[سيف الجزيرة]

للشاعر عيد مربح

يـاعـلاوي نـجــد عـلّــك مـراديــم الـسـحـاب =ديـــرةٍ فـيـهـا تـربـيـت يـــوم انـــي صـغـيـر
ياطبـيـب النـفـس وشـــو عـــلاج الأكـتـئـاب =أعطني وصفـة علاجـه تـرى وضعـي خطيـر
عشت في غربة حقايق وفي وضـع اغتـراب =والتـجـارب عرفتـنـي عـلـى الـشــي الكـثـيـر
شفت ناسٍ ترسم الورده على صـدر الغـراب=والغـراب أليـا بغـيـت ألـمـس الــورده يطـيـر
أستـفـدت مــن الذيـابـه ومــن نـبـح الـكـلاب=وأستفدت مـن الرغـا وأستفـدت مـن الهديـر
ولاكـسـبـت إلا مـعـرفـة عـزيـزيـن الـجـنـاب=ولاخـسـرت إلا معـرفـة عديـمـيـن الضـمـيـر
أقـتـرب لامقـتـرب شـيـن بـعـض الأقـتــراب=أبـتـعـد لامبـتـعـد شـــي فـــي حـقــي كـبـيــر
ياسـؤالـي كــل ماطـرحـك ماألقـالـك جـــواب=مالـي إلا الصبـر وأهـل الصبـر توعـد بخـيـر
وصف خلان الرخـا مثـل ضحضـاح السـراب=يفـرح العطشـان شوفـه يحسـب انــه غـديـر
للردي لو هـو ولـد عـم لاتحسـب لـه حسـاب=كــم عـزيـزٍ ذلـــه الـوقــت بضـيـافـة حـقـيـر
الـــدروس أنـــواع تـطـبـيـق والا أنـتـســاب=بـس أنـا اللـي طـبـق الــدرس قــدام المـديـر
يا (غريب )أن مت شلني اليا هـاك الهضـاب=حـط قبـري بيـن عنـتـر وأبــن عـمـه زهـيـر
حطني في مقبرة (( عبس)) مروين الحـراب=حطني بأعلى علم (( عبس)) مروين الشطير
وان عسـرك الوقـت نطلـع ونـرجـع للـتـراب=ويــــارث الأرواح الالــــه الأول والأخــيـــر
اول الدنـيـا طــرب وأوســط الـدنـيـا عـــذاب=وأخرتهـا الـمـوت والقـبـر وحـسـابٍ عسـيـر
يـاجـزيــل الـمـلــك يـاكـافــل رزق الــذبـــاب=ياإلاهي من عذابك برحمتـك أستجيرالشاعـر

