعه=ماقدمك ألا النار بالمرصادي
حنا أليا قلنا فعلنا بقوه=وبافعالنا كلٍ شكرنا وشادي
ويازمرت الارهاب والشيطاني=حنا ترانا سم للاكبادي
حنا هل الميقاف واهل النخوه=حنا لنا تاريخ ولنا امجادي
حنا قبايل عبس ياجاهلها=يكفيك عنا عنتره شدادي
رشيد جدي وافتخر في جدي=يومٍ كل له فخر واجدادي
اعطيك نبذه عن رشيد وفعله=في راسه النخوه وفيه عنادي
رشيد إله بين القبايل هيبه=العبس نار ومحزمٍ وزنادي
والمعذره ياعزوتي ياربعي= أبا اختصرها ماتسعها المادي
حددتها على غني وعياله= غني ولد رشيد راع شدادي
وابنه شويلع مرهب العدواني=يعجب نهاراً فيه نادا منادي
وعيال شويلع في نهار الهيه=مثل الاسود تصيد ماتنصادي
شنين مع كنداف والجهراني=وعوين راعي موقفٍ وجهادي
يوم الملاقا للعدى ذباحه=سيوفهم وقت الملاقا حدادي
اهل الفعايل والخيول الظمّر=تاريخهم مكتوب بالميلادي
وتسلسلت منهم رجال الهيبه=لربعهم درع وذرا وسنادي
نبدابها من عند مبارك شويلع=هو سيد الميقاف والاسيادي
وسعد بن مسعد بفعله كايد=وفضي وعلي مطوعين الغادي
وعواد ابن مضيان سيفه ساطي=لاثارة الهيجا على الميعادي
ودوغان والدهام نعمٍ فيهم=ولويفي وعايض ولد معتادي
وابن خلف والنور معهم فايز=كم عيدوا في قوم بالاعيادي
وحماده وصالح وضيف حويط=للخير خير وللقشر تزتادي
هذي اسامي ربعنا المشهوره=القصد منها نعلم الاحفادي
حتى أليا جا للفعايل طاري=يعرفهم الجاهل مع النشادي
والمعذره باللي ماقلت اسماهم=والله ماتعمدتها تعمادي
هذا حسب عرفي وعن ماسمع به=والعمر مهما طال له حصادي
وختامها مني صلاةٍ على النبي=اللهم صلي وسلم على النبي الهادي

أخوكم الشاعر/ ناصر الشويلعي

والسلام

الموضوع الأصلي: قصيده في الشوالعه.. | | الكاتب: أنكسارحلم | | المصدر: شبكة بني عبس

[مبارك الشويلع]

1

:p

حــجــــز

صح لسانك ياشاعرنا العذب

ولي عوده

[الاجهر]

اقتباس من مشاركة ناصر الشويلعي أخواني رواد هذا الصرح الشامخ اقدم لكم هذه القصيده وهي عباره عن نبذه مختصره عن بعض شيوخ وفرسان الشوالعه... وان شاء الله تنال على استحسانكم.. بديت باسم الواحد المعبودي=اهو الحكيم اهو الكريم الهادي سبحانه اللي لا إلهٍ غيره=اللي جعل صم الجبال اوتادي يالله يامحيي الهشيم الهامد=إنك تعز ملوكنا وابلادي مليكنا يالله تطول عمره= مليكنا غيثٍ على الاجوادي واخوانه اللي كلهم في صفه=مابينهم حاقد ولاحسادي في ظلهم يامملكتنا سيري=بالامن والامان جوك هادي وياللي نويت بلادنا في نيه=بارواحنا عن مملكتنا نفادي مانته محصل من ورانا اطماعه=ماقدمك ألا النار بالمرصادي حنا أليا قلنا فعلنا حنا=وبافعالنا كلٍ شكرنا وشادي ويازمرت الارهاب والشيطاني=حنا ترانا سم للاكبادي حنا هل الميقاف واهل النخوه=حنا لنا تاريخ ولنا امجادي حنا قبايل عبس ياجاهلها=يكفيك عنها عنتره شدادي رشيداعطيك نبذه عن رشيد وفعله=في راسه النخوه وفيه عنادي رشيد إله بين القبايل هيبه=العبس نار ومحزمٍ وزنادي والمعذره يالابتي ياربعي= أبا اختصرها ماتسعها المادي حددتها على غني وعياله= غني ولد رشيد راع شدادي وابنه شويلع مرهب العدواني=يعجب نهاراً فيه نادا منادي أخوكم الشاعر/ ناصر الشويلعي والسلام

