[فيصل الرشيدي]

ناصر خنيفر :

قبل نبد الكلام وقبل نبـدى السـلام=يامسعد تفضل حان وقـت الوعـد
انت مع عيد ابن مربح كربت الحزام=وعمدة القوم يابغا وقفت الـك بعـد

مساعد عواض :

قبل نبدى السلام وقبل نبدى الختام=اتكلنا على المعبود فـردن صمـد
المواقف تبى اللي يحتمون الجهام=ساعد الله على العمده عرين الاسد

ناصر خنيفر :

سوقها يالعميل اللي تعرف النظام=خل سمحه تروح بين ضلع وجلد
وحتزم بالذخيره يرفيـع المقـام=لين يسمع افعلك من سكن بالبلد

مساعد عواض :

لاتحرم حلال ولاتبيـح الحـرام=ولاشارات حمرا للوقوف استعد
اشهد انك توضف مفرداتك تمام=تستطيع النظم والرد بيا صـدد

ناصر خنيفر :

مافتري شي ومشي مع طريق الامام=من مشا مع طريقه بشره بالسعـد
وانت مابك قصور ولاعليك اتهـام=تعرف اللي صدير وتعرف اللي ورد

مساعد عواض :

انتبه من عصاءموسى عليه السلام=صاحب العرف لاشاف الخطر يبتعد
شفت لولا الحزن مكان غنا الحمام=ماتت اللحون حزنه مايغنيـه احـد

ناصر خنيفر :

لاتوصي عميلن عاش خمسين عام=كلها بالتجارب مع حمـود وحمـد
وعسا مايجيك الحزن يابن الكرام=جعل عينك سليمه مايجيها الرمـد

مساعد عواض :

طالت سنين عمرك ياحفيد الحشام=ادري انك مجرب بالكويت ونجـد
الملوح على ليلى طـواه الغـرام=ونت عودن يبا يبعدك عنها الولد

ناصر خنيفر :

ياوسيع المعرفه لايصير اصتـدام=كم كبيرن بطيب الواجبات انفـرد
وكل عودن ليان ايصيرفيه انصرام=ثم يرجع مثل ماخلق وسط المهـد

مساعد عواض :

الفرامل قويه والجمل لـه خطـام=ماذكربك قصور وفعلك اللي شهـد
انت شاعر مخضرم تستحق الوسام=مير مالك عن اللي يكتب الله مصد

ناصر خنيفر :

انت ماشفتلك دارن غشاها الظلام=كل طيب نزع والخبل فيها قعـد
بعد مارحت انا وياك حمدان نـام=صارفيهم خمول وكل عرقن جمد

مساعد عواض :

جعلها فوق ظهر شعيل تبني سنام=بالخلا يهدر ولايواجه الزمل ابـد
الذيابه تعشـة مبقـا الا العظـام=خلها يابو تركي قسمة اللي رقـد

ناصر خنيفر :

ماتعيش امذله ناس اهلها كـرام=عيشت الذل يامساعد تراها نكد
احذفولي مقالن قبل شهر الصيام=وكملوها قبل يومين ضغطي صعد

الموضوع الأصلي: التنسيق النهائي لمحاورة العمدة ناصر خنيفر ومساعد عواض | | الكاتب: فيصل الرشيدي | | المصدر: شبكة بني عبس

[المتابــــع]

شكراً جزيلاً لموضوعك القيم...

تحياتي وتقديري

المتـــــــــابع

[ناصر خنيفر]

بيض الله وجهك يامراقبنا القدير فيصل الرشيدي على التنسيق مشكور والله يعطيك العافيه

[ناصربن سعود]

بسم الله الرحمن الرحيم بيض الله وجهك يامراقبنا القدير فيصل الرشيدي على التنسيق مشكور والله يعطيك العافيه

[غازي البراك]

السلام عليكم ورحمة الله وبركاته
المراقب الغالي فيصل كل عام وانت بخير ومن العايدين الفايزين قبل الزحمه
تنسيق رائع الله يعطيك العافيه نعم التنسيق للمحاوره يعطي القاري راحه في متابعة المحاوره
صح السان الشاعر ناصر خنيفر وصح السان الشاعر مساعد عوض
تحياتي وتقديري للجميع وكل عام ولجميع في خير

[النجم]

مشكور يالمراقب فيصل وصح اللسان الشعار وخساااااااره راحت على المحاوره ونا دائما وابدا مع صف العمده بلا منازع

[مساعد عواض]

استاذي فيصل الرشيدي بيض الله وجهك على التنسيق
وكثر امثالك وتحياتي

[عبدالعزيز الخياري]

لاهنت يافيــصل على التنسيق الرائع

لمحاورة العمدة ومسـاعد عــواض

والحقيقه محاورة متكامله من كل النواحي

وتستحق النقـــــل

تقبل تحياتي