عيد بن مربح القلادي الرشيدي
ابو غريب



وهذه مجاراة

الشاعر الكبير هواش السليمي الحربي

لقصيدة عيد بن مربح

ياعسى جابـات عيدالرشيـدي تستجـاب

ياالعظيـم المعتلـي ياالسميـع وياالبصيـر

ياعساها للحيـا مدهـل النـوق العـراب

مع منازل مالهـا دون ضيـف الله خفيـر

بعدها ماباس حر ٍ زعل وابـلا وصـاب

يوم عبر صـار الأول علـى كـل تعبيـر

وان سمعت المغتري حل بالحال اضطراب

والفقير اللـي مـن الـدم والغيـره فقيـر

ضاق بالي لين بالجسـم ضاقـن الثيـاب

يوم قالـوا وافـي البـاع للقاصـر أسيـر

ولاتكذب لو صياحـه يخـاف الإنقـلاب

ويمكن الأيـام عنـت لـه الخيـل العذيـر

والترفع عن بعض مايكـون مـن الأداب

ومن تخير عن وطنكم وطن عنه استخيـر

يارشيدي راجع العقـل وارجـع للكتـاب

ماصفت بقعـاء لغيـرك رحاهـا يستديـر

والتظجر ياجمـل للجمـال مـن العيـاب

مايجوز أخبرك وأنته خبيـر أكبـر خبيـر

يعطي الله كل صابر على صبـره ثـواب

واحد معطاه يجبـر بـه العظـم الكسيـر

يالأديب أنته مجرب خسـاره واكتسـاب

داري إنك مطلع ما أنت بالمعنـى غريـر

والسلام ختام ياعيـد مربـح والحـزاب

والصقاره خذلها دمت طيـر وخـل طيـر

واحذر والعنقاء تراهـا تشبـه بالعقـاب

زومها واجـد وخرقـا يروعهـا الصفيـر

واكثر الخلان داري سراب بـلا شـراب
مار أنا جـارك تبينـي كمـي والا مغيـر

ماتعذر عنك لو هو ذهـاب بغيـر ايـاب

مانـذل الـذل ماطـول العمـر القصيـر

سلام ياهل الحفل وابغي صفـوف يسمعنـي
ثم ازهمولي على صياف يثبت فـي مكانـه
اللـي يقابـل وسيـع المعرفـه مايستمنـي
اللي يبا الملعبه يقلط ولـه شيـك بضمانـه

صياف الحربي
قلب المولع تولـع فيـك ياصـوت المغنـي
.لكن ابو زيد لولا الغيـد ماتعـب حصانـه
انـا تبعـت الليالـي والليـالـي عذبـنـي
والرجل يطلق لسانه لين يتعب فـي زمانـه
عيد مربح
اليـا كسبتـم عوايدكـم سبـاع(ن) يكسبنـي
ذا اليل قدمك جبل يابن العرب ماهـو لبانـه
انا مـورى بكـم يـوم السوالـف ياصلنـي
حاولت اقلد مسير الذيب واسـوي امشيانـه
صياف
كم واحدآ يحمس القهـوه ونجـره مايدنـي
مـدري يباهـا سياسـه غافيـه والا لعانـه
اسمع كلامي وعلـم بـه ورد العلـم عنـي
ان كان حصلت خاين قول له خـل الخيانـه
عيد مربح
نجورنـا قلطـآ يـوم النـجـور يقلطـنـي
واهل القلوب الذهينه طيبهـا بـس الذهانـه
انا احسب ان المهندس قبل بالتصميـم فنـي
واثـره يبـوز مساميـر التريلـه بالصبانـه

صياف الحربي
راع الغنم يـزرع الحنـا ويعـرف للتحنـي
يشوفه احمر يحسب انه عصيـر البرتقانـه
مـن راح زعـلان لعلـه يـروح ولايثنـي
حنـا لقينـاك ياالبـارود وسـط الجبخانـه

عيد مربح
الله يساعـدك واللـي غابنـن قلبـك غبنـي
من لحقه الحف يدهن شاربه باتلـى دهانـه
ليت الليالي عن اهـل المعرفـه مابرزنـي
اظني اكسب من اهل المعرفه عرف وحصانه

صياف
قابلت شهب السباع مـع الطريـق وقابلنـي
واللي قليبه صخيـف كيـف يلقالـه متانـه
لعل قلب العنـا يصـل البحـور ويرجهنـي
اما صحا القلب ولا مرحـت فيـه الجنانـه

عيد مربح
انا قريت الحيايـا الرقـط حتـى صاحبنـي
ولقيت درب الشجاعه خير من درب الجبانه
سبحت سبع البحـور بقـدرة الله مااغرقنـي
والعرف ماهو ياراع المعرفـه باالخيزرانـه

يقول عيد مربح




يالمور خذ نمرة الخامس من اليمنىتحتـر تبـرد تـرى الأخـلاق خربانـة

والله لـبـطــي وحــنــا ماتـفـاهـمـنـامــادام مـيـقـوع ماعـقـبـت قلـبـانـه

ولاتشكي الظلـم حنـا الوقـت ظالمنـادليـل ظلمـي تـراك تشـوف برهانـه

البـارحـه مــع ثــلاث اايــام مانمـنـامكينتـك تشتـغـل والعـيـن سهـرانـة

ان دبـرت شـدنـا يـرخـى محازمـنـانــروى بـدلـو يضـيّـع مــاه شقـانـه

وان أقبلت خصمنـا يقضـي لوازمنـاصداقـتـه تستـحـل بـيـوت عـدوانـه

عــزالله انــا مـــن الـدنـيـا تعلـمـنـادرس صعيب علـى التلميـذ نسيانـه

الله يجـيـب الصـديـق الـلـي يعلمـنـاابنشده عن (غريب) وحال عربانـه

لــولاه فــي بـيـت جـدانــه مطـمـنـاياوسع صـدري عليـه فبيـت جدانـه

لـو قصـدنـا البـعـد مريـنـا وسلمـنـامـيـر الـبـلا شـوفـة الـديـان ديـانــه




ويقول الشاعر حسن الوطري




ياعيـد والله مانويـت ابــدع الـقـافلكـن همـي فــي ضمـيـري يـزيـدي
هـمٍ يجـي حملـه كمـا حـمـل نـسـافوزود عـلـي الـهـم حـمـلٍ جـديــدي

