[متعب الشعباني]

اسعد الله أوقاتكم بكـل خيــر وسعــادة ..

قصيدة لإنسانه لا اوفيها حقها لا بقصيدة ولا بكلمات ولا بأشعار ولا بأفعال ..
عسى ربي يطول بعمـرهـا .. وأعمار أمهـاتكـم .. ويرحم من توفى منهن ..
اضعـهـا بيــن أيـديـكـم ..

وكـلـي أمــل أن تـنـال إعـجـابـكـم ...

إليـكـم جديـدي ..

أنتي حياتي يابعد حي مغليك
شوفك هناء نفسي ومجلا نكدها
مافيه أحد بالكون والله يساويك
ياكود أبوي اللي حياته فقدها
أسوق عمري لجل خاطر معاليك
ولا غيرك أقبّل من الغِيد يدها
خدامك المطواع فدوة مواطيك
أقبّل أرجولك عسى ما افتقدها
يحرم عليّ الحرم ماقول عاصيك
إلا إذا قلت إعصنيّ ما اعتمدها
يحرم عليّ الحرم مايوم أخليك
وحواجبك مرضى عليّ تعقدها
مهما فعلت الطيب والله موفيك
من يوفي أمه ياعرب في جهدها
لا شك اببذل كل حيلي وأجازيك
أبكل ماتملك يدي من رغدها




مع تحيــات : أخوكـم متـعب الشعبـانــي

الموضوع الأصلي: الله يحفضها (حلوة البن) | | الكاتب: متعب الشعباني | | المصدر: شبكة بني عبس

[احمد منيف]

صح الله لسانك وعسى الله يخليلك امك ويرحم

الوالد وكل مسلم

تقبل مروري يابعدي

[متعب الشعباني]

هلا وغلا اخوي الشاعر احمد منيف وصح بدنك ولاهنت يالغالي على المرور العطر
والله يجزاك خير ويرحم والدينك تحياتي لك

[ابوتوتو]

صح لسانك شاعر مبدع
ويخليلك امك ويرحم ابوك
ننتضر جديدك

[متعب الشعباني]

صح بدنك ابوتوتو ولاهنت يالغالي الله يجزاك خير ويرحم والديك
مرورك شرف لي دمت بوووود