[حامد الحنيفان]

سريا قلم واكتب لا بن تركي سعود = من شاعرا يعمل بقسم الا شاره
عطه التحيه واثنها لراعي الجود= بارك وهنه باستلام الاداره
سعود راع الطيب مافيه منقود = زبن الضعيف اللي عنا الوقت جاره
ياما عطت يمناه من مدة الجود= وكم عسكري قربه من دياره
رجل على الفزعات والطيب محمود = والعيب مايكشف غطاه وستاره
كم من مريض ساعده علم ماكود = يفزع معه بالخير حسب اختياره
سعود في فعل المواجيب معدود = الطيب بالوقفات يلبس شعاره
الطيب يظهر لو جحد كل جاحود = والحق مايخفيه من به نعاره
والاالردي خايب ولا محصل فود = والعفن عفن ولو يغير مساره
قلته ولالي من ورا البيض والسود = بس ان عد الحق شرع وشطاره
سعود ابن تركي به الطيب موجود = موارث اهل الطيب واهل السطاره
من روس قوم فعلهم مايبا شهود = مطير معروفين في كل غاره
فزعاتهم يفرح بها كل مضهود = لامن نار الحرب ولع شراره
في نجد صالو واثني العلم مردود = واعزتي للي سعو في دماره
مطير حمران النواظر لها وفود = اوفودها تعمل بكل الوزاره
من ماكرا احرار ومن ماكر اسود = فرسان قوم يوم وقت المغاره
وكان المراجل تاتي بقدح بارود = امجادهم بالطيب يرجح عياره
وكل القبائل بالزعامه لها بنود = من حصل الطولات يزداد كاره
واليوم حنا للوطن كلنا جنود = لنا الفخر لو استلمنا خفاره
في ظل حكام الوطن حكم ال سعود = في حكمهم نبقى بعز او وقاره
ويحفظ بلادي من له العالم اسجود = اللي عزل ليله وشع بنهاره
وتمت بذكر الله عدد هبت النود = واعداد من طاف الحرم في مزاره

الشاعر/ حامد سعود الحنيفان العويمري

الموضوع الأصلي: هذه القصيده مهداه للعميد/ سعود تركي المطيري | | الكاتب: حامد الحنيفان | | المصدر: شبكة بني عبس

[السيف القاطع]

صح السانك ياحامد الحنيفان قصيده جزله من شاعر جزل
ومن حصل طيب يستاهل

[بن صامل]

بيض الله وجهك

صح لسانك

قصيده جزله

ويستاهل سعاده العميد - سعود بن تركي المطيري

مشكوره

[حامد الحنيفان]

اشكر من تفضل في المرور على قصيدتي0
وله فائق الاحترام والتقدير0

[محمد الرشيدي _2]

صح لسانك


/م/ ذكرى الرحيل /م/