همٍ يجي ياعيد فـي سبعـت اصنـافبشكـي عليـك الحـال لونـك بعـيـدي

الـدمـع فــوق الـخـد يـاعـيـد ذرافوالله عـلـى مـاقـول دايــم شهـيـدي

كله سبب منهو حوا زين الاوصافالجـادل اللـي مثـل عـنـق الفـريـدي

جتـه المنيـه بيـن حــاذف وحــذافواقـفـى وخـلانـي لحـالـي وحـيــدي

اليـا ذكرتـه صــار بالقـلـب رجــافيرجـف وزود ضـغـط دم الـوريـدي

دنيا كفـا الله شرهـا مابهـا انصـافلا شفت انا الورعان صفقت بيـدي

الوقت هذا شفـت انـا منـه الاتـلافهــمٍ وغــم وقـلـب دايـــم عـنـيـدي

تمت وجاك القاف من راس صرافيصرف ذهب لمـن نـوى للقصيـدي

ماهـو علـى بـدع التماثيـل مزهـافرجـلٍ يمـيـز فــي ثمـيـن وزهـيـدي




رد عيد مربح




يامرحـبـا بالـقـاف والـلـي بــدى اقـــافوبالـيـوم والسـاعـه وسـاعـي البـريـدي

اهــلا هــلا عــداد بالبـيـت مــن طـــافوعـــد الـرمــال وعـــد رش الـجـلـيـدي

وعد الحـروف وعـد مجمـوع الاصنـافوعـد النـبـات وعــد خــوص الجـريـدي

اقـولـهـا واردهــــا عــشــرة اضــعــافترحـيـبـةٍٍٍٍٍٍٍٍٍٍٍٍٍ تـجـلــي ســــواد الـصـديــدي

اقـولـهـا مــانــي مـجـامــل ولا اخــــافتـقـديـر لـلـوطـري ووقـفــت عـضـيـدي

مـن غيـر ربـك يمـلـك الـنـون والـكـافجـــلا جـلالــه يـفـعــل الــلــي يــريــدي

جعلـه يعوضـك بالغـضـي نــاب الاردافباسـمـاه اسـالـه رافـــعٍ راحـــت ايـــدي
وان كـان قصـدك مـال يانسـل الاشـرافمـالــي وحـالــي مـلــك لــيــا رشــيــدي
ومن يعتزي في عبس ما يصيبه اجحافلـو هــم فـقـارى عزمـهـم مــن حـديـدي




ويقول عيد مربح



هبت عواصيف الظلوع الهدافيوإخترت من وزن المعاني ثقيله
وأبدأ باسم ربـي وأكمـل مطافـيوأعـوذبـه وألـوذبــه وألتجـيـلـه
ياعالـم الأسـرار ماعنـك خـافـيلجيـت لـك ياعـز مــن نلتجيـلـه
أسئلك ستـرك والعفـا والعوافـيأسئلـك بأسمـاك الكبـار الجليـلـه
الصبح أبا اواجهك عريان حافيدخيـل وجـهـك يامنـجـي دخيـلـه
فـي ليلـة فيهـا فـراشـي لحـافـيفـي منـزل سقفـه حمـار النثيلـه
ياواحد فضلك على الكون ضافييـارب وســع فـيـه ليـلـة نزيـلـه
أسئلك تمـن روعتـي وإرتجافـيأسئلك مـا سـال اليديـن البخيلـه





محاوره بين الشاعر عيد مربح والشاعر منور مناورالبراك قبل 30 سنه قبل0




يالليـل ياليـل فرحاتـك تـزودفي حفلتن واضحات انوراها
جينا الحفلة عريبـن الجـدودلاعـدة القـوم عــد اخيـارهـا




