[عبدالهادي بن صبح]

كم لي وأنا عنك ياترف القدم داله=وأنته غرام الضمير وسيدخلاني
من مدلك فالهوى يمناه واشماله=جازيت مامدلك جفوى وهجراني
وشلي بحب الذي كم لي وأناأسعاله=في ذمتي غير لاما البيض ماأغواني
غيبي عن الروح ياذكراه مختاله=أحسن لي أنساك وأحسن لك تناساني
ياللي على مطلع النجمه سريناله=أسمع بيوت القصيد ومنطق لساني
صرنا على الهم شداده ونزاله=وذقنا عذاب الزمان أشكال وألواني
جنب عن اللي زمانه يطرح عقاله=وقله ترى المقبلات تقص الامتاني
من لاعدى فالزمان وسابق لياله=يمكن تغش الفتى دورات الازماني
عرفت شي وبقا شيٍ على حاله=وأقنعت روحي وأنا مانيب خسراني
لوكل رجلٍ يحقق ماعلى باله=لاشك قلبه بليا هم مرضاني
سمحت من عشرة البوار ووصاله=ورميتها فالبحر وأعراض الامواني
يقفيبها اللي تزف الريح ياماله=مرسى المراكب على الشط البريطاني
يركز شراعه ويفتل مطوي حباله=ويلج صدره على ترديد الالحاني
أودعك بالسلام اللي صفيناله=هاذي نهاية مسيرة كل خواني

الموضوع الأصلي: أحسن لي أنساك وأحسن لك تناساني | | الكاتب: عبدالهادي بن صبح | | المصدر: شبكة بني عبس

[كاتب الرشيدي]

شاعرنا هويدي بن صبح

صح لسانك على هذة الرائعة

معانيها جزالتها ماهي غر يبه عليك

[مرآهيش]

صرآحة

منذو دخولي الشبكة وآنآ آتآبع قصآئدك

فهذه القصيدة مجرد رآئعه من روآئع بن صبح الذي عودني على اتحآفنآ بهذه الروآئع

صح لسآنك

[منصور بن صبح]

هويدي بن صبح

صح لسانك شاعر مبدع ولو شهادتي فيك مجروحه

مير الحق يقال

لاتحرمنا من جديدك

[النقيشى]

صح الله السان الشاعر وسلمت يمناه