[ابو علي القنور]

السلام عليكم ورحمة الله وبركاته هذي قصيده جديده ولي يبغى يجاريها مسموح



تراي راع الاوله وضن تبخص وتعرف 000 ولافيه عندك سالفه لو قلت عندي سالفه

ولانيب راع التاليه لكن روح ونصرف 000 ترى المعرفه من بعد هاليوم صارت تالفه

الصحبه الي مالها سيسان لزم تنجرف000 وترى مواثيق العرب للي سواتك كالفه

اليا مشيت ابطرقتك خلك على جنب وطرف000 والسرعه الي الزايده تاخذ عليها مخالفه

العام جيتك وعتزيت ابجدك الي ينعرف000 ولاشفت فعلن تفعله ولافيه عذر عارفه

لاتحسبنا جاهلين وللمغازي منعرف000 لكن عانها شايمين بشيمت اهل النايفه

انهد هدات الشرف ونشوم شومات الشرف000 ولا رع المعروف دوم انصاحبه ونحالفه

روح وتلقى من نمونتكم ومن جنسك طرف000 ترى الردي مثل الردي ايوالفك وتوالفه

يمناك وشهي قدمت قدام تحصد وتخرف000 ولا تصير امشابهن لملاحفك وملاحفه

هذا كلام الي على الجمه بمغرافه غرف 000 وترى الهبوب البارده للي سواتك صالفه

الموضوع الأصلي: تراي راع الاوله وضن تبخص وتعرف 000 ولافيه عندك سالفه لوقلت عندي سالفه | | الكاتب: ابو علي القنور | | المصدر: شبكة بني عبس

[ابوتوتو]

صح لسانك
شاعر كبيييييير

[ابو علي القنور]

صح بدنك ابو توتو

[احمد منيف]

صح لسانك بس انت تقول

جنسك طرف وردي
اضن انها مقصوده وتوقع مالها مجارات

[ابو علي القنور]

احمد منيف صح بدنك

[عيد الداموك]

ابو علي القنور
صح لسسسسانك وبيض الله وجهك على هذه القصيده
تقبل مرووووري وننتظر جديدكــــــــــــ

[محمد بن صبح]

الله الله


صح لسانك أبو علي القنور قصيده جزله تحمل معاني رائعه


لا تحرمنا من ابداعاتك ..

[النقيشى]

صح الله السانك وتسلم علي القصيده الجزله