قال عيد




ابك اللبقاء يافهد بين الفهـودمـن لابتـن يعجـبـن اذكـارهـا

هالليل انا وانت ممشانا سنودولازم تنـوش الفتيلـه نـارهـا




قال منور




العب على عرف والشين محدودوالـكـلـمـه الـطـيـبـه نـخـتـارهــا

واللـي يسنـد تـرى يبـغـا بــرودتــرى الفتيـلـه قـــدح شـرارهــا




قال عيد



نمشي مع الدرب والعالم شهودوحقك على ان كشفت استارها
خلك على الدرب الايمن لاتعودوبنـدق حـاول بقـطـر عيـارهـا




قال منور




ان زدت حنا ترى مثلك زودوزين المعاني ترى نختارها

يا شاعرً بالمواقيـف معـدودترى خصيمي يذوق مرارها






يقول عيد مربح





مسحنا القزازة وإستوت ظبطت البرادبجوٍ لطيف وفـي طـرف عثعـث خالـي

بعيـدٍ عـن النمـات ومجـالـس الحـسـادرجـالٍ صداقتهـا علـى جمـع الأموالـي

لحالي وكنـي وسـط كـازون شهـرازادشمـالٍ مـن الأهــرام مــدري يـورّالـي

وألا يالرجوم السود لـو ينشـدك نشـادعطيه الصراحه وشرحيله عن أحوالي

تمثـل حيـاتـي حـالـة الـصـادر الــورّادوأواصل سفر ليلي وعصري ومقيالي

وخويّي إليا زادت رسوم المسافـة زاديــا لِـلّـه درّ مصـمّـم الـــوارد الـتـالـي

تقضقـض لعلّـه مـا يطالـع بـك الحـدّادقصودك تقافت والهمـوم أشغلـت بالـي

وحكمنا زمان الغلـب بالغلـب و الإبعـادعن الديرة اللّي يسكن الصاحب الغالي





محاوره قديمه

عيد ابن مربح




ياسلامي عليكم بعد ما وصل زامي *ردتـــن تـنـهـي الطـلـبـه وبلشـاتـهـا

يابو صالح تحيـزم ثـم شـد الحزامـيوكـان عنـدك سوالـف هاتهـا هاتـهـا




سعيد الاحمري




ياهـلا مرحبـا رده تزيـل الظلامـيردت اهـل الوفـا تاتـيـك باوقاتـهـا

جاك ابو صالح يكنلك كل احتراميوالسولـف عليكـم رسـم لوحاتـهـا




عيد ابن مربح



ماعليكم ردى يامكثريـن اليدامـيواهـل الـدار قلـي ويـن غيباتـهـا

جعلهم طيبين بدون تحديد اساميلان بقـعـى تروعـنـي بصفقاتـهـا




سعيد الاحمري




البلد من ينوب ان غاب قايم مقاميومن بغى القـوم ياصلهـا بمحلاتهـا

لوبغيت الشمالي جاك عنه التهاميوالليـالـي علـيـك تبـيـن دوراتـهــا




عيد ابن مربح



انت من دون نفسك منت عنهم محاميجــاوب الـنـاس فــي مقـصـود نياتـهـا

قبل كد قال عنك أرشيد شاعـر نظامـيكلمـتـن كـنــت محتـفـظـن ببصمـاتـهـا




سعيد الاحمري




محتمين البلد ياعيد شرقٍ وشامـيلـو تغلـط الـعـرب بـنـرد غلطاتـهـا

كلمة أرشيد فخرٍ وأعتبرها وساميتظـهـر الـنــاس يـارجــال نيـاتـهـا




عيد ابن مربح



احتماها اخونوره يوم عينك تناميوفـــق الله حكومـتـنـا بخطـواتـهـا

انت نوبن خطيب ومرتينن حراميكـيـف دنـيـاي تدخلـنـي بمخباتـهـا




سعيد الاحمري




ليش ماتشيل حملك ياقـوي العظامـيجسـمـك الـيـوم مايحـمـل ثقيـلاتـهـا

جاتك القوم في ديرتك من قبل عاميماحتميـت البلـد يـا ريــس احماتـهـا




عيدابن مربح




ما أستعناك في شيلت وقوت جرامـيمـن ليالـي تـبـوك وقــرن غزواتـهـا

عاد عيدك على ظلم العرب كل عامي* اكثـر الـنـاس تبحلـنـي ببسماتـهـا




سعيد الاحمري




يوم غزينا العرب جا بالصفوف انقساميوانــت ياعـيـد ربـعـك ويـــن فزعـاتـهـا

قصـر ابـوزيـد مانبـغـى يجـيـه الهـدامـيوانـتـه الـلـي عطـيـت الـقـوم طمعـاتـهـا




عيد ابن مربح




يوم وقت المغازي خازمينك خزاميغزوتك يوم فـلا الذيـب مـع شاتهـا

ياجماعه علام سعيد مدري علامـياشهدولـي عـلـى الدنـيـا وميلاتـهـا






..والشاعر الكبير سليم سعد..
. والتي كانت في عام 1987م

قال سليم:



