[سعد الشقل]

الاجهر

عطني علومك وانت متراكي
الستر ضافي يالفتى البراكي
لاتحاكي لا شاعر ايحاكي

ميضيع حق من ورآه مطالب

المواجيب عند الخلق مثل العبادة=لو ظروف البشر قشراء يراعونها
ودي انك سعيد ولا تفوت السعادة=وانت في ديرة ربعـي يحبونهـا

عابد البراك

لدار ياالاجهر جفتها السحابه
عقب السحاب اللي يسيل شعابه
من بعد ذاك الهرش راحت نهابه

ماضاع حقن وراه مطالب

صح ماقلت ميرالسيد عند السياده=مايخالف يطيع ويحتزم دونها
يابيض الوجه جعلك ماتجيك القراده=كان عنك سوالف لاتخلونها

الاجهر

هاك السنه عيدو بالغالي
يوم الجريدة تنشر الحالي
كلن يابي من فوقنا يشتالي

ماضاع حق من وراه مطالب

يارفيق(ن) عنيد ولا يبطـل عنـادة=لابة(ن) والعـرب قامـو يجرونهـا
يذكرون الحجاز ويذكرون الحمـادة=يوم انا اذكر زعيم(ن) مات من دونها

عابد البراك

العـيـد طــاف وجـــا بـعــده اعـيــادي
يلي تخطف كورها وشدادي
يلي تصيح بالخلاء وتنادي

ماضاع حقن وراه امطالب

الحقيـقـه تـقــال ولا تـضـيـع الـشـهـاده=لاتـــدور عـلــى قـومــن يـدسـونـهـا
واجــد الـهـرج لاكــن ريـسـن للـقـيـاده=ريــس الـدولـه الـلـي ســـاد قانـونـهـا

الاجهر

عندي خبر وانت مثلك عارف
لاتحسبني من هذولا خايف
الحق ثابت يوم غيرة زايف

ماضاع حق من وراه مطالب

انصح الى مريض بنقلتة للعيادة=غلطتة كل خلـق الله يشوفونهـا
عطني البن والبراد سكر زيـادة=ما عليه وانا ولاجهر من شطونها

عابد البراك

اشوف بعض الناس يشعف ذلوله
يشعف ذلوله والعرب مهي حوله
يقول انا سويت صوله وجوله

ماضاع حقن وراه امطالب

شعلت النار ماتعقب ياغير الرماده=كل جمره تموت ان طش غليونها
كم مخلوق مات ولا يحقق مراده=مير رجليك درجها على هونهـا

الاجهر

عديت مرقاب شمال العارض
واشوف علم(ن) يابن عمي باهض
الى على المور والى راكض

ماضاع حق من وراه مطالب

من يصيد الحباري ما يصيد الجرادة=واليالي تضيق وتضحـك سنونهـا
شاقني بيت ادوح مير فوقة سـوادة=والسوادة ربعوعـي دوم يطرونهـا

الموضوع الأصلي: موال الاجهر وعآبد البرآك | | الكاتب: سعد الشقل | | المصدر: شبكة بني عبس

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي

[عبدالعزيز بن شري]

محاوره رائعه بين شاعران متميزان

ومشكو ريا سعد على تنسيقها

وبيض الله وجيهكم ............

[الاجهر]

مشكور على التنسيق وبيض الله وجهك