[منصور بن صبح]

يانديم الشوق ماغيرك نديم=أنت من نادمت قلبي للأبد
ياغريمً ماخلق مثله غريم=ياطعون الشلف لو ضاع الجلد
يمكن أنك ماتلاقيني خصيم=مير أنا خصمك ولو طال الأمد
الهوى مثل الصراط المستقيم=أن قوى الرجال يقفاه الوقد
وأن مشابه لأخر السكه يهيم=لو تصدد عنه يغويه الصدد
واقعً حب العذارى بالصميم=وقعتن ياعنك مافيها جهد
جاتني برضاي في ليلن بهيم=كنت أدور غير محبوبي سدد
يوم أدور بالبلد حلياه ريم=مالقينا مثل وصفه بالبلد
جنسها معدوم من بين الحريم=لو ذكر حلياه والناشد نشد
النحر صبحً تجلا والنسيم=يطرق الليل الذي عنه بتعد
ليلها المجدول والخدين غيم=غيمتين وسطها برق ورعد
والشفايا وصفها وصفً عديم=كن بين شفيها طعم الشهد
والخوان اللي بصدره سيم سيم=قبتين ومستواهن معتمد
والبطن ضامر ليا حد البريم=البطن عن باقي الجسم أنفرد
والعيون السود يغون الفهيم=من سواد عيونها ضاع البرد
والرموش صفوف سجد للعليم=يطلبون الله من فضله عدد
حبها باقي ولا غيره يقيم=وسط قلبي رافعن قصره عمد
كل مصبر عنه لو ليله يضيم=أرتوى قلبي كدر وشبع نكد
ذايبً قلبي من الحب القديم=مثل ماذابت من الشمس البرد
أول الأحباب تأثيره عظيم=روحً المولى خلقها في جسد
كن بعده قلب عشاقه عقيم=بعده العشاق مايعشق أحد
النعيم بدونها ماهو نعيم=النعيم بقربها لين اللحد

الموضوع الأصلي: أول الأحباب | | الكاتب: منصور بن صبح | | المصدر: شبكة بني عبس

[عايد2001]

صح السانك وعتلا شانك
قصيده جزله من شاعر جزل

[الشقاويه]

مشكوووووور والله يعطيك الف عافيه

[أثير الشوق]

الشاعر منصور دائما رائع بكل ماتقدمه ..صح لسانك قصيده اكثر من رائعه

[محمد بن صبح]

الله الله







صح لسانك يا منصور بن صبح قصيده جزله من شاعر جزل




سجل إعجابي بشاعريتك و إلى الأمام يا بن العم .....

[الحر النداوي]

صح لسانك يابن صبح

قصيدة غايه فالروعه والأبداع المعهود عنك

تقبل مروري

[منصور بن صبح]

اقتباس من مشاركة عايد2001 صح السانك وعتلا شانك قصيده جزله من شاعر جزل

صح بدنك ياعايد وشكرك

على المرور

بيض الله وجهك

[سند الداموك]

حقا مُبدع

صح لسانك منصور