[ذبحني غروركـ]

حلمـت حـلـم انــك تجيـنـي وتبكـيـن=وامسـح دمـوع عيونـك اللـي تهـلـه
خيـال طـيـف تجـذبـه دمـعـة العـيـن=مـع غفلـة رمــوق العـيـون المغـلـه
حالـي قضـى ليتـك لحالـي تشوفـيـن=مـن سبـتـك بالقـلـب تسعـيـن عـلـه
مافيه داعـي اشـرح الوضـع تكفيـن=وانـت عـلاج القلـب وانـت دوى لـه
ياماسهـرت الليـل والنـاس ممسـيـن=تشـهـد عـلـى قـولـي نـجـوم مـطـلـه
وياما صبرت ايـام وشهـور وسنيـن=برضـيـك يــاراع الـعـيـون المـظـلـه
حبـك حرمنـي مـن جميـع المزايـيـن=حـبـك مكفيـنـي عـــن الـحــي كـلــه
لــو ان قـربـك ينـشـرى بالملايـيـن=والله لاســوق الـمـال دقـــه وجـلــه
اقسمـت بـرب لــه عـبـاده مصلـيـن=منـسـاك لــو طـويـق اخـلـف محـلـه
كلمة عهـد وحنـا علـى العهـد باقيـن=مـاهــو عـهــد مراسـلـيـن المـجـلـه
حان الممـات ولاحصـل نكمـل الديـن=الحـضـن دونــي واحــد واقــف لــه
ابعطيـك وصـف كــان ودك تمـريـن=ابعـطـيـك وصـــف لالفـيـتـه تــدلــه
برض الشمال وقبلـة القبـر رجميـن=الايسـر منـهـن يلـحـق القـبـر ظـلـه
وان جيت عند القبر باسمي تناديـن=واجـاوب اللـي جـعـل روحــي فـدلـه
وبيديك عن جسم رحل خفف الطيـن=واطلـب لـه الغفـران عـن كــل زلــه
وان كـان ودك فـوق قبـري تصليـن=الـيـا سجـدتـي خـلـى الــراس فـلــه
واشــم ريــح مـثـل ورد البسـاتـيـن=وجـسـم كــلاه الــدود ريـحـك يبـلـه
وعند الوداع اكتب على القبرحرفين=مـرحـوم يالـلـي صاحـبـه ماحـصـلـه

الموضوع الأصلي: ابعطيـك وصـف كــان ودك تمـريـن=ابعـطـيـك وصـــف لالفـيـتـه تــدلــه | | الكاتب: ذبحني غروركـ | | المصدر: شبكة بني عبس

[وشلون مغليك]

ذبحني غرورك

يعطيكي العافيه وصح لسانك مرحوم ياواحدن ماحصله تقبلي مروري

[ذبحني غروركـ]

منوووراللله يسعدكـ

[شداد المظيبري]

كلمات راائعه
يسلمو ذبحني غرورك ع الطر ح في قمة الابدااع

[ذبحني غروركـ]

الله يسعدك منور

[نوماس5]

حلمـت حـلـم انــك تجيـنـي وتبكـيـن=وامسـح دمـوع عيونـك اللـي تهـلـه
خيـال طـيـف تجـذبـه دمـعـة العـيـن=مـع غفلـة رمــوق العـيـون المغـلـه

روعـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــه

يا الغلا يسلمووو عي النقل الرائع

[سعد عبدالله]

قصيده جميله وفي قمة الذوق
ذبحني غرورك شكرا لكي على هذا الرقي

[ذبحني غروركـ]

الله يسعدك منور