[عبدالله المظهور]

يعبـث بنا الشعر احياناً
ويقودنا معه
حتى نصل الى مايلـــي :

على شاطي بحر حب(ن) جمع مابيني .. وبينه = وقفت !! .. اغني ابيات(ن) من اشعاري .. وارددها
وعلى الطاري .. ومع ماضي غرام(ن) راحت سنينه = ومع الذكرى .. ومع احلام(ن) عجاج الوقت بددها
سرى العاشق .. على ذكرى الغلا .. حتى بكت عينه !! = وجفت من دموعه .. والعمى اصبح يهددها
ياعيني .. من هجر دنيا غرامك .. ليش تبكينه ؟ = اعاتب عيني احياناً .. ونوب ارجع واساندها!!
دموع فراق .. تسقي درب .. من تاهت عناوينه = على وجهة غياب(ن) مااستطعت اني احددها
سعادة سيدة شعري .. ويانجمة دواوينه = ويامجموعة احزاني .. على افراحي ومفردها
ياشمعة وقتي الي عشت به .. وانتي تضوينه = ياصادر .. منطقة حدب الضلوع .. ويامواردها
غيابك .. وانقطاعك .. وابتعادك .. وش تسمينه ؟ = مسارات الصدود الي سلكتي .. وش فوايدها ؟
خذاك البعد من جو الغرام الي تعيشينه = الى مجهول دنيا(ن) مانعيش ابلا نكايدها
رحلتي .. يابعد عمر الحبيب الي تمنينه = وجلست اكتب على الذكرى قصايد شوق واسندها
تعالي .. واسمعي بوح القصايد وش مضامينه = سهرت اقنص ابيوت الشعر لاجلك .. واتصيدها
قصيدي فيك .. ياليته يجي لك ثم تقرينه = ياليت الشعر ياصل للحبيبه .. ثم ينشدها
عن اسباب الجفاء .. والبعد .. والصد .. ومعاوينه = وعن الهجران .. هل هو غصب ولا من تعمدها ؟؟
وعن سجن الشعور .. وعن مصير اعظم مساجينه = وعن دولة .. (احبك) .. من حكمها بعد قايدها ؟؟
ياعمري .. ياسبب همي .. حبيبك كيف تنسينه ؟ = نسيتي .. من وهب نفسه على شانك .. وجندها !!
نسيتي .. من خسر لاجلك رضى اقرب محبينه !! = نسيتي .. من بذل جهده لروحك لاجل يسعدها !!
نسيتي .. من سهر ليله يعاني ماتعانينه = ودايم ينظر احوالك ويسأل ويتفقدها
انا ابعرف .. عقب فرقاي .. ( ليلك هل تنامينه ؟ ) = وفاتورة فراقي .. ( هل غزاك احدن وسددها ؟ )
ياليت الي حصل لي بعد مارحتي تشوفينه = زرعتي لك جروح(ن) مالقيت الي يضمدها
هجرت الناس .. واشغلت اللسان بمفردة .. (وينـــه) ؟؟ = وخاويت السهر .. واشغل جفون العين واجهدها
سنين العمر تمضي .. والزمن يطعن بسكينه = وانا مازلت اقول يجوز عشرتنا نجددها
ويمر الوقت .. والمديون باقي ماقضى دينه = حقوقه ضايعه بين ابيض الايام .. واسودها
سؤال اخير !! .. وابغى منك اجابه كان توحينه = على ضوء الاجابه تتضح نفسك .. ومقصدها
انا ابسألك !! .. قولي لي بحق الي تعبدينه = ليالي صاحبك .. من غير شوفك .. كيف يرقدها ؟؟؟!!!

الموضوع الأصلي: ذكريات .. على شاطي بحر الغرام !!! | | الكاتب: عبدالله المظهور | | المصدر: شبكة بني عبس

[النمر1012]

الله الله الله
صح اللسانك وقصيده رائعه واكثر من رائعه
مبدع يابن مظهور دائما في كل حالات الشعر
واختار من قصيد

سنيـن العمـر تمضـي .. والزمـن يطعـن بسكينـه

وانـا مازلـت اقـول يـجـوز عشرتـنـا نجـددهـا

ويمـر الوقـت .. والمديـون باقـي ماقضـى دينـه

حقوقـه ضايعـه بيـن ابيـض الايـام .. واسودهـا

سؤال اخير !! .. وابغى منـك اجابـه كـان توحينـه

على ضـوء الاجابـه تتضـح نفسـك .. ومقصدهـا

انا ابسألـك !! .. قولـي لـي بحـق الـي تعبدينـه

ليالي صاحبك .. من غير شوفك .. كيف يرقدها ؟؟؟

ه

[فضي البراك]

الشاعر الرائع / عبدالله المظهور


مبدعٌ يمتلك ناصية الشعر فهو دائما يهدينا أجمل المشاعر من أقصر الطرق

أتمنى أن تعود ونرى الأجمل والابهى ،،

[أثير الشوق]

صح لسانك ياشاعر قصيده جميله ...

