[سعد المظيبري]

	ياكبديّ الليّ من الحرمـان منهشمـه = فيها مـن العـام نجـارٍ بشاكوشـه والليّ هشمها شفاتٍ دونهـا حشمـه = أرهى على الليّ تبي نفسي ولا أنوشه حجزٍ يرّد الرجاوي من ورى خشمه = وأنّ رده الحجز والاّ ضاع فالطوشه عمّر بيـوتٍ علـى بيبانهـا رشمـه = وبطونها بأفخـم الشيـراز مفروشـه

	كـمّ مفـرقٍ كـلّ ماجيتـه تعديتـه = اشوف خطّه ولا أقراء ويش لوحاته ياكود مفرق رقبة العطـف لاجيتـه = يفرض علـيّ الألتفاتـه والتنهّاتـه فيّ حشمة الليّ مصافيني وصافيتـه = من خلقتي ماحدٍ سوّى بـيّ سواتـه مايسمح البال لين أقف علـى بيتـه = وأضرم له أضرامة الزيدي على قاته

	أناّ لوّ أبصبر عـام مابـان بـي تأثيـر = وهالحين حتّى الصبر يومين ما أحتلتـه أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه أجمعله سمان الهرج خوفٍ من التقصير = والى جيت ابشرح له كلامي تهيزلتـه يجيني منّه هيبه . معزه . سحى . تقدير = اقابلـه عنـدي علـم وأروح ماقلـتـه

الموضوع الأصلي: مجموعه من قصائد الشاعر الكبير سعد بن جدلان | | الكاتب: سعد المظيبري | | المصدر: شبكة بني عبس

[العريض]

سعد المظيبري

نقلك يدل على ذوقك الراقي

اشكرك على النقل الجميل

دمت بحفظ الرحمن

[عبس404]

قصيده رائعه وشكرا على نقلها