بيض الله وجهك صح السانك وعلاء شانك
بالمناسبة اورد لكم قصة مقتل او استشهاد - دوغان - وهي اخر معركة لدوغان رحمه الله
حسب ما سمعت من كبار السن :
كان الفارس دوغان مع ربعة واثناء طريقهم الى جماعتهم بالبانه ومعهم المؤمن والزاد تعرضو لهم قوم من قبيلة حرب من تحت الضلع المعروف بجبل -اثقب- بين حرة الوسعة يوم يضيق الشعيب فخشم الضلع من جهة الشمال - هناك ترصدولهم القوم - وداراة المعركة - وبعض من الشوالع زبن النساء لشعيب المخيط والفرسان تشابكو مع القوم - الوقت كان ليلا" وسيطرو الشوالعة على القافلة وبعضهم عقلها وبرك عندها والفريس اشتبكو مع القوم - طعن دوغان - طعنه اردتة قتيلا وذبح ذبحاحة
- وصوب احد الغزآه - ونهزمو -
ونتصرو الشوالعة -
لاكنهم خسرو فارس شجاع ومقدام رحمه الله
وهذه حال الدنياء والحياة مواقف - شالو الشوالعة رجالهم ودفنوه بالبانه - وقاتلة اخذه وقت وهو في مكانه حتى حضر وفد سلمي من قبيلة حرب الى ابن شويلع يستاذنون في دفنة وسمح لهم ودفنوة
انتهت القصة
مشكور اخي ناصر وهذه القصة ذكرتها يوم جاء مجال هذاء الفارس المقدام -
الاجهر يحييكم

[سعد بن عادي]

صح صح لسانك أخوي ناصر

على القصيده الجزله .. ويكفي انه في من نفتخر فيهم ولهم مكانه يعلم الله

والشوالعه يستاهلون والله ..

بيض الله وجهك

دمتم كما تحبون

[سالم الرشيدي]

صح لسانك أخوي ناصر

على القصيده الجزله ولاهنت

وهذا مو غريب عليك

[عيد بن عبيد]

ناصر الشويلعي

هناكـ الكثير من بني شويلع لا يعرفون القليل مما ذكرت

نحتاج لمثل هذه القصائد ليس اعني بقولي فقط على قبيلة

الشوالعه ولكن القبائل الاخرى .. حتي من خلالها يتعرف

القارئ على فرسان القبائل ومواقفها المشرفه ... القصيدة

تختلف عن مقال (ما) تتميز بسهولة الحفظ وكذلك الاستدلال ..

هناك من كتب ودون معلومات قيمه عن قبائل بني رشيد وعلى

سبيل المثال الاخ بندر الذيابي في موضوعه السابق عن قبيلة

الذيبه وكذلك الاستاذ بشير الشويلعي ... ولكن هنا في هذه

الصفحة تميزت بشكل جديد اوردت اسماء وكلن وصيته .

اخي: ناصر الشويلعي

ليس مستغرب عليك بان تكون الاول في الطرح او بنسج قصيده

واضحة المعنى ونبيلة الهدف اخذت زينتها بذكر الله ثم

ولاءك وحبك للوطن وهذا واجب اتجاه اي شخص . اهديتنا عسجديه

تحمل بطياتها معلومات لها قيمه واسماء ابطال طالما تجدد

ذكرهم بذكر الشجاعه والكرم ...

لبست عقد من الماس وشاعرها ناصر النبراس

تقبل مروري وتحياتي وتقديري

اخوك
ع ع

[بندر الذيابي]

صح الله لسان يابو خالد

كفيت ووفيت


والنعم بالشوالعه ويستاهلون كل خير


شكري ومودتي


بندر الذيابي

[سعد الرشيدي]

الشاعر المبدع

ناصر الشويلعي

بيض الله وجهك وصح اللسانك على هذه القصيدة

المعبره عن تاريخ وفرسان الشوالعه

اخوك سعد