[الاجهر]

السلام عليكم ورحمه الله وبركاته
هالقصه من اخونا فواز الدواي وايضا نشرت بجريدة الرأي العام الكويتيه ..
يقول :. الدواي :
اخواني اخواتي :. اليوم نكتب عن شخصيه هامه جدا جدا بالنسبه لقبيلة الرشايده واغلب القبايل
هو الامير / محمد بن مفرج بن عاصي بن مفرج المسيلم

ونكتفي بهذا الاسم هو شيخ من شيوخ عرف عنهم قديم وحاضر بالكريم الشديد والصخا بالدرجه الاولى

والفزعه وقوة الباس وسعة الصدر بلا مبالغه والله على ماقول شهيد عرف هاذ الرجل بميزات بين رجال القبيله

عرف بالرحمه القويه والتقدير والتواضع للصغير قبل الكبير فهو بالقبيله لهو ثقله القوى وبين قبائل العرب وامراهم


لقب الامير/ محمد المسيلم ( بشالع الباب ) اي شالع باب الديوان ولهذا الباب حدث تفتخر فيه كل قبيله وكل عربي يمتلك في راسه النخوه والرجوله والحميا حيث اتى رجل من ديار الجنوب يسمع بصيت الامير محمد المسيلم وهو صاحب صيت قوي في انحاء الخليج
وهذا الرجل اتى من ديار الجنوب بالغرب من ديار قبيلة قحطان وهو كبير السن وجلس وسئل عن بيت محمد بن مسيلم

لما وجد بيت بن مسيلم واخذ الرجل ينطر والباب مصكوك وكان وقت صيف وحروره وانسدح هذا الرجل عند الباب

قدر الله وماشاء فعل اذ عاد الى البيت الامير محمد المسيلم ووجد الرجل نايم والعرق يقطر من جسده فقال يارجال علامك

قال ماعلامي انا انطر بن مسيلم قال شتبي فيه انت تعرفه قال لا والله بس اسمع بصيته وانا حادتني الدنيا الله لايحدك عليها
واذكرو بن مسيلم في طيبه قال الحين اناديه لا تروح لله درك يابو جاسم بعد فتره اذ جى ونش اي كرين

وشلع الباب وقال الرجل الجنوبي انت علامك شلعت باب بن مسيلم ليش ليش قال يابن الحلال تفضل تفضل الديوان


الله يلعني اذا صكر مدام اني حي معك محمد بن مسيلم وبكى الرجل من كرم ونخوة هذاالامير

واعطاه المقسوم والله يجزى ابو جاسم كثير الخير والاجر مايضيع عند الله شي

ولقد قيلت قصايد كثيره بهذا الباب وشالعه ( شالع الباب)

قال الشاعر المعروف سعد حسين الفعم :

شالع الباب ماشاله على الخالي = شالعه للضيوف اللي محيها
ارجحن خرب الاول علىالتالي = والمشاكل اربوعه ماتحاتيها
يامحمد جذبك المنسب العالي = والاماره لجدك وانت راعيها
ودي بفزعتن يطرب لها بالي =مايحل المشاكل كود راعيها

وقال فواز بن فارس الدواي

(شالع الباب) شاله للمسايري = شالعه يوم كلن صك بيبانه
ابو جاسم بالايام المعاسيري =دلته جاهزه دايم لضيفانه
ذابح الحيل ماعد المخاسيري=وافين بالكرم من طبع جدانه
نسل شيخن شجاع ويفعل الخيري= مفرج اللي تهابه كل عدوانه
(وعاصي ) ان فرعن بيض الغناديري = اخو نوره تعلاصهوة احصانه
قايد الجمع قدام الطوابيري = ياسر اليسف يوم الحرب بيمانه
يوم صاح اخو هدبا جنه الزيري = ساق جمعه عليهم وارتفع شانه
جوك بالشلف وسيوفن مشاطيري= والمحازم على الشجعان مليانه
احتمو ( عطفت الحرب ) المناعيري = يوم جو العويند ثار دخانه
لابتي مشبعين الذيب والطيري = ومن سببهم سباع البر شبعانه

وسلامتكم

الموضوع الأصلي: الأمير بن مسيلم ( شالع الباب) | | الكاتب: الاجهر | | المصدر: شبكة بني عبس

[خاتم الرشيدي]

والله ونعم ببن مسيلم شيخ من شيوخ بني رشيد وعرف عنه الكرم ونخوه
ويستاهل أن تذكر قصته والقصايد التي قيلة فيه ويستاهل
وشاعر فواز راع العوجاء صح السانه وسعد الفغم صح السانه

وبيض الله وجهك يابو سعود على نقل القصه الذي تشرفنا بفعل شيخ من شيوخنا

وتقبل خالص الود والتقدير

[الاجهر]

اقتباس من مشاركة خاتم الرشيدي والله ونعم ببن مسيلم شيخ من شيوخ بني رشيد وعرف عنه الكرم ونخوه ويستاهل أن تذكر قصته والقصايد التي قيلة فيه ويستاهل وشاعر فواز راع العوجاء صح السانه وسعد الفغم صح السانه وبيض الله وجهك يابو سعود على نقل القصه الذي تشرفنا بفعل شيخ من شيوخنا وتقبل خالص الود والتقدير

تسلم عل المرور والكلمات الطيبة

[سالم الرشيدي]

وعليكم السلام ورحمة الله وبركاته


صح السنت الشعار

وأبو جاسم ونعم الرجال


عزالله انه له مواقف لان تنسى

ومشكور اخوي

الاجهر

وبيض الله وجهك

على الموضوع الرااائع

[الفهد]

الأجهــــــــــر
بيض الله وجهكــ على هالقصــه الرائعه
عن شيخ من شيوخ قبيلة بني رشيد الأكارم
وفعلا شالع الباب يستاهل كل خير ومرهـ اخرى أشكركـ يالاجهـر على مواضيعكـ ومشاركاتكـ الرائعه تقبل مروري واعجابي بكـ .

[الاجهر]

اشكركم عل المرور والمتابعة
ولا عليكم قصور

[فلاح الرشيدي]

والله ونعم ببن مسيلم شيخ من شيوخ بني رشيد وعرف عنه الكرم ونخوه
ويستاهل أن تذكر قصته والقصايد التي قيلة فيه ويستاهل
وشاعر فواز راع العوجاء صح السانه وسعد الفغم صح السانه

وبيض الله وجهك يابو سعود على نقل القصه الذي تشرفنا بفعل شيخ من شيوخنا

وتقبل خالص الود والتقدير

[الاجهر]

اشكر مرورك تسلم فلاح