[احمد منيف]

صح الله لسـانك مبدع بقمة والله

استمتعت فيها وقرأتها اكثر من مره بالتوفيق اخوووووي :)

[جبل وعيره]

الله الله يابن مظهور

شاعر لا نستغرب عليك الجزاله

تحياتي اخوك ,,,جبل

[عبداللطيف العايضي]

اقتباس من مشاركة عبدالله المظهور يعبـث بنا الشعر احياناً ويقودنا معه حتى نصل الى مايلـــي : على شاطي بحر حب(ن) جمع مابيني .. وبينه = وقفت !! .. اغني ابيات(ن) من اشعاري .. وارددها وعلى الطاري .. ومع ماضي غرام(ن) راحت سنينه = ومع الذكرى .. ومع احلام(ن) عجاج الوقت بددها سرى العاشق .. على ذكرى الغلا .. حتى بكت عينه !! = وجفت من دموعه .. والعمى اصبح يهددها ياعيني .. من هجر دنيا غرامك .. ليش تبكينه ؟ = اعاتب عيني احياناً .. ونوب ارجع واساندها!! دموع فراق .. تسقي درب .. من تاهت عناوينه = على وجهة غياب(ن) مااستطعت اني احددها سعادة سيدة شعري .. ويانجمة دواوينه = ويامجموعة احزاني .. على افراحي ومفردها ياشمعة وقتي الي عشت به .. وانتي تضوينه = ياصادر .. منطقة حدب الضلوع .. ويامواردها غيابك .. وانقطاعك .. وابتعادك .. وش تسمينه ؟ = مسارات الصدود الي سلكتي .. وش فوايدها ؟ خذاك البعد من جو الغرام الي تعيشينه = الى مجهول دنيا(ن) مانعيش ابلا نكايدها رحلتي .. يابعد عمر الحبيب الي تمنينه = وجلست اكتب على الذكرى قصايد شوق واسندها تعالي .. واسمعي بوح القصايد وش مضامينه = سهرت اقنص ابيوت الشعر لاجلك .. واتصيدها قصيدي فيك .. ياليته يجي لك ثم تقرينه = ياليت الشعر ياصل للحبيبه .. ثم ينشدها عن اسباب الجفاء .. والبعد .. والصد .. ومعاوينه = وعن الهجران .. هل هو غصب ولا من تعمدها ؟؟ وعن سجن الشعور .. وعن مصير اعظم مساجينه = وعن دولة .. (احبك) .. من حكمها بعد قايدها ؟؟ ياعمري .. ياسبب همي .. حبيبك كيف تنسينه ؟ = نسيتي .. من وهب نفسه على شانك .. وجندها !! نسيتي .. من خسر لاجلك رضى اقرب محبينه !! = نسيتي .. من بذل جهده لروحك لاجل يسعدها !! نسيتي .. من سهر ليله يعاني ماتعانينه = ودايم ينظر احوالك ويسأل ويتفقدها انا ابعرف .. عقب فرقاي .. ( ليلك هل تنامينه ؟ ) = وفاتورة فراقي .. ( هل غزاك احدن وسددها ؟ ) ياليت الي حصل لي بعد مارحتي تشوفينه = زرعتي لك جروح(ن) مالقيت الي يضمدها هجرت الناس .. واشغلت اللسان بمفردة .. (وينـــه) ؟؟ = وخاويت السهر .. واشغل جفون العين واجهدها سنين العمر تمضي .. والزمن يطعن بسكينه = وانا مازلت اقول يجوز عشرتنا نجددها ويمر الوقت .. والمديون باقي ماقضى دينه = حقوقه ضايعه بين ابيض الايام .. واسودها سؤال اخير !! .. وابغى منك اجابه كان توحينه = على ضوء الاجابه تتضح نفسك .. ومقصدها انا ابسألك !! .. قولي لي بحق الي تعبدينه = ليالي صاحبك .. من غير شوفك .. كيف يرقدها ؟؟؟!!!

هلا وغلا مليااااااار ولا يكفوووون والله يا أبو محمد

أول شي الله لا يحرمنا من قصايد الشوووق !

فكر شاعرنا أبو محمد لم اجد له شبيه إلا السحاب اللذي يسير تحت السما وخياله البرق ومعنى شعره الرعد وحروفه قطرات المطر اللذي تنسكب زلال

صح للسانك مدد بلا عدد يا أبو محمد

أقبل عذر قلمي أتجاه سمو ذاتك وسمو شعرك يالغالي

ودي لك قبل ردي

[مسندالعويمري]

ابو محمد جميل الشعر حينما يسمع وكبير الوصول إليه
وهنا قرينا شعر جميل من شاعر كبير يمتلك ادوات الابداع الشعري
ابو محمد صح السانك