ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
مسجات قوية الله يعين اللي بترسلوا له ........
صدقني ما بقت للحب قيمه ؟
الهجر شل الوفا وأصبح مكــــــــــانه...؟؟؟ الحب كنه طفله يتيمة ؟ مــات أبوها و أحرموها من حنانه.. صدقيني قصتي قصه أليمه البري مظلوم والقاضي أدانه.. الأحاسيس اختفت وأمست عديمة في الحبة كــــــل شيء وله زمـــــــانه.... ®®®®®® عهدن على ذكرى الألم و المهانة,, لآخذ بثار دموعنا يا خفوقي.. جرحن بجرح وكل خيانة بخيانة.. حقي,, وجرحي له من ابسط حقوقي.. تشوف رقمي على الشاشة وتسفهني.. وغيرك تمنى اتصالي بالشهر مره.. والله لآخذ بثاري وأنت عارفني.. من ضرني..ما أتسامح عنه وأضره.. وان كان قصدك بتنطيشك تعاندني.. الله يعينك على فرقاي من بكره.. ®®®®®® نعم خسرتك ولكن في حد معقول.. وخسارتي ما هي خسارة كرامه.. وكوني خسرت الحب بالعرض بالطول.. ما يعني أني خسرت الكرامة.. والحمد لله كمل الخلق بعقول.. ما ضاق صدري من زعلك وخصامه.. لا تحسب أني عقبك في ندامة ماني على حب المقفين ندمان من باعنا بالرخص نرخص مقامه نشطب عليه ونتركه دون عنوان ®®®®®® أبي قلبك يحس انه فقد بمحبته إنسان ملكته من هدب عين وخسرت رضاه بإهمالك صحيح أن الفراق أقسى ولكن الوصال محال أنا صعبن علي أرضي غرورك واضعف قبالك بعد ما حققت عيني فبعدك للرقاد أمال أعود للسهر؟ اخوي لا والله فال الله ولا فالك ®®®®®® خلك مع اللـــــي .. بالكذب يعطيـــــك .. و أنا ترى بلقا ملايين تسواك لا تحسبنــــــــي .. برخص النفس و اجيك .. ما أذل نفسي لمثلك و شرواك يحرم علـــــــي .. وصلك وقربك ولا اجيك عيديــــن وثالثهم يوم فرقـاك ®®®®®® اكره أكون بمجلس ٍ فيه أنا و أنت أكرهك أنا واكره من يجيب طاريك ذاك أمس أنا احزن أليا صار ما بنت واليوم ما تطري فوادي ولا أبيك ذاك أمس لو تعثر أنا قلت لا هنت واليوم لو أتموت ماني بباكيــــك ذاك أمس أنا بالحب من شانك أمنت واليوم ما بي جيتك لا ولا اجيك واكره أكون بمجلس ٍ فيه أنا و أنت من باعني ما بيه وش عاد طاريك ®®®®®® أيه انتهيتي ولا عدتي تهميني وحبك أشوفه يموت اليوم بعيوني ما عاد بك شي يجذبني ويغريني الله يخليلي كل اللي يحبوني عز الله انك تغيرتي و خسر تيني وعز الله انك قتلتي حلم من دوني الله يااول كنتي كبيره بعيني لو توقف الناس عنك ما يردوني مدري وش اللي تغير بك و خنتيني وصارت حياتك غريبة تتعب ظنوني واليوم والله لا غير كل ما فيني و أخون من هم من أمثالك يخونوني ®®®®®® فمان الله يا جارح زمانه فمان الروح لا جلك كنت تجيني أبيعك .. كان غيّرت الامانه مدام الدمع عايف و جيتيني تجيني تجرح القلب بهوانه تمد أيديك وتصافح يديني تبلدني تحيات الخيانة سلام الجرح والطعنات فيني .. ! سامحيني واعذريني ما بقى لك شي عندي في أمان الله روحـــي ربـي يسهل دروبك شيلي حزنك و الفرح ولعالم النسيان شدي بصراحة أعترف لك ابتدى فيني غروبك ®®®®®® أصبر يا قلبي وأنتظر خل الحزن مكتوم