[عبد الرحمن خضير]

عبدالرحمن خضير:

ياعاشق المستحيل الله عليهم يحيل=الشله اللي ماحصلنـا لهـم خاتمـه
اسمع علوم الرجال اهل الوفا والدليل=اللي ليا قام واحـد ماتـرك لازمـه

عاشق المستحيل:

يابن خضيرادمح الزلة وخلك حليـل=للشلة اللي على نقض العهد حازمة
واسمع كلامي كلامن ماغشاة الهزيل=ماني من اللي سماهم بالغدر عاتمة

عبدالرحمن خضير:

وشلون اسامح رجالٍ ماعليهم كفيل=اللي هزمه الزمن مهزوز من هازمه
سج القدم سجها ترى طريقك طويل=لاتغشك اللي سوالفهم ماهي غانمه

عاشق المستحيل:

اسمح لهم واحتسب عند العزيز الجليل=واللي خذاة الزمن بة علتـن نايمـة
وسج القدم واتكل يا صاحبي يالعميـل=ما يغيرالمستحيـل الذيـل والحايمـة

عبدالرحمن خضير:

يازين مد الغنى وياشين مد البخيـل=يعطيك لو اكثر العربـان لـه لايمـه
اللاعب المحترف سجل هدف فيه ذيل=ماصار بالعارضه ماصـار بالقائمـه

عاشق المستحيل:

يازين هرج العقل ياشين هرج الهبيل=مير العقل راح فية البحر والعايمـة
والشاعر المحترف يقول بيت ٍ جزيل=مايضيم بيتة وبيتة ماهـو بضايمـة

عبدالرحمن خضير:

وصل النجوم العوالي والسما مستحيل=علم رجآلٍ من الهقوه ماهـي نايمـه
خيل البروق السواري مثل ناسٍ تخيل=والنفس عن ماكتبناه العصر شايمـه

عاشق المستحيل:

لكن عشق الجدى عندي وعشق اسهيل=شيا مؤكد وفرصـات العمـر صايمـة
واخيل برقن يلوح اليوم والليـل ليـل=ونفوسنـا يانديبـي ماهـي بدايـمـة

عبدالرحمن خضير:

حنا وسمنا شعيل ولاتضيـع شعيـل=ترى المعاصي تزيل النعمه الدايمـه
اسلم وسلم على اهل المعرفه والجميل=واللي تحلـم بحلـم يفسـره حالمـه

عاشق المستحيل:

انتم وسمتم شعيل وضاع هو والدليل=يالربعة اللي على وجهة الهوي خايمة
تسلم وسلم على راع الحصان الاصيل=ادليم راع الفعـول الزينـة الساميـة

الموضوع الأصلي: محاورة الشاعرين عبدالرحمن خضير وعاشق المستحