[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر ابوعوجه والشاعر الحر النداوي

ابوعوجه

سـلام رديـه توردكـم علـى واد الهيـام=ياشاعر اللي ودك تهيم اسمع العلم اسمعه
انا لقيت الصقر تال الوقت تطرده الحمـام=ابهيم يطرد له وراؤ بهيم اسمع العلم اسمعه

الحر النداوي

يامرحبا ياللي من المغـرب تلبسـت الحـزام=واتعبك ملباسه على القيم اسمع العلم اسمعه
وانا لقيت العـود أبومعكـاز وسـاد الخطـام=يرقص مع الدنيا بتقسيم اسمع العلم اسمعه

ابوعوجه

انا مع أهل العرف شاعر والتقيـد بانظـام=وانته عليك اخيال مع غيم اسمع العلم اسمعه
ياللي لقيت العود لا تخليـه نلحقـك المـلام=يحتاج له صبغه وترميم اسمع العلم اسمعه

الحر النداوي

وانا مع أهل العرف ألي هيبه وحشمه واحترام=ومرباعنا في روضة اخريم اسمع العلم اسمعه
ياصاحبي لاتستظـل بظـل عـودان البشـام=يمكن يروح جوها ديم اسمع العلم اسمعه

ابوعوجه

ماقول فيك اقصور مير الطق فكـاك الحـام=ربع عسى مايلحقك ضيم اسمع العلم اسمعه
ماعشت انا في ضل غيري لا تحسبني اخمام=مير انفخ النيران ياشريم اسمع العلم اسمعه

الحر النداوي

يالشيخ عوجان أقتفاك امع الدولايب العسام=لاتنحدر للقيم ياقيم اسمع العلم اسمعه
الديك بيض بيضتن ترجح على بيض النعام=وهذيل تحفظ سدها اسليم اسمع العلم اسمعه

ابوعوجه

يالحر خلك مرتفـع بيـن الثريـاء والغمـام=لاتصير بين الهاء مع الميم اسمع العلم اسمعه
الديك يـذن للفجـر لكـان ماشفنـا الأمـام=واليوم انا الأمام يادحيم اسمع العلم اسمعه

الحر النداوي

الظاهر أنك ياخوي الجنب ماكولك حرام=جنبن تطققه التخاريم اسمع العلم اسمعه
أنت ولدي واحط راسك في غوادير الظلام=امحلله وان قلت تحريم اسمع العلم اسمعه

الموضوع الأصلي: ابوعوجه + الحرالنداوي | | الكاتب: العالم الفلكي | | المصدر: شبكة بني عبس

[سالم الرشيدي]

صح السنت الشعااار وبيض الله وجيهم

ويعطيك الف عافيه

يامشرفنا القدير الـعـالم الفلكي ولاهنت يالغـــلا

[صميدع راس]

محاورة جميلة

صحت السنت الشعار

ومشكور ياالعالم الفلكي على التنسيق

وتقبلوا مرووووووووووووووووووري

[الحر النداوي]

بيض الله وجهك يالعالم الفلكي المشرف المألق على التنسيق

[الحر النداوي]

اقتباس من مشاركة سالم الرشيدي صح السنت الشعااار وبيض الله وجيهم ويعطيك الف عافيه يامشرفنا القدير الـعـالم الفلكي ولاهنت يالغـــلا

صح بدنك
شرفني مرورك طال عمرك

[الحر النداوي]

اقتباس من مشاركة صميدع راس محاورة جميلة صحت السنت الشعار ومشكور ياالعالم الفلكي على التنسيق وتقبلوا مرووووووووووووووووووري

صح بدنك

شرفني مرورك طال عمرك

[فلاح الرشيدي]

بيض الله وجهك ومشكور يالغالي
لك ودي وتقديري