كل المعاني تغيرت و اتضحت الصوره صار الصدق في ها الزمن مثل الوفا معدوم ونفوسنا تجرحت والفرحة مكسورة كل المبادئ تنشري واللي معاه يسوم حتى المشاعر أرخصت والكلمة مهدوره بطلت أحب وأعيش دنياي مرتاح حتى الهوى غيرت فيه اتجاهي لا حزن لا دمعه ولا ذل وجراح لا قلب مشغول ولا فكر ساهي بدلت كلمات الغزل جد وصياح لا عاش من يقدر يعكر مزاجي أبأخذ الدنيا دلع لعب و أفراح أبغى كذا أعيش دنياي لاهي ®®®®®® أن جيت من غرب أنا لا روح من شرقا لا بارك الله في درب فيك يجمعني و ياللي على فراقه عيوني غدت غرقا كلي من اقصاي في حبك مغرقني واللي طحا الأرض وخلا السماء زرقا لعلمك كيف تندم يوم تهجرني وفر كلامك ورني عرض الأكتاف قلبي كره هرجك ولا هوب مجبور ترى القلوب بطبعها شي شفاف الكسر فيها صعب تلقى له جبور ولا تحسب أني من الهجر بخاف يا شيخ خذ حبك وقلبك ومشكور ®®®®®® لو تباعدنا غدا الكون الكبير شارع مظلم وتبكيه البيوت جائز الوضع من بعدك خطير وجائز إن الهم في صدري يفوت بس شي واحد محال إنه يصير ما أذل النفس لجلك لو تموت لا تلمس الجرح خل الجرح وأسبابه الله يخليك ما فيني يكفيني حتى حبيبي زمان الحب ما جابه كان آخر إنسان متصور يجافيني يكفيني إنه ترك لي شي أشقابه دفتر قصيد وقلم مسجون بيديني ®®®®®® و ينهى يا صبر مالي غيرها لو هي تخون شف دفاها في ضلوعي نبضها حولي يحوم قلت وعيوني تكابر دمعها يرثي الجفون ليتني يا حب ميت قبل ما قلبك يروم من صغر سني أعاني وما بقى للصبر عون رح لها يا حبي يمكن قلبها يصبح رحوم ®®®®®® إذا في يوم نبهك الضمير وهاجسك صحاك و حسيت بألم فرقا ولا تقوى طواريها وإذا في يوم حنيت لهوى الماضي ولا خلاك زمان تطوي أيامه ولا تدري بتاليها تذكر واحد مهموم من يأسه ومن رجواك فلا هو يائس ينسى ولا الرجوى يخليها ®®®®®® يا صاحبي هانت عليك المحبه لا و حسايف عقب نهاك المواثيق جمر الغضا في وسط قلبي تشبه نارٍ حطبها يابسات المعاليق كاسٍ مليته بالوفا لا تكبه خله يبلل بالوصل يابس الريق صبه بقلبي ثم مله وصبه وان كان ودك غرق القلب تغريق ®®®®®® تعبت أدور بين كل المظاهر حبٍ .. ولكن .. كل حبٍ بلا لون تعبت اصدّق والخديعة تجاهر والصدق .. ميّت بالحقيقة ومدفون تعبت أنادي .. كنّ حولي مقابر أصرخ وصوتي .. بالصدى يجرح الكون أجي غريبة .. وارجع بكسر خاطر أجي وأعوّد .. خافقي كله طعون ®®®®®® ياما تمنيتك بونات ودموع ويا ما سهرت وراح عمري برجواك بكيت من فرقاك والقلب مفجوع ويا ليت قلبي حذرن قبل يهواك ومشيت في درب طويل ومقطوع وخليت روحي غارقة وسط دنياك كنت احسب أن الوقت يمشي لي بطوع وأثر سلاح الوقت والحب فتاك ®®®®®® بلا ميعاد : بالصدفة تلاقينا - سهرنا الليل - ومشينا دون ما ندري وبالآخر: نسينا الحب حسبنا إن الهوى كله خداع وزيف وخطوه مالها داعي عرفت إن الحياة اللي بدونك تساوي موت وتمنيتك تجي وتشوف نهاية شوفه الصدفة.. ®®®®®® ما هو بكيفك يا هوى البال تجفا الموت بيد الله بس ما قدر أخليك