[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاروة بين الشاعر بندر عايش والشاعر قسورة الغاب


بندر عايش

خبر عاجل قبل لا يسري الساري بثلث الليل=تحياتٍ من احساسي على ربعي مطرشها
انا بألقي عليكم قول ما يستوجـب التأويـل=بيوتٍ كنها أنت اللي ملحفها مفرشها

قسورة الغاب

أنا ليه ثلاث اشهور ادور راعي القنديل=عليه النفس بانصاف الليال يزيد حارشها
تشب النار يابندر وتحري بالدسم والهيل=علومك كل ليله تحتها نارن تغوشها

بندر عايش

انا ودي بقربك يالغصون اللي علي تميـل=مدام إن الديار الموحشه نامت هوايشها
أبخدم لي بخيل وكم خدم جود الزمان بخيل=وياكثر النفوس اللي نبا نروي تعطشها

قسورة الغاب

تلاعب ياغصين البان في كفي قبل لاتحيل=ولا تخشى هلك هالك حياته ماتعوشها
مدام انت اتقادا بالسنع وافاك وافي الكيل=ولا تروا ضما نفسن معنيتك زراكشها

بندر عايش

انا مابين تعجيل السنين ووقفـة التأجيـل=أبسمع من سواليفك وأنا الهذرة مطنشها
كمال العلم غاية والحمول إلها جمال تشيل=واذا فتحت بيبان البيوت اغلق درايشها

قسورة الغاب

عيونك دونها عرق البصر واخلافها الدربيل=ولكن كل ماتدمع محاجرها ترششها
كمال العلم لله محين اموات الشجر بالسيل=ولكن طاقتك لاتفوت الريح وتدششها

الموضوع الأصلي: بندر عايش + قسورة الغاب | | الكاتب: العالم الفلكي | | المصدر: شبكة بني عبس

[منصور بن صبح]

صح لسان الشعراء
وشكراً على التنسيق

[شاعر الوطن]

صح لسان الشعراء
وشكراً على التنسيق

[العالم الفلكي]

منصور بن صبح

شاعر الوطن

مشكورين على المرور والتعليق

[عبدالهادي بن صبح]

صح لسانك ياقائدنا بندر

صح لسان القسوره

محاوره رائعه وليست بغريبه عليكم

أشكر العالم الفلكي على التنسيق

[العالم الفلكي]

مشكور على المرور ياهويدي بن صبح والتعليق

[قسورة الغاب]

لاهنت وبيض الله وجهك علي التنسيق يالفلكي

[(ابوعواض)]

صح لسان الشعراء
وشكراً على التنسيق