[بعيد الهقاوي]

يعلن بعيد الهقاوي انسحابه رسميا من حزب المراكيز نظرا لتشتت هذا الحزب ولهزائمه النكرا مع حزب العمده ولهروب ابرز قاداته

وهذي رساله لابوعوجه اللي نكبنا حسبي الله عليه:

تعلم كيف تسوي احزاب شف حزب الحريه ماشاء الله عليهم صيتهم بكل مكان وهذا يعود لحنكة القسوره ومعرفته في فنون الحروب من تجربه سابقه وضعها في انشاء حزب لايستهان فيه ماهو مثلك عليمي هههههههه

ياظالم القسوره اله اربع شهور يدعو اكبر شعار الموقع ويضبط العلاقات عشان حزبه يصير اقوى حزب وواضع له اهداف ومابدا الحرب الا لما كون حزب قوي ووزع المهمات على اصحابه

وصار ضامن اقل شي انه مايخسر اذا ماانتصر

وانت بعد اسبوع من انشاء الحزب رحت تحارب العمده اللي حزبه من بداية تأسيس الموقع وهو موجود واخر شي انحشت وتركتنا واخر من تركو الحزب الاحرش كله منك لابارك الله فيك ههههههههههه

على العموم

يقولون العرب والرجال اهل القوانين = ليا عفتلك ديره تعوضلك بديره

لذلك قررت الانسحاب من هذا الحزب لان العمر غالي ومدامي كونت لي سمعه طيبه بالشبكه وجماهير ومحبين مالي ومال الحروب اللي خسارتها 100%

اخوكم: بعيد الهقاوي

الموضوع الأصلي: بعيد الهقاوي يقرر الانسحاب | | الكاتب: بعيد الهقاوي | | المصدر: شبكة بني عبس

[خاتم سليمان]

بايعيد فيه طاروق لك نزل قبل لاتنزل موضوعك هذا ولا له دخل في موضوعك ....


مثل ماتعرف الاحزاب والكلام هذا أنا ماألتفت له


ولو ماني مظطر اوضح لك الصوره ما كلفت نفسي ودخلت




خاتم سليمان

[ناصر خنيفر]

القسوره له اسبوعين مفقود الضاهر انه حصله انقلاب من حزبه الله لايبلانا في مابلاهم فيه وانتم تنشدون عنه ريسهم مايدرون عنه امحق من حزب صحيح من سماكم جوج وماجوج

[البرمكي]

ابو تركي اسمحلي اقول فيهم اربع ابيات اوخمس

حنا ابتلشناياهل العرف في جوج= حزبن عددهم كثر رمل النفودي
يقودهم ريس به المخ مرجوج= اسد صوره ينتمي للاسودي
واليوم ضاعو واختفا ريس الفوج= كل ٍ ينشد عنه ماله وجودي
وتفرقو من بين وديان وفجوج = وكلٍ يحلف لحزبهم مايعودي
وطير السعد منا علاهم خذا روج= وزانت لبو تركي عريب الجدودي ههههههههه

[البرمكي]

خيوه يرد احد يتكلم منكم حنا بالمرصاد ثلاث فريس يكفون فيكم ياجوج وماجوج هههههههههه

[ناصر خنيفر]

اقتباس من مشاركة البرمكي ابو تركي اسمحلي اقول فيهم اربع ابيات اوخمس حنا ابتلشناياهل العرف في جوج= حزبن عددهم كثر رمل النفودي يقودهم ريس به المخ مرجوج= اسد صوره ينتمي للاسودي واليوم ضاعو واختفا ريس الفوج= كل ٍ ينشد عنه ماله وجودي وتفرقو من بين وديان وفجوج = وكلٍ يحلف لحزبهم مايعودي وطير السعد منا علاهم خذا روج= وزانت لبو تركي عريب الجدودي ههههههههه

شكرا البرمكي نظرا لكثرة الطلبات من حزبنا والاحزاب الاخرى يطلق على حزب الحريه حزب جوج وماجوج حيث هذا هو الاسم الانسب لهم وعلى حزبي مخاطبتهم بهذا الاسم وعدم الاعتراف بحزب الحريه هههههههههه

[عنتر زمانه]

يا بعيد الهقاوي

جميل ما فعلت ومن يترك أعضاء حزبه لهم الحق بالتفكك

ومن هذا المنطلق ندعوك الى حزبنا أنت شاعر وركيزه اذا تم موافقتك فأهلآ بك ولا يغرك حزب العمده أنتهاء وتم أعلان هزيمتهم والحين يوطوطون ههههه بكل موضوع وينعتوننا بجوج وماجوج من كثر مايلهبونهم شعارنا هههه

[العميل السري]

اقتباس من مشاركة عنتر زمانه يا بعيد الهقاوي جميل ما فعلت ومن يترك أعضاء حزبه لهم الحق بالتفكك ومن هذا المنطلق ندعوك الى حزبنا أنت شاعر وركيزه اذا تم موافقتك فأهلآ بك ولا يغرك حزب العمده أنتهاء وتم أعلان هزيمتهم والحين يوطوطون ههههه بكل موضوع وينعتوننا بجوج وماجوج من كثر مايلهبونهم شعارنا هههه

ماشاء الله عليك محدثنا الرسمي دايم تسعى للخير بيض الله وجهك
على دعوة اخونا بعيد الهقاوي يستاهل
لن ازيد على ماقلت الا ان ارحب بانظمامه
نرررررررررررررحب انا وجميع اعضاء الحزب
بانظمامك انت و المطاليق شرواك
يشرفنا ويسعدنا