والجرح جرحي وأعرفه ما راح يشفا بيضل ينزف ينتظر لمسه أيدك أنا راضي بالشهر يوم تصفا بظلك لا روح و أنا خاطري فيك يا ولد طبعي ما ترجى مقفين من صد عني حالف ما ترجاه ننسى هوى من لا يبينا محبين ننسى غلاه وباقي الود نمحاه ننسى هوى من باق عهد المحبين ناقض عهود الحب لابد ننساه نعلن جفاه ومن غرامه متبرين فراق حبه عزة النفس ورضاه ®®®®®® تذكر صاحبك وارجع تقرب له ولو بالصـــوت على آخر نفس واقـف تجي ولا يجي له المـــوت وأشوف الموت أحرص منك وأشوف إنك تبي موتــــه وأخاف إنك بعد موته تحن وتفتح التابـــوت وأخاف من القهر يقفل في وجهك باب التابــــوت ®®®®®® تحسب إني بجي عندك حبيبي وأنحني لرضاك ورب الكون ذا بعدك ولا يمكن أسويها أنا طبعي عزيز النفس مهما دارت الأفلاك بمشي نفسي بكيفي أبد ما أحد يمشيه محبة ما أبي منك محبة لو تجي برضاك أبلعنها وبلعن كل شخص لي يطريها ®®®®®® والله لو تبعد فلا همني رضاك واسمع كلامي زين دام أنت هادي ما كنت شي و شلون ازعل لفرقاك عادي وجودك كان وان رحت عادي جايز أكون أول تعاطفت و ياك لكن فبالي كان تركك و كادي لا تنفعل لا تثور لا تبرر خطاك ما ينفع الغرقان مد الأيادي ®®®®®® شفت الأذى منك ومن دون تقصير زدت الجروح اللي سببها حناني النفس طابت ما تبي منك تفسير لا تحسب أني ارتجي من نساني ما جيت أبي منك محبه وتقدير حتى ولو دمعك وقلبك دعاني أبشرك قلبي من غيابك بخير رغم الجروح اللي بكتها الأماني ®®®®®® لحظة..!! قبل لا تطلب.. البعد.. و تغيــــــــــــــــــب....!! و تنهي معي مرحله من حياتك.. (( روح )) و اترك.. بقلبي.. لك.. أربع معازيب.. معزتــك.. طاريــــــك.. حبـــــــــــــك.. غلاتــــــــــــــــك.. و أن شفتني.. أجمع شتاتي.. ما هو.. عيب..!! باكر.. مع الأيام..((تجمــــع شتاتــــــك..!! ®®®®®® هذي أخرتها.. معاك..؟؟ رميت ((حبي)) وراك..؟؟ قلب عطاك الوفا.. مجنوووووون.. لو مانساك.. حلال فيك ((العذاب))..ذوق مر الغياب.. مدام حبك.. ((سراب)) شل الفايدة من هواك..!!؟ ((قلب عطاك الوفا)) مجنون لو مانساك... ®®®®®® خلقت لي شموخ وهامه ما طالها طويلين الأنفاس وكونت لي عرش رفيع مقامه ما يوصله جن ولا يوصله ناس ورفعت نفسي فوق هام الغمامة أشوف زلات البشر وارفع الرأس واليوم كلن خصني باحترامه واللي معاديني بالأقدام ينداس ®®®®®® صدق من قال يا دنيا ابد مالك أمان بيـوم ولا للصاحب بقلبـك مكـان ولا تلومينـي أنا ما جيت أبعاتب يكفينا عتـاب ولـوم ولا بشره على منهو مع العربـان جافينـي أنا جيت اسأل الظالم سؤالٍ ردده مظلـوم تظن ارتحت بعد اللي جرا ما بينك وبينـي؟ ®®®®®® دموعي مالت لحبري وخطت بالورق أهات وقالت رغم كثرتها حبيبي ليه تشقيني حبيبي ليه تجرحني وتطعن بالخفا طعنات وأنا أللي واثق بحبك حسبت أنك تحبيني حبيبي من علمك الغدر وخلا فيك حب الذات بعدما كان لك أحساس حاله دوم يرويني ®®®®®® إذا طلع لك قلب وعرف تشتاق تعال دورني تلقاني مكاني وان كان قلبك نايم ما بعد فاق خله الين يفوق مع جرح ثاني أبشرك ما عاد يوجعني فراق وأقسى وجع فيني يزول بثواني الورد يذبل لي يبس منه العود والماي لو عندي أنا ما سقيتك صحيح حبيتك على قدر محدود وسر الخوافي في ضميري عطيتك غشيم كنت أحسبك تحفظ سدود أثريك جاهل لأجل هذا رميتك ®®®®®® اتصل بي و أسال وسلم دام عيني منك مقهورة ها جرني ليش ما ترحم فرحتي و ياك مكسورة من شهر في الحب تتكلم و أنت جاهل علم دستوره والله انك صرت ما تفهم في معاني الحب و بحوره غصب لأخليك تتعلم تحترم هذا القلب و شعوره ®®®®®® في زمانك محد يشيل همك لا حبيبك لا أخوك لا رفيقك ما تهم اللي يهمك لو بغيت تعيش صح صل فرضك و أقضي أرضك وخلها للي عيونه ما تنام ونام ®®®®®® تسأل علي يا خاين الحب والملح تبي تشوف حالي بلياك هذا أنا متوسد الهم والجرح أحاول أنسى ماضي الحب و أنساك جيت ببرودك تعتذر تطلب الصلح لك عين تنطق اسمي شفاك؟! ®®®®®® قال مجروح ..... جاوبته نعم قال ما شوف بك ..أثار ..دم قلت وان كان في ذاتي النزيف قال مابه نزيف... من عدم قلت وان خان بي أغلى حبيب قال وهم...بنيـــــته و أنهدم قلت ما عذبك يوم الفراق قال درب وتمشيه القدم ®®®®®® نفس الرسايل بيننا كل ليله تغلط علي ثم ترسل"آسف حياتي" مليت أحط بخاطري لك وأشيله وأنسى قساك ليا حلفت بغلاتي يا صاحبي بعض الخطا ما يزيله لا قولت آسف أو بعد يا حياتي خل الرسايل للمحبة وسيلة كلمة غلا وأكسب معاه رضاتي ®®®®®® لو تباعدنا غدا الكون الكبير شارع مظلم وتبكيه البيوت جائز الوضع من بعدك خطير وجائز إن الهم في صدري يفوت بس شي واحد محال إنه يصير ما أذل النفس لجلك لو تموت ®®®®®® قصدك إني أتنازل لك و أجيك وأنحني من عقب ما قلت الوادع مثل ما أنتي ما تبيني ما أبيك المحبة مابها غش وخداع روحي دوري لك على غيري شريك وارتحلي بالهم في دنيا الضياع ®®®®®® رمزت با حروف حرماني على صدر الألم ليتك تحس بلوعة المجروح يوم انك تجاهلته كتبت أخر قصيدة حب بحر خداع سميتك أنا العطشان وأغراني سراب لاح ماطلته قررت أنا هجرك وقررت أنساك و سديت باب كنت لك هو بنيته ماني بمثل أول أحبك وأهواك ليت حبي مات من قبل ليته خلك تحسف موت من حرما جاك يا حسافه على حبي اللي عطيته ®®®®®® مركون بين البحر والبيت وحداني أبني لروحي أمل وجروحي تهده وأمر قبل الغروب أرتب أحزاني أطوي شراع الهوى وأنوح وأمده لا يا بحر منهو اللي ناسي الثاني أنا أو اللي هجر شاطيك من مده ®®®®®® فزيت أسابق خطوتي لأجل أعزيك في موت حبك وأنتهي من حياتي و طيت ذاك الحب وعهود ماضيك أبعد خلاص اليوم بعدك غناتي مات الوفاء والقلب ما عاد يرجيك ودفنت ماضي حبك بذكرياتي ®®®®®® من مواني الليل لعيونك سريت ودمعتي تحلف علي أهلها كم بكيت بداخلي لو ما بكيت كبرت همومي وقلبي شلها كم تناسيتك ولكن ما نسيت لو تغيب الشمس يبقى ظلها با أنتهي بك مثل ما فيك أبتديت وما سوت عزة زماني وذلها ®®®®®® سافر حبيبي ما بقى غير تذكار تذكار عين للمحبة سهيره سافر