[شاعر الوطن]

شاعر الوطن

يا سلام الله على الشعر والي حاضرين=من هجوس الشاعر الي يدور له شعرا
الليالي دور والوقت يمشـي بالسنيـن=والاودام ودهـا وقتهـا يـرجـع ورا

المقداد

مرحبا ترحيبةٍ عند ذربين اليميـن=عد من نامة عيونه وعد اللي سرا
ياوسيع العرف ماينفعك كثر الحنين=ميرغمض كان مايعجبك شيٍ تـرا

شاعر الوطن

البقى يلي ترحب عـن اكـرام اليديـن=وطاري(ن) بالقلب طاري وغيري ما درا
والله اني كل ما شفت حـال الملسلميـن=قلت هذا حالنا وقلـت ليتـه مـا طـرا

المقداد

خلنا نبقا علـى علمنـا سمـن وسميـن=لاتسوي مثل ابو بشت يـوم انـه عـرا
صم وحج البيت واسجد مع اللي ساجدين=ولاتقول انك غديت اسمرا وانت احمرا

شاعر الوطن

علمنا بيـن ويزعلـك يالقلـب الفطيـن=يوم سوق اللعب مابيـن بيـع ومشتـرا
احمدالله يـا وسيـع المعرفـه شاكريـن=وانت قول الحق لا تمشي ممشى الاعورا

المقداد

انت ذيب امعط لكنك تعرض بالبطين=ليلـةٍ قـدام تدفـعـك وايــامٍ ورا
المراجل ملتجي من يديـن النايميـن=ان رضى بوزيد بالهرج هذا وان زرا

شاعر الوطن

النظر ممدود والزين مايجـزا بشيـن=وانت نوب(ن) بالثريا ونوب(ن) بالثرا
لا تعود سالفتنـا يـا راع القريتيـن=وعنتره ماروعه غير ثور(ن) اسمرا

المقداد

لاتصيح سوقها ياعشيـر الغانميـن=داو جرح الشيخ دامن جرحه مابرا
عنك ساعه واحده دار ذات القبلتيـن=اربط احزامك وشوفه معيمن عرعرا

شاعر الوطن

واسطتها واسطه والاوادم شاهديـن=ومتلى هالسوق بالغشم واهل البربرا
كل ما يطري بقلبي علوم الاوليـن=قلت حال اليوم يبغى سباكه وسمكرا

المقداد

انت تتحلم بدوله ياسواق اللومزيـن=ماتعرف الشمس حتى يفارقك الـذرا
والدليل انك من الجهل تبغى الجاهلين=ودك انه يرجع الك الزمان الاقشـرا

الموضوع الأصلي: المقداد / شاعر الوطن | | الكاتب: شاعر الوطن | | المصدر: شبكة بني عبس

[منصور بن صبح]

شاعر الوطن صح لسانك
وصح لسان المقداد
محاوره قويه

[بندر بن صبح]

صح لسان شاعر الوطن

صح لسان المقداد

ابداع ابداع ابداع

[العالم الفلكي]

صح السانك ياشاعر الوطن

صح السانك ياالمقدااد

ومشكور اخوي شاعر الوطن على التنسيق انا والله معجبتني المحاورة وكنت ابي انسقها ولكن مافضيت فاعذرني

[صميدع راس]

مشكور ياشاعر الوطن على التنسيق

وصح لسانك وصح لسان المقداد

تقبل مرووووووووووووووووري

[شاعر الوطن]

أشكر الجميع للحضور والتعليق

وعلى رأسهم .. العالم الفلكي

[طيار]

شاعر الوطن صح لسانك
وصح لسان المقداد
محاوره قويه

[سيف المهيمزي]

صــــــــــح لسانــــكم جميعاً