[عيسى العرعري]

.


( ترى العنوان مسكه .. ماله دخل بالموضوع )




وبعد عامين اقصد ايومين من الانقـطاع
عن مواضيع المدعو " عيسى "
وهاهو يعود اليكم بحلـته الجديد ( صورتي قبل وبعد خخخخخخخ )

منهو فينـا مايبدأ يطمح ويحلم من " ايام الطفوله "
بـ لغة أخرى " ايام المبزره "
مسألة الاحلام والطموحات للشخص .. تبدأ بـ امه وابوه يوم جابوه ..
من اول مايطلع من بطنها ويصير بين يدينها .. يبدأ شغل الحلُوم ..
الابو يقول ابيه ضابط .. والابو يقول ابيه مهندس ..
وتلقينهم يتناقشون .. ويحمى الوطيس .. والاخذ والرد .. والعطى والجذب << مدري شلون جت .. بس اضفتها حسيتها راكبه مع اللي قبل !!
وكل هالهواش وهو بس طموحات واحلام ..
مايدرون انه في النهايه بيصير موظف ملحط ويفطر شكشوكه وبيض بـ جبن .. ويوم مع حمضيات ويوم مع شاهي ويوم مع حليب .. يعنني تغيير ..

المرحله اللي بعدها .. يبدأ الولد الحلم والطموح ..
والولد يحبي .. يشوف اللي يمشون ويحلم ويطمح انه يمشى زيهـّم ( تقول امي هذا واحد من احلامك يومك تحبي ) .. مدري عاد هي صادقه ولا تمزح ..!
وتمر الايام .. ويتحقق الحلم العظيم .. ويصير الولد يمشي .. بس مشي تايواني .. ماغير يمشي ويعكرف لعمره ويجيب العيد على خشته .. وفي رواية اخرى ينشق برطمه احياناً ..
ويصير حلمه في هالحاله انه يمشي طبيعي مثل هالعالم والناس ..
وتمر الاسابيع .. ويصير محترف في المشي خخخخخخخخخخخخ ..
وبعدين يصير يركض .. ويتحقق الحلم تحقيقاً كاملاً موب مثل الحلم اللي قبل تحقق نصه ..

واذا سافر الطفل لخواله اسبوع .. تمسك معه يكلم ابوه ويقعد يشغل امه بابا بابا ويناظر الجوال بيدها .. عاد الأم مسويه تفهم للبزور وتكلم ابوه .. ويقعد وخامن الجوال بأذنه .. وامه جنبه تهجيه قله اشتقنالك ( وهي تبي الفكه منه ) ..

ولما يدخل الولد المدرسه ..
طبعاً الله يعين المدرسين اللي يدرسون حقين التمهيدي في اول يوم .. تلقى نص الحضور في الفصل امهات تاكين مع بناتهم او عيالهم .. لأنهم اذا مشوا بيصيحون خخخخخخخخخ ..
ويبدأ العمر يركض .. ويكبر وتكبر احلامه معه ..
وهو في تمهيدي .. يقول متى اكبر واصير في اول ابتدائي ؟ متى بس متى ؟!

ولما يكبر الولد .. ويصير كابتن فريق الفصل في المدرسه .. تلقاه يناظر مباراة الهلال والنصر .. ويشوف وش يسوي الكابتن ويجي يطبق على لاعبين الفريق ..
وفي اللعب .. تلقاه يقلد حركات الثنيان لاجا يشوت .. ولا اذا جا يشوت بلنتي بدا يسحب سرواله مثل ماجد .. على اساس انه اذا سوى هالحركات بيصير مثلهم خخخخخخخخخخ !!
ويبدأ يقول لأبوه انا ابي اصير لاعب .. ابي اكبر واصير كابتن الهلال ( صار كابتن الفصل وصدق عمره خخخخ ) ..
يقوله ابوه .. ادرس ادرس وتكبر وتصير المدرب مهوب الكابتن بس ( نوع من التشجيع ) ..!
ويوم ورى يوم حبيبي ماقاني نوم .. اوه معليش سهيت شوي !!
وتمضي الايام والسنين .. ويكبر الولد ويكبر حلمه من لاعب في الهلال الى لاعب في منتخب البرازيل .. وشلون عاد حلوها انتم !!
يروح يقول لأبوه .. ابي اصير العب في البرازيل ( الابو بينه وبين نفسه يقول هذا اللي والله مايعرف يطمح ) ..!

