[الوافي 100]

نسمع هياط ونوب بالحيل بالحيل .. كم واحد يدعى لاجل المهايط

الصدق يااهل الصدق دونه خلاخيل .. لان العباطة من طبوع العبايط

والكذب تمريرة وضحكة وتمثيل .. تلقاه بين الناس دارج وعايط

قالو حليـل وقلت لا ماني حليل .. حليـل يعـني خـبل مابه وسائط

ياناشدن عني وتبغى التفاصيل .. عبسي رشيدي بين حايل والحايط

عبدالحكيم اللي رمته المحابيل .. يضيع ماجلان لولا الخرايط

عـبس الرجال اهل الفعول الحلاحيل .. ولاّ اللقايط كل ابوها لقايط

مـاذم وامـدح بالقبايل مشاكيل .. لكـن حـنا ماخلطـنا خـلايط

ياهيه يااللي تطرقون الدرابيل .. ماهي همل ولا عرايا وعلايط

حنا لها الليا بدا الجدي وسهيل .. لو دونها شطه ماتحسب شطايط

الخيل تعرفنا وحنا اهل الخيل .. والخيل تالي الوقت صارت ربايط

كنا ولازلنا خيار الرجاجيل .. يـوم انها في وقـت طـارد ولايـط

تشهد لنا الغزوات جيل ورى جيل .. واشلي بجرح الجرح والجرح خايط

صـلاة ربي مـثل وبل المخاييل .. على النبي عداد رمـل الحمايـط

الموضوع الأصلي: قصيدة المهايط للشاعر عبدالحكيم عبدالله الرشيدي | | الكاتب: الوافي 100 | | المصدر: شبكة بني عبس

[هدير الموج]

صـح لسانه قصيده جزله من شاعر جزل
وتسلم على النقل
تحياتي لك

[عاشق هوى نجد]

صح لسانك
قصيده جزله

[فاضح الشيعه]

الوافي بلغ الشاعر عبدالحكيم يستمر ----لانه بصراحة شاعر

[أبو غيث]

عبس الرجال أهل الفعول الحلاحيل **ولاَ اللقايط كل ابوها لقايط
ماذم وامدح بالقبايل مشاكيل **لكن حنا ما خلطنا خلايط


قصيده جزله ويسلم من قالها ومن نقلها