[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاروة بين الشاعر صقر ابن عبس والشاعر القنبله


صقر ابن عبس

وين الشواعير الذي تعرف الفرق=تفرق غروب الشمس من مطلع الشرق
تلعب على معنى ولا همها الطرق=من شان خاطر عين تكرم مدينه

الباب هو والقفل والمفتاح بالاسم اخشرى=هذا مثل معروف مير اليوم جيت اجدد
انشدك عن حرً ربى مع احرار اكنه سرى=واصبح على عرش العرب كل الاوامر في يده

القنبله

القنبله جاء بنيابه وحقر=وحزبه ترى حزب الشباب الموقر
وناوي ياصقر اليوم فيك ايتصقر=من شان خاطر عين تكرم مدينه

الم ترى ياصاحبي بنك مع العالم ترى=في عين وحده والعرب ياصاحبي متردده
مداح نفسه ماصدق لاكن وش صار وجرى=ضمه وفتحه ماتفسر جنب نون مشدده

صقر ابن عبس

الصقر من فوقك يرفرف جناحه=لكن طعني لاتقابل اسلاحه
ارقد وفلل نوم بالاستراحه=من شان خاطر عين تكرم مدينه

ياصاحبي قال المثل كلً على باله طرى=وانا احسب انك شاعرٍ تفهم كلامي بعدده
ياصاحبي ماهوب انا لكن دور لك ذرى=العود مايارث حلاله يافتى غير ولده

القنبله

الصقر بالمربط مقرنس ومحجوز=وترى الكذب في تاللي الليل مايجوز
وياصقر تالي الليل بتصير عزوز=من شان خاطر عين تكرم مدينه


اللي كتب جرب وشاف العلم غير اللي قرى=وياصاحبي من بعد ربط الطير بيزين اهدده
ماقلت بنك ياصحيبي من بعيدين الحرى=لاكن اقول العلم واضح مير ابيك اتردده

صقر ابن عبس

ياقنبلة حزب الشباب الدجاء طال=مير افرق الارباح عن روس الاموال
الصقر سند بالقنابل مع الجال=من شان خاطر عين تكرم قبيله

الفرق واضح بين اهل يثرب واهل واد القرى=ابعد من الشمس بسماها عن شعاع الاعمده
القنبله معطيه معنى مير مره مادرى=واصبح خسارة حزبه اللي كل يوم يجنده

القنبله

احسب حسابك يابعيد المرامي=ياتاجر الجمعه بسوق الحمامي
مادامها بين اللحم والعضامي=من شان خاطر عين تكرم مدينه

من نظر يم الثرياء مانظر يم الثرى=مقصدك مقصود والمقصود ماحدن يقصده
من وقف بالصف الاول صعب يرجع للورى=صعب يعني صعب مثلك يجي ويبعده

صقر بن عبس

القنبله يصنع بكفه الخواجه=اما من ابلاستيك ولا زجاجه
والا الصقور اصقور ماهي دجاجه=من شان خاطر عين تكرم مدينه

ياللي تبيعون البصل والثوم ماهو كمثرى=لكن قنبلة الشباب اليا لقى حق اجحده
وش فيك ضيعت الطريق اللي يوديك الكرى=ثوبي طويل وثوبكم مقصور لكن صدده

القنبله

مالك لوى مادمت بيدين خير=اللي يعدك مثل اخوه الصغير
وماينفع التغيير مهما تغير=ويابعد عينك وياقريب المدينه

انته ولد عم الولد اللي اليا لز انفرى=ولا ولد عم الولد اللي قريبن موعده
ماني بجاحد ياصقر والوسم في خد اعشرى=والعالم الله والعلوم الناقصات امزوده

الموضوع الأصلي: صقر ابن عبس + القنبله | | الكاتب: العالم الفلكي | | المصدر: شبكة بني عبس

[القنبله]

لك جزيل الشكر....
يالعالم الفلكي علا التنسيق
والله لايهينك
وبيض الله وجهك
ماقصرت
كمال وجمال
ياتاج راسي

[القنبله]

السلام عليكم ورحمة الله وبركاته
اخوي العالم الفلكي
الله لايهينك مره اخرى
ولا كن عندي شي ابغى اضيفه
ربطة الموال في الموال الاخير هي:
ويابعد عينك ياقريب المدينه
لكي لايختل المعنى عند قرائته
ونشكر كل من اطلع علا هذه المجاوره
وشكراااااااا

[العالم الفلكي]

اقتباس من مشاركة القنبله السلام عليكم ورحمة الله وبركاته اخوي العالم الفلكي الله لايهينك مره اخرى ولا كن عندي شي ابغى اضيفه ربطة الموال في الموال الاخير هي: ويابعد عينك ياقريب المدينه لكي لايختل المعنى عند قرائته ونشكر كل من اطلع علا هذه المجاوره وشكراااااااا

وعليكم السلام ورحمة الله وبركاته

تم التعديل وشكراً على المرور والتعليق