|
خيارات الموضوع |
|
صقر النصافي رحمه الله علم من اعلام الشعر في الخليج العربي الا ان الصحافه بقيت بعيده عنه تماما واختارت مجله فواصل في عددها 123في تاريخ 8/2003 قصيده لهذا الشاعر الكبير وارسلتها للشاعر الكبيرالشاعر فيصل الرياحي وطلبت منه ان يجاريها بقصيده وجاء رد ابوبدر بقصيده لاتقل روعه عن قصيده المرحوم صقر النصافي وانا هنا انقلها لكم قصيده صقر النصافي اليـوم ياعينـي علامـك ترفيـن=ولانتي علي العاده بنثر الدموعـي اما يبي يلفيك علمـن ماهوزيـن=والااتذكرماغـدى مـن اربوعـي ياكثرمانذكر من النـاس غالييـن=حدرالثري ماعاد فيهـم رجوعـي راحو مراحن منـه ماهـم ملفيـن=صارت منازلهم عذابـن لشوعـي الله علي وقت مضي مثل هالحيـن=ابعد علي اليوم من حبـي كوعـي الياذكرتـه والمخاليـق غافـيـن=جريت مايفتح مفالـج اضلوعـي يوم ان وقتي مقبلن يا ادعج العين=عروس عشق ومعجبتها الدفوعي واليوم وقتي صار بين اليهاهيـن=اليا طاب لي يوم خبث لي اسبوعي دنيا نبي منهـا عـدال الموازيـن=وتميل لوني في خطاها جزوعـي تضحك لناس بالفـرح مستمريـن=وناسن تجيهم بالكدر والفجوعـي وصارت بها سود المقانع شياهين=وفحولها صاروا تبـوع التبوعـي وهذا رد الشاعر فيصل الرياحي علي قصيده صقر النصافي العين حساسه ومادراك ما العيـن=تعطي خبر عن ماتكن الضلوعـي ياخذ خبرها نسبه الصدق تسعين=من واقع الحال وصفاه الطبوعـي وعين النصافي يوم رفت لثنتيـن=امـا فـرح ولاعلـوم تـروعـي مقاس الاحساس وصدور البراهين=والتجربه بين الضرر والنفوعـي حياتنـا هـاذي مياديـن تمريـن=والسبت مايحلق نهار الربوعـي اسبوعها هالحين ياصقر يوميـن=وعود شهرها مثل راس السبوعي مكاره تلبس من المكـر وجهيـن=وتنصب مطبات الخطر للوقوعـي مجنونه والناس فيهـا مجانيـن=الا التقييـن السجـود الركوعـي وجدي علي وقت تقافا من سنيـن=وهذا مثل ماقلت صعب الرجوعي احن للماضـي حنيـن المحبيـن=علي بعضهم يوم فرقا النجوعـي ليا لاح براق من سهيـل ويميـن=وبرق شمال ونوهـو بالنزوعـي ذولا مسانيـد وذولاك منحـيـن=ساقتهم اخبار المطر والرجوعـي بدو خلت مرحانهـم والمعاطيـن=ماحولها غير السـراب اللموعـي معـاد فيهـا مبـرك للبعـاريـن=ولاالغراب اللي عليهـا يقوعـي تفرقوا كل علـي رغبتـه ويـن=يتلون شف مذربـات السموعـي الوسم طاح وساقوا البوش عجلين=يلعب مغنيهم بـروس الفروعـي الا ثنيـن بالـغـرام متهـاويـن=هاك النهـار ينزفـون الدموعـي هذاه وجـدي يازبـون المخليـن=وانا بوقت منه يصعـب طلوعـي صابر وهمي مندفن في الشراييـن=لا الوقت وقت لي ولا النوع نوعي ياصقر سامحني بعد رفت العيـن=وتم البحر والقافيـه والقروعـي ماقول غير الله يحفظ السلاطيـن=اللي علي شعب الجزيره دروعـي ... الموضوع الأصلي: فيصل الرياحي مخاطبا صقر النصافي ... | | الكاتب: عيسى المويسه | | المصدر: شبكة بني عبس
|
|
ناصر خنيفر شكراا على مروركـ ولاهنت ...
|
|
ابوسعـــد العويمــري
يشرفني مروركـ على الموضوع لاهنــت ...
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
فيصل الرياحي + حبيب العازمي | حسـن | منتدى المحــــــــــــــاوره | 6 | 08-09-2009 11:44 AM |
الدعاء للشاعر فيصل الرياحي | منصور غنيمان | المنتدى الإعلامــــي | 11 | 04-01-2009 04:24 AM |
فيصل الرياحي × ملفي المورقي 1 | ابو براك الرياض | منتدى المحــــــــــــــاوره | 2 | 21-01-2008 07:48 PM |
فيصل الرياحي × ملفي المورقي 2 | ابو براك الرياض | منتدى المحــــــــــــــاوره | 4 | 21-01-2008 07:44 PM |
فيصل الرياحي وحبيب العازمي | عبدالعزيز الخياري | منتدى المحــــــــــــــاوره | 5 | 24-10-2007 12:12 PM |