[وحيد]

ياجرح بستأذنك بانام لي ساعـہ
وارجوك دخيل الله لاتصحّيني




لي خمسة ايام اعيش السّمع والطّاعـہ
ولك خمسة ايام تامرني وتنهيني



والمشكله جت عروق القلب فزّاعّـہ
..مايكفي انك سرقت النوم من عيني



اصبحت انا القاز وانت امسيت ولاّعـہ
..شبيتني ينعن اهلك وش يطفّيني



دكتور وممرضه وابره وسمّاعـہ
في كل ليله ولايدرون وش فيني




ياسيدي الجرح قلبي يشتكي راعـہ
لا الذنب ذنبي ولا الموضوع بيديني



حبيت وأخلصت وأثر الحب فقاعہ
روّح وباقي يموتني ويحييني




غيري هدر دم عشق وللاسـف باعـہ
غيري قتل كل حب بحد سكيّني



وانا الي اصبحت للأخطاء شمّاعـہ
وادفع ثمن كل غلطه من محبيني


قبلي في العشق ناس وتشكي اوجاعـہ
قالوا متاهـہ وانا جيتہ برجليني




بدايتـہ سلسلـہ ..والنّفس طمّاعـہ
اغـراني ادري ولا في شي يغريني




واليوم لو قلت يااهل الحب واطباعـہ
انتوا على دينكم وانا على ديني




اجبرني الجرح اعيش السّمع والطّاعـہ
حتى ولو قلت له ياجرحي اعفيني


من خمسة ايام وانا في رجاهـ ساعـہ
وان جيت بأنامها جرحي يصحّيني



؛؛مما راق لي كثـــــرا؛؛

الموضوع الأصلي: ياجرح بستأذنك بانام لي ساعـہ | | الكاتب: وحيد | | المصدر: شبكة بني عبس

[سحايب]

صح الســـان شاعرها
قصيده راااائعه
يعطيك العافيه على هالذائقه

[وحيد]

صح ابدانكـ
ومرورك اروع يادمعه

[كحيلة]

وانا الي اصبحت للأخطاء شمّاعـہ
وادفع ثمن كل غلطه من محبيني


قبلي في العشق ناس وتشكي اوجاعـہ
قالوا متاهـہ وانا جيتہ برجليني

هلله هلله..
وراقت لنا مثل ماراقت لك القصيدة..
عاشت يمينك ع النقل الطيب..
لاخلا ولاعدم.

[احمد منيف]

صح الله لسـآنك اخوي مشكور ع النقل الطيب

[Д฿ŜĬ]

الله يعطيك العافيه على النقل

وصح لسان شاعره

تقديري لك *

[وحيد]

نورتم جميعاً
الله يحفظكم