[أنكسارحلم]

السلام عليكم ورحمة الله وبركاته
اخواني الافاضل لقد قام المشرف سعد الشقل
بتنسيق المحاورة التي جرت بيني وبين الشاعر سلمان ابن عمار
وقمت بحذفها عن طريق الخطأ الغير مقصود وإليكم
إعادتها وأستبيح أخي سعد العذر لماقمت به من خطأ.
ابن عمار

تحية باسم عبس ورمزها عنتر ولد شداد=وعبس وعنترة رمز الأصالة والفروسية
أنا با جاهد الشعار مادام الحيـاة جهـاد=وأبا أحوَل على روس المجنن والحرامية

ناصر صويان

هلا يامرحبا بك والرجال الها ذكر واحفاد=اعرف انك يابن عمار عبسي وابن عبسية
ألا ياللي تجاهد جيت عند الفارس الجلاد=عليك الله واكبر طحت بين الداب والحيه

ابن عمار

مسحتو كلمة الهجري وضعتوا كلمة الميلاد=وأنا أقول إن مابه فـرق لاهـذي ولاذيـه
الا يالفارس اللي قبل ماتصيد العرب تنصاد=على هالسالفه مابينـي وبينـك خصوميـه

ناصر صويان

عيونك يمنا تال الليالي وش بلاهـا حـداد=وانا خابرك تفرق بين حر الشمس والفيـه
ترا مانته بصايد فارس ٍ معروف راع شداد=ولابيني وبينك غيـر ليلـه نارهـا حيـه

ابن عمار

أنا أقول المجال اللي كذا ماهو مجال عناد=ليا عاندت جبت أكبر مصيبة بالسعوديـة
أنا ماأصيد فارس حط نفسه داب يالأجواد=قبل لا تكتب البيت بثقة فكربـه شويـه

ناصر صويان

اليامنك عرفت العلم والصادر من الـوراد=وكبرة شوي نحسبلك احساب وتنطح الهيه
لاتحرف بالكلام الشعر اله شاعر واله نقاد=وهذا طبع فيكـم تاكلـون الحمـه انيـه

ابن عمار

عساك تحصل اللي يحسب حسابك يابو عواد=ليا حصلـت لـو عقـب البطـا لـد النظـر فيـه
صحيح الشعـر لـه نقـاد وانتـه حـادرٍ لـك واد=وأنـا ماشـي علـى مقصـد ونيـه وأنتـه بنيـه

والسلام

الموضوع الأصلي: سلمان ابن عمار+ناصر صويان | | الكاتب: أنكسارحلم | | المصدر: شبكة بني عبس

[عبدالباري عبدالعزيز]

ياسلام محاورة بكل صراحة قوية
ابن عمار هذا قليل تواجده وألا كان يخطفه عبد الباري

مشكور ابو خالد على التنسيق الجميل

[الاجهر]

مشكور اخي ابو خالد
محاورة رائعة
ايه ياعبدالبارى عليك فيه
وبعدين انت ىفيك شبه من العمدة
يخلق من الشبه اربعين
اكرر تحياتي لك اخي ناصر

[حــزام]

بيض الله وجهك ياناصر اعجبتني المحاورة
وهذا الرد بتحديد

هلا يامرحبا بك والرجال الها ذكر واحفـاد

اعرف انك يابن عمار عبسي وابن عبسية

ألا ياللي تجاهد جيت عند الفارس الجـلاد

عليك الله واكبر طحت بين الداب والحيـه

بيض الله وجهك