[سعد الشقل]

عاشق المستحيل

صبحك بالخير طاروقن من المستحيل=يالشاعراللي لاهو جني ولا انسانـي
عطنا علومن جزيلة كان عندك جزيل=عجل علينا وهات الطـرق يافلانـي

شاعر الثقلين

صبحت في مثلها والليل ماعاد لليل=يالشاعر اللي تغني بعض الألحاني
ماعندي ألا علومن مادخلها الهزيل=والمستحيل أصخره دام العمر فاني

عاشق المستحيل

ياصاحبي لا يميل الوقت فيك وتميل=ولا اللحن من قديم الوقت لي عاني
لكن بانت علومك ياشبية الاصيـل=يامقلد الغرب مانتة صاير المانـي

شاعر الثقلين

أرياح صرصر ليا هبت تشيل النخيل=مير أحتكم واللحن بيدين شيطانـي
أنا عريب الأصل وأنته شبيه الخليل=ألمانيا دحدرت بك وأنـت يابانـي

عاشق المستحيل

لازم تنبة تـرا الاشبـاة دايـم تزيـل=حاول تفـرد بنفسـك واتـرك الثانـي
هـذا نتـاج التشبـة ميـر دور مقيـل=دور لك اسمن على قدك مثل خاني

شاعر الثقلين

بنك ٍ غناوي وبنك ٍ مالقي به حصيل=اللهم لا شماتـه ( يـا بليهانـي )
هجدتنا وأنت لا فارس ولا أنته حليل=مطرق ثمامه وتزعـم ياكحيلانـي

عاشق المستحيل

الذيل ماهو براس الراس ماهو بذيل=والذيل والراس بطن بفكر جيزاني
عنتر تهربا لثور العريض الطويل=ماهو بشاهر سيوفة فـوق ثيرانـي

شاعر الثقلين

يا ناس يافارقين الهيل والزنجبيـل=طالت مسيرت شعيل وكل شي باني
أنته خفيف الوزن عنتر عيار ٍ ثقيل=وش جاب قوة أمريكا عند الأفغاني

الموضوع الأصلي: عاشق المستحيل × شاعر الثقلين | | الكاتب: سعد الشقل | | المصدر: شبكة بني عبس

[سعد المظيبري]

يعطيكم العافيه علي هذه المحاوره الجميله بس علمونه منو قلب >>>>>يعني ما يدري <<<<<<<<<<
اخوكم سعد المظيبري

[شاعر الثقلين]

مايضيع شي في منتدى المحاوره دام سعد الشقل موجووووود ألف شكر لك وتحياتي وتقديري

[عاشق المستحيل]

يعطيك الف عافية اخوي سعد على التنسيق

بس فية تعديل للبيت الاخير

عنتر تهرب من الثور العريض الطويل=ماهو بشاهر سيوفة فوق ثيراني

[بنت العبسي]

عاشق المستحيل ترى المحاورة انتهت منذ مبطي ههههههههههههه

" سعد الشقل "

دائماً رائع الله يحميك متابعة رائعة وتنسيق اروع واروع

[عبدالله المهيمزي]

يعطيك الف عافية اخوي سعد على التنسيق

[عاشق المستحيل]

اقتباس من مشاركة بنت العبسي عاشق المستحيل ترى المحاورة انتهت منذ مبطي ههههههههههههه " سعد الشقل " دائماً رائع الله يحميك متابعة رائعة وتنسيق اروع واروع

الله يرج ابليسك بس انا احسب المحاورة بدت منذ الحين هههههههههههههههههه

[الجحش]

عاشق المستحيل
شاعر الثقلين

شعراء كبااار
ومحاوره تستحق المتابعه

سعد الشقل دائمأ رائع