وقلبي من عن البعد صبار مبعد من عيوني وقلبي يديره أجامل الضحكة وقلبي على نار والجمر في جوفي تزايد سعيره ®®®®®® أنا إنسان حبيت واحد كنت أظنه إنسان واكتشفت إنه خوان و ما يعرف معنى للأمان نسيت إنّا عايشين في غابه الوحوش فيها ماليه المكان والغباء إني بعدني أقول عن نفسي أنا إنسان ®®®®®® أسرح مع الأفكار في كل حزه ويهل دمعي فوق خدي سكايب أبكي زمان صان قلبي وهزه عقب السعد هجيت والعقل هايب يا أخوي وقتي هزني اليوم هزه وأشعل بصدري من سعير اللهايب عقب المعزة وين ذيك المعزة راحت و لا لي غير حصد المصايب ®®®®®® افترقنا و أنكسر خاطر وخاطر وأنتي قلبك ما رحم قلب عليل في عيوني كم ألم خافي وظاهر والرضا في بسمة شفاتك دليل بالسلامة روحي يا خاينة وغادره وين ما حبيتي و نويتي الرحيل دام قلبك صار عالنسيان قادر القدر محد يرده مستحيل ®®®®®® تسألي علي يا خاينه الحب والملح تبين تشوفين حالي بلياك هذا أنا متوسد الهم والجرح أحاول أنسا ماضي الحب وأنساك جيتي ببرودك تعتذري تطلبي الصلح لك عين تنطق أسمي شفاك ®®®®®® حسبي عليك بجرح قلبي تمكنـت أدخلت سم الغدر فيـه وجرحتـه وأنا نسيت أني عرفتك أنت كنت أعتقد أوفى عشير عرفته وأثر الغلا زوّال با أسرع ما خنـت كم واحد ٍ غيري بزيفـك عشقتـه ®®®®®® أبشرك جرحك ثمن غلطتي فيك ولا أنت ما تجبر على حبك إنسان اليوم لا بشكي ولا بندم أبكيك فعلك مضارع بس حبك خبر كان على نجاح الدور والفلم أهنيك أنا أشهد أنك كنت بارع وفنان حطمت من يهواك دايم و يغليك ®®®®®® مثلك ترى ما يهمني..يكرهني و إلا يحبني تبي الحقيقة واضحة ما فيك شي يشدني كلن مع خله سعيد..حتى لو عاشوا بعيد من يبي الفرقى ابد..إلا أنت فرقاك عيد ®®®®®® فقير حظ ورأس مالي ثيابي وأبسط طموحاتي تهز أعمدتهم فاتح لهم قلبي وطيبي وبابي وعيونهم قبل الحكي فاضحتهم قالوا وقالوا واشبعوا باغتيابي هذي نواياهم و ذيك ألسنتهم حتى وأنا أتألم وأموت فعذابي دمعات عيني بالحزن فرحتهم ®®®®®® يمكن طيبتي غلطة ! تجازيني بها الأيام، تعلمني أكون قاسي وأخلي عيونهم ما تنام، خذوها سيرتي لعبة وزادوا بي جروح وآلام، نسوا انه الزمان يدور وانه ربهم علام، مصير الدنيا تجرحهم ويطعنهم كلام بسهام، ®®®®®® منقول الموضوع الأصلي: مسجات قوية الله يعين اللي بترسلوا له ........ | | الكاتب: قتيل الشوق | | المصدر: شبكة بني عبس
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الله يعين العاشق الولهان | عبدالله الصفران | منتدى الشـــعــــر | 6 | 22-08-2011 05:25 PM |
| اليل الله يعين الصابرين | السيف القاطع | منتدى المحــــــــــــــاوره | 0 | 03-04-2011 10:20 PM |
| الله يعين العمده ..امين | يعقوب العبسي | منتدى المحــــــــــــــاوره | 3 | 06-11-2009 01:37 AM |
| مسجات قوية للي زعلان منك أو عليك | فتى العروبه | منتدى الكمبيوتر والجوال | 5 | 08-08-2009 04:41 AM |
الساعة الآن +4: 11:47 AM.
جميع الحقوق محفوظة شبكة بني عبس
