[مسموح يالغالي]

عييت تبرك

الفيصل اللي بين ظلمــــــــك وصبري 000 أبرك لحكمـــــه وأنت عييت تبرك

متكبر(ن) حتى على صــــدق عذري 000 وأنا خضعت لجـــــور حبك وجبرك

كنك رضيت تشــــــوف بالعين قبري 000 وأنا أقول أمـــــــوت ما شفت قبرك

حكمــــــــك علي يا بدر الايام بدري 000 وأنا مثل مـــــــا قيل والخبر خبرك

والله معادك ياريش العين خبـــــري 000 كبرت وأتكبرت لكـــــــــن 0 صبرك

بأشكيك لله ، دام ضيقت صـــــــدري 000 حتى بقى وسعه على مد شـــــبرك

شف حال حالي من محبتك مبري 000 وشف حالتك ، ياكيف وزنك وهبرك


الحسن القحطاني

الموضوع الأصلي: شف حال حالي من محبتك مبري00 وشف حالتك يا كيف وزنك وهبرك | | الكاتب: مسموح يالغالي | | المصدر: شبكة بني عبس

[ابو عوجه]

صح السانك قصيده جميله
وانت اجمل

[مسموح يالغالي]

صح بدنك ويسلم غاليك

[ابو عوجه]

اقتباس من مشاركة مسموح يالغالي صح بدنك ويسلم غاليك

بيض الله وجهك وخذ هذا البيت على الطائر

مابين ميلادي ومابين هجري=حدد عساه يكون لك خير وابرك

[مرزوق العجوني]

صح لسانك اخوي

[عبدالله المظهور]

بيض الله وجهك ... وصح لسانك .

احساس جميل ومفردات عذبه .

تقبل تحياتي وتقديري .

[مسموح يالغالي]

بيض الله وجيهكم

وانتوا مروركم شرف

[خاتم الرشيدي]

صح لسانك اخوي