وبعد مايخلص من الابتدائي .. يتغيـّر ميول البزر اللي كبر وصار ولد ..
في اول يوم دراسي .. يريش المدرس بـ الطلاب .. يقول انتم كبرتوا الحين .. ماعاد انتم مبزره في الابتدائي !!
وهالعباره اكتفشت انها خاطئه .. لأنها تحرض الولد على المهايط على عيال الابتدائي .. والاستقواء ( جايه من يستقوي ) عليهم !!
ويبدأ طموح القوه ..
يصير يطيح في المصارعه ( Wwf / Wwe )
الفرق بينهم .. زي الفرق بين الصافي واكتيفيا << اتوقع هالمثال لايعلى عليه ..
المهم موب هذا موضوعنا ..
يبدأ يخق مع المصارعين .. ومع حركاتهم ..
وتلقى التطبيق .. على عيال الابتدائي اللي سبق ذكرهم بـ ( المبزره ) ..
او خواته ( فيس جماعي لخواتي يتذكروني يومني صغيـّر ) ..
ويبدأ حلم انه يصير مصارع مثل اندرتيكر ..
وتلقى نص المضاربات لاوي رقبت اللي يتهاوش معه ويقول تستلم << من قوة التأثر خخخخخخخخخخخخخخخخخخ !!
وطبعاً الحلم والطموح هذا .. ينقال للأب .. وطبعاً هالطموح ماعندك احد .. ولكن الابو يقوله اكبر وادرس وانجح واخليك تصير مصارع ( فيس الولد خانقته العبره يقول صدق يبه ؟! ) ..
ويبدأ الولد بالكبر شيئاً فـ شيئاً .. وتعلم المزيد من حركات المصارعه من اجل حلم المستقبل !!
وفي النهايه يتحرش بواحد صنيان ويلعن اللي جابه .. واخوياه زلايب مايفزعون .. جالسين يفكون خخخخخخخخخخ .. همين يتلاشى الطموح وحلم المستقبل : (

ويبدأ ينشب لأهله .. ابي اسوق .. شوفي محمد ولد جيراننا هو اللي يودي اهله ويجيبهن .. وتقول الام حنا وش علينا من الناس .. حنا علينا من نفسنا .. وتهاوش الين يسكت الولد .. وياكل تبن كبر راس خالي محمد !
وبعدها بشوي .. تقول الام شفت لؤي ولد ام لؤي جاب الاول على فصله .. واخذت جائزة الطالب المثالي .. يجي الولد مسوي ملكع ويقول .. هماك قلتي وش علينا من الناس .. ووش دخلنا بالناس ( لحظة صمت وكل واحد خاش بعين الثاني ) ..!
يمشي كلام الام في الظاهر .. وفي الباطن الولد يعطي مصروفه للسواق علشان يخليه يسوق خخخخ .. لا ويركب اخوياه معه .. والسواق ورى ..

ماتلاحظون اني شطحت بعيد خخخخخخ !!

