[خليف الوهيداني]

ليتك معي يوم تال الليل سريته=وقام المسافات طول الليل يطويها
وشلات نجران بالكاسيت حطيته=وحسين ال البيد شلاته يغنيها
شلات قرم(ن)تشوش ليا توحيته=ونشايد الطيب باولها وتاليها
حر(ن)شهر بالقصيد وذايع(ن)صيته=كل الجماهير بالشلات مرضيها
انت الذي معي بالطرقه تمنيته=والنفس خوتك بالطرقه تمنيها
يوم(ن)سلفه من الهاجوس دقيته=اصبحت بالديره اللي حاجتي فيها
في موقفن طول عمري ماتمنيته=لكن الايام ماتومن بلاويها
ليته سكت مالمس جرحي وخليته=ولحرث امور خابرها وكاميها
ولوهو ماجاني قعد عمره ولا جيته= ولا نشدته عن حدود متعديها
وياليت ماصار لي ماصار ياليته=ولا قام في الخزز عينه يلويها
وعزالله ان الامر هذا تفاديته=ميرن الاقدار ماتعلم خوافيها

الموضوع الأصلي: ليتك معي يوم تال الليل سريته | | الكاتب: خليف الوهيداني | | المصدر: شبكة بني عبس

[الشاطئ المهجور]

صح الله لسانك وبيض الله وجهك

[خليف الوهيداني]

الشاطئ المهجور

صح بدنك
وشكرا على مرورك

لك احترامي