[سعد الشقل]

الزلزال

سلام ردية وانا من عادتي رجلٍ صريـح=باب المجامل قافله بالقفل والدرب ابرحـي
كان الكلام اللي سمعنا عنك ياناصر صحيح=عز الله إنك ياقليـل المعرفـه ماتستحـي

العمده

مافيه ترحيبه وقلي وشو العلم القبيح=لاتقعد تفلت هداك اللي لخلقه يصلحي
حنا بشهر الخير والله يعطا عبده يبيح=الله ليا منه رحم عبده لذنبه يدمحـي

الزلزال

أول قباحة علمك إنك في تراحيبـك شحيـح=تجهل سلوم جدودك اللي سلمهـم ماينمحـي
والثاني إنك عقب ماتاقف على طولك تطيـح=الطيحة اللي خلت أخصامك يصير الهم وحي

العمده

قباحتي من هرجك اللي مابه الحرف المليح=حملت بالعلم الردي وعلي جيت مطبحـي
ماطيح لكن قلبك اليله علا ناصـر جريـح=وراع الضليمه وضلم عند الولي مايربحي

الزلزال

عملتك خلت وجهك الابيض مع العالم كليح=وشلون تنسى دارك وربعك وعنهم تنتحـي
هدمت بيتٍ من حجر وأقمت بيتٍ من صفيح=لين العرب قاموا على راسك يديرون الرحي

العمده

اعمالنا زينه ولكن مارحم الوجه الكسيـح=نحيت عنك وعن بلادك يوم خيرك شلفحي
ما والله اهدم بيت عز وصاحبه وجهن فليح=ومعناك فاشل وانت مثله مار قدمي دلبحـي

الزلزال

مانته بفاهم مقصـدي لكـن ليتـك تستريـح=لو كنت تسوى قلت شبي ياشرارة واقدحـي
حطوك عمدة وانت لا تفهم ولا هرجك فصيح=لكن خلك مع لميس وكبٌ شمطـان اللحـي

العمده

ماعاد انا مرتاح حتى تضرب الخط الفسيح=وانا معك منيه حتـى يالمغفـل تصبحـي
حطوني اهل الطب عمده ماهو صناع التيح=والياقنبت شهب الضواري يالثعاله فامرحي

الموضوع الأصلي: الزلزال × العمده | | الكاتب: سعد الشقل | | المصدر: شبكة بني عبس

[راعي الشلفا]

لاهنت يامشرفنا سعد على النقل والله يعطيك العافيه يالشقل

حطوني اهل الطب عمده ماهو صناع التيح
والياقنبت شهب الضواري يالثعاله فامرحي

تستاهل يالعمده وصح لسانك ولسان الزلزال

[ناصر الفلاح]

صح لساان الشعاار ولا هنت ع التنسيق