والحلم والطموح مره يكبر ومره يصغر ومره لونه اخضر ومره لونه احمر << طرتلي شاشة تداول خخخ !!
وعندما ينتقل الولد الى الثانوي ..
لاحظتوا قبل .. في كل مرحله عمريـّه .. الشخص له شخصيـّه ( لحد ينبرش ويقول يعني كان يدق لطمه والحين صار يطق كوبرا !! )
يتغير تفكير وحلمه وطموحه معه .. ولو يحصل غير شكله معه لكن ما باليد حيله ..
تلقى الشخصيه في الثانوي تختلف عن المتوسط .. ويتغير الحلم والطموح بسبب اللي صفقه بالمتوسط ..
ويبدأ هنا الطموح العلمي الصدقي ..
اللي يبي يصير مهندس .. واللي دكتور وفي رواية اخرى دختور .. واللي طموحه اي شي الا إني اصير فراش !!
ويمشي الطموح معه .. لين اليوم اللي يسجل فيـه بالجامعه ..
ويجي ومعه ملفه ..
ويسأله حق التسجيل .. وش القسم اللي تبيه اخوي ..
يقول وبكل فخر وفرح ووناسه .. مهندس مهندس مهندس << هذا رسم توضيحي كيف الكلمه تدور بـ راس صاحب الطموح !!
وبعد طقطقه على الكيبورد .. يرد عليه الموظف .. والله للأسف .. الهندسه تقفلـت .. فُل .. وبـ لحظة ممزوجه من ضيقة الصدر والظرافه ( يقول الطالب للموظف .. لا لاتعبي فل عب بعشره خخخ ) ..
ويقول الموظف تبي قسم ثاني اخوي ..!
والطالب والحلم حقه يتبدد قدام خشته ..
وتحده الظروف على زراعه .. ويصير يفكر انه يزرع حارتهم .. مشروع ( لتكون حارتك أجمل ) ..
ولا ينحد على السياحه ..
وبعضـهم ( موارد بشريه ) خخخخخخخخخخخخخخخخ
وهذا وهذاك مافيهم عيب .. لكن .. ماكنت اطمح لها ..
وش اللي حدك عليهـا .. مدري : ( !
سجلت فيها مابي اتكي بالبيت وتفوتني السنه .. وسبب آخر يقول بس ترم وبـ احول .. وناس حولوا وناس نقعـّوا ..

وفي النهايه .. موظف على مكتب ..
يوم يقشم فصفص .. ويوم نايم .. ويوم يتميصل على اللي معه بالمكتب !
وتنهدم احلام الطفوله على هالمكتب ..
وتصير نهايه سلتوح في نظره .. وزير في عين امه ( بعض الاحيان موب دايماً ) ..
وبعض الامهات .. شف ولد فلانه وش صار ( الحمدلله امي موب من هالنوعيه ) ..


<< واضح اني مادري وشلون انهي الموضوع ( فيس متوهق ) !!

وهكذا هي طموحات الشاب السعودي .. مُنذ الصغر ..
بدأت بـ برائه .. وإنتهت بـ لعانه وقهر !!

حدثونا عن طموح الطفوله .. طموح المبزره .. طموح الفتره اللي تحس فيها انك رجال .. وباقي الفترات عليكم لأاني تعبت وانا اكتب ..
الموضع لكـ م

تقبلو تحيـاتي..

الموضوع الأصلي: قـال انفخ ياشريم قال مامن برطـم | | الكاتب: عيسى العرعري | | المصدر: شبكة بني عبس

[ابو ريان الرشيدي]

شكراً لك يا عيسى


الطفوووووله مشتااااقه لك

ههههههههههههههههه

تقبل مروري

[ريتال الداموك]

حدثونا عن طموح الطفوله .. طموح المبزره .. طموح الفتره اللي تحس فيها انك رجال .. وباقي الفترات عليكم لأاني تعبت وانا اكتب ..

