[محمد بن صبح]

السلام عليكم ورحمة الله وبركاته


أضع بين يديكم قصيده لشاعر علم من أعلام شعراء جزيرة العرب سطر على صفحة الشعر الشعبي

قصائد خالده رنانه في طبلة إذن كل متذوق للشعر نسأل الله أن يشفيه


والقصيده مدح في رجل يستحق الثناء و هو رجل الأعمال سعد حامد بن راشد العجرمي ( أبوسلطان )

ياسعد نادا لك البال بلسان القصيد=يوم جاء للشعر يمك يابن حامد مجال
ياشجاعً ياقف الخصم عن حدك بعيد=والمهابه فيك من طيب عم و طيب خال
وارثً طيبك و مبداك من عبس ورشيد=يشهد التاريخ بأمجاد وافين الخصال
لابةً من طيبها طبت ياعوق الضديد=نايلن أعلى المعالي صعيبات المنال
أعتزي و أعتز فيهم نقا و أفخر و أشيد=في فعايلهم و أجاهر بمروين السلال
لابتي و قت الحميا من العهد التليد=دون حقران القبايل حمياهم لحال
كسر شوكة من يكابر و كيد اللي يكيد=ليا إستدارة بيض الأيام بوجيه الليال
وسمنا الكفه و عبس إسمنا و المجد أكيد=والزمن لو شت يجمع و للحل إرتحال
دام لأهل الطيب و الطيبين إبن و حفيد=لو تهب الريح ما هزهزت شم الجبال
وأنت مثلك يابن حامد يفيد و يستفيد=المروه فيك مبدا و لك بالطيب فال
طاب رأسك بالحميا و لك بأسً شديد=والحياه بلا حميه و صال بلا وصال
ومحزمً ما به ذخيره و شيك بلا رصيد=حالتين بوضع واحد و لا فيها جدال
ومن سعى لإشباع ذاته و يرضيه الزهيد=عاش في ذاتية الدون في دنيا الزوال
ومن سداه العمر لا سند و لا رايه سديد=مات ما صاحب رجالً و لا مثل رجال
ومن يطيب بزيد و عبيد ينقص ما يزيد=ذاك ما يدرك حرام الأمور من الحلال
للرجال حدود و السيف حدً من حديد=وكل رجلً له من الطيب مقدار و مثال
المراجل دربها صعب و أبسطها مكيد=منهجً يحتاج صبر و عزيمه و إحتمال
لو تهون لكل قاصر و معتوهً بليد=أصبحت سوقيةً لا سمان و لا هزال
وأنت عارف ما تعرف و لك حبلً جويد=ياصل الماء و الرها فيه من بين الحبال
والشعور إنقاد لك ياسعد من غير قيد=يوم جاء للشعر يمك يابن حامد مجال

الشاعر : سعدان عابس الرشيدي

الموضوع الأصلي: قصيدة الشاعر العلم سعدان عابس في رجل الأعمال سعد حامد بن راشد العجرمي | | الكاتب: محمد بن صبح | | المصدر: شبكة بني عبس

[البعيد الهادي]

صح السان الشاعر العلم / سعدان عابس
اسأل الله عز وجل له الشفاء
ورجل الاعمال سعد العجرمي
يستااهل كل خير
ولاهنت يامحمد

[برق الشمال]

صح لسانه ويستاهل الممدوح
لاهنت

[عبدالهادي بن صبح]

صح لسان الشاعر العملاق سعدان عابس شفاه الله

هكذا العمالقه لايكتبون القصائد ألا في رجال يستحقون المدح والثناء ..والشيخ سعد حامد العجرمي رايته بيضاء وفعله غانم وطيبه وصيته على كل لسان ومعروف بمواقفه التي تجملنا عند القريب والبعيد

محمد بن صبح بيض الله وجهك على ماقدمت في حق هذه الشخصيات الفذه

ونتمنى منك المزيد

[منصور بن صبح]

صح لسان الشاعر العلم سعدان عابس الله يلبسه ثوب الصحه والعافيه

وأبو سلطان يستاهل المدح وبيض الله وجهك يا محمد على نقل هذه

القصيدة الرائعه والله يعطيك العافيه

[ابوصالح لرشيدي]

صح السان الشاعر الكبير سعدان ابن عابس اسال الله ان يشفيه
وسعد ابن حامد يستاهل
وبيض الله وجهك يابن صبح على النقل .

[الذابح]

قصيدة جزله

وابيات رائعة

صح اللسانك

يعطيك العافية

من القلب اشكرك

[الحر النداوي]

صح السان الشاعر الكبير سعدان ابن عابس اسال الله ان يشفيه
وسعد ابن حامد يستاهل
وبيض الله وجهك يابن صبح على النقل .