سـلام رديــت وفــاء تمـشـي بـطـاروقً جـديـد .على الرجال أهل الوفاء تمشي واحسب احسابها

ليـا سـرى ليـل الدجـا باغـن يجيهـا مثـل عـيـد.حيـثـه يـعـرف الـــي تـجـيـه مـزرفــه بكتـابـهـا




قال عيد:




يامـرحـبـا بـــك يالمـسـلـم والـرسـايـل بالـبـريـد..واجب على الاصحاب تبحث عن حوال اصحابها

قلهـا علـى ماتشتهـي فـي حكمـة الـراي السـديـد.ولا خـيـر فــي بـيـوتً تبـنـا مـاتـمـس اطنـابـهـا




قال سليم:



سوق المعانـي والبنـك يكتـب لـك رصيـدخل المعاني مغلقـه واحـذر تفـك اظبابهـا

وليا سألت أصحابكم تنشد عنك لوك بعيديمكن تفك الكتـب وهـي مزرفـه بخطابهـا




قال عيد:



اظن راعي المعرفـه يبقـى بهـا الدنيـا وحيـد.ولا كل من يرمي الضريبه مرتهن مضرابهـا

سوق المعاني سوقها واضرب بكفً من حديدنبغى الفتيله تشعل المشقـاص مـن مضرابهـا




قال سليم:



راع المعرفه ياولـد مربـح يفيـد ويستفيـدوصداج تيماء يـروي اللـي واردً معزابهـا

بنت الزناتي شفتها ترقصلها بثوبً جديـدوأنا اعجبتني يوم ترقص في جديد اثيابها




قال عيد:



بنـت الزناتـي لاتغازلـهـا لفـاهـا ابــن الولـيـدوالخيل من عج الرمك ادماء الرجال اخضابها

متى البعيد هو القريب والقريـب اهـو البعيـد.وهـذي قضيـة حيـرت فكـري بضحكـة نابـهـا




قال سليم:



نبغى نغازلهـا مـدام اطروشهـا جونـا مديـدخل الرجال أهل الوفاء تمشي تهز أشنابهـا

يابرق ياللي بارقك يبرق وبه مـزنً سديـد.خل المزون الغر تمطر فوق روس اهظابها

الموضوع الأصلي: من قصائدالعملاق حفيد عنتربن شداد العبسي .. عيد ابن مربح | | الكاتب: سيف الجزيرة | | المصدر: شبكة بني عبس

[ثاري الشنيني]

بيض الله وجهك يا أسد الجزيره

لاهنت على النقل

تمنياتي لك بالتوفيق

:p :p :p :p :p :p :p :p

[سعد الشقل]

صح اللسان الهرم العبسي الشاعر عيد ابن مربح

وتسلم علىى نقل القصائد والمحاورات الرائعه لشاعر عبس الاول

وبيض الله وجهك على الموضوع والمجهود الرائع

[عيسى المويسه]

صح اللسان الهرم العبسي

الشاعر عيد ابن مربح

وتسلم على نقل القصائد والمحاورات الرائعه

وبيض الله وجهك على الموضوع


والمجهود الرائع



لك تحيتي

...

[ابوصالح]

بيض الله وجهك يا أسد الجزيره

لاهنت على النقل

[سعد بن عادي]

بيض الله وجهك أخوي اسد الجزيره

على نقلك للقصائد

رمز من رموز الشعر وعلم له تاريخه المشرف

ابو غريب مدرسه شعريه ..,

شاعر القبيله

الجميع يحفظ قصائد هذا الامبرطوار

لله درك ياابا غريب

ولله درك يا اسد الجزيره على نقلك
واستاذنك بتنسيق بعض القصائد

دمتم كما تحبون

[سعد البويدي]

بيض الله وجهك يا أسد الجزيره

لاهنت على النقل

تمنياتي لك بالتوفيق