كأنك بكذا تقصد الرجال فقط .؟؟؟والنساء مالهم طفوله ...؟؟مجرد مزحة
الحقيقه إن الطفوله أحلى الذكريات والطموحات فيها مالها حد ...
كنت أحلم أكون دكتورة زي كل الأطفال ..!!
بس لما صرت بالمتوسط عشقت مادة التاريخ وقررت أدرسه بس لما شفت التخصص
بالوظيفه ما عاد مطلوب ..قررت تكون مادة التاريخ لي حب واطلاع خارجي بدون تخصص وهذا اللي حصل غصت بكتب التاريخ ومازلت ...
مرحلة الكلية مختلفه جداً والتخصص مختلف <<طبعاً ماكنت مقتنعه فيه زي اغلب الطلبه
بس كان حلو والحمد لله أرى إنه مطلوب كوظيفه وهذا الجيد بالامر

شكراً ع الموضوع

[أبو مهند]

شكرا لك عيسى والله مبدع في المقدمة

لك تحياتي

[عيسى العرعري]

اقتباس من مشاركة لهواوي شكراً لك يا عيسى الطفوووووله مشتااااقه لك ههههههههههههههههه تقبل مروري

ـأخـوي الهواوي،/
كـلـ الشكر لكـ عزيزي,
ووجودكـ أسعدنــي كثيرـأأأأ

وربي يهنيك ويسعدك في دنيـأكـ


بوركت


تقبل تحياتي

[عيسى العرعري]

اقتباس من مشاركة رتال الداموك حدثونا عن طموح الطفوله .. طموح المبزره .. طموح الفتره اللي تحس فيها انك رجال .. وباقي الفترات عليكم لأاني تعبت وانا اكتب .. كأنك بكذا تقصد الرجال فقط .؟؟؟والنساء مالهم طفوله ...؟؟مجرد مزحة الحقيقه إن الطفوله أحلى الذكريات والطموحات فيها مالها حد ... كنت أحلم أكون دكتورة زي كل الأطفال ..!! بس لما صرت بالمتوسط عشقت مادة التاريخ وقررت أدرسه بس لما شفت التخصص بالوظيفه ما عاد مطلوب ..قررت تكون مادة التاريخ لي حب واطلاع خارجي بدون تخصص وهذا اللي حصل غصت بكتب التاريخ ومازلت ... مرحلة الكلية مختلفه جداً والتخصص مختلف <<طبعاً ماكنت مقتنعه فيه زي اغلب الطلبه بس كان حلو والحمد لله أرى إنه مطلوب كوظيفه وهذا الجيد بالامر شكراً ع الموضوع

أختــي رتـأل/
لكـ الشكر لكـ عزيزتي وجودكـ أسعدني كثيرـأأ
بنسبه للسوال كنت اقصد ايـأم طفوولتي بس مسكت خطـ في الموضوع ههههه


مشكوره على وجه نظرك

/ ربي يسعدكـ في دنيـأك


بوركت

تقبلي تحياتي

[عيسى العرعري]

اقتباس من مشاركة @مروَض الشرَد@ ماأقول الا : الا ليت الزمن يرجع ورى والا الليالي تدور ويرجع وقتنا الاول وننعم في طفولتنا تحياتي

يا ليت ان الزمن يرجع ورا و الا الليالي تدورويرجع وقتنا الأول و ننعم في بساطتنا

زمان أول أحسانه زمان فيه صدق شعورنحب ونخلص النيه وتجمعنا محبتنا
زمن مافيه لا غيبه ولا حتى نفاق وزورياليته بس لو يرجع ونسترجعطفولتنا
صغار قلوبنا بيضا نعيش بعالم محصورولانعرف أبد أغراب مغير عيال حارتنا
صحيح صغار في التفكير ولكن ماعلينا قصورنخطط نكسر اللعبه وتسعدنا شقاوتنا

أخــوي مروض/
كل الشكر لكـ على ووجودك في صفحتــي ووجودك أسعدني كثيرـأأ

بوركت

تقبل تحيـأتي

[عيسى العرعري]

اقتباس من مشاركة أبو مهند شكرا لك عيسى والله مبدع في المقدمة لك تحياتي

أبو مهند عزيزي/
كلـ الشكر لكـ أخــي على وجودك لقد سعت كثيرـأ فيك

بوركت

تقبل تحيـأتي