[سعد الشقل]

شاعر الثقلين

سلام ٍ فيه من مّس الجنون المسلمه تسليـم=وفيه من البشر للي يعرف الشعـر ماريـه
ألا ياصدري اللي بك يفوح القاف وأنت مهيم=تمنـى شاعـرن بدعـه ورده ميـه بميـه

عبدالباري عبدالعزيز

هلا ترحيب فيه من المطر غشنة رذاذ وديم=وفيـه مـن الهبايـب قـدر مــا عبـيـه بيـديـه
يفوح القاف من صدرك على عدٍ قراح مقيم=تبـا تـروى مـن الجـم الزلالـي داخـل الفيـه

شاعر الثقلين

ليال الفطر غير وعيدنا الأضحى من التنعيم=تبي تسكن هبايب نجد وتهـب الشماليـه
أبا أدور على عجفا السنام اللي بظل الغيم=وأحولها لكوكب ما ذكر به رجـل ماطيـه

عبدالباري عبدالعزيز

مواطي ريم قدامي ولادري كيف اصيـد الريـم=تروح من الشمـال وتنطـح .. ريـاح الجنوبيـه
تقـوم الواجـب اللـي تقـدره والمسـألـه تكـريـم=عطاك الله نظر ، ماهو مع اهل العرف موليه

شاعر الثقلين

تعين للأداما من ورى التنهاه ليـن خريـم=وتهيا في سلوب الرامي اللي ينجظ الكيـه
ليا ضاقت روابي نجد رفرف في جبال سليم=تهيا للهواء وأنطـح شواميـخ ٍ حجازيـه

عبدالباري عبدالعزيز

سلوك الرجل طيب مار أشوف إنه يبا تقويم=وأنا قوّم سلوك الداب الأسود وأذبح الحيه
لياضاقت روابي نجد خلك حدر ظل دليم=ولاتبعد عن إظلاله تعشاك الحراميه

شاعر الثقلين

سنام الثور معجوف وزمانك محتويه الضيـم=ليامنك لمست الداب ثـارت بـك حساسيـه
يا كم غافل ياكم جافل يا كم صاحي وياكم نيم=تحت ظل العلم والديـن والرايـه سعوديـه

عبدالباري عبدالعزيز

صحيح الخبل مايسأل عن التحليل والتحريم=اعلم صاحبي بالعلم لكن صاحبي عيه
على الله ياهل التأخير مدري ياهل التقديم=خفايا صدور خلق الله ، عسى الله يصلح النيه

الموضوع الأصلي: شاعر الثقلين × عبدالباري عبدالعزيز | | الكاتب: سعد الشقل | | المصدر: شبكة بني عبس

[(فارس الرشيدي)]

شكرأ للمشرف سعد الشقل التنسيق وشكرا لشعراء على المحاوره الطيبه

[نايف سليمان]

مشكووووووووور يامشرفنا سعد على التنسيق الأكثر من رائع

[(فارس الرشيدي)]

سلام ٍ فيه من مّس الجنون المسلمـه تسليـم
وفيه من البشر للي يعرف الشعـر ماريـه
مانت سهل ياشاعرالثقلين


هلا ترحيب فيه من المطر غشنة رذاذ وديم
وفيه من الهبايب قـدر مـا عبيـه بيديـه
وكذالك الشاعرعبدالباري مانت سهل يولد ربي يعطيكم العافيه
شكرالمشرف سعدالشقلعلى النقل والتنسيق

[شاعر الثقلين]

لاهنت ياسعد الشقل على التنسيق وبيض الله وجهك

[!! هـيـبـة مـلـكـ !!]

لاهنت ياسعد وتسلم يمينكــــ

[ناصر خنيفر]

احسنت ياسعد وبيض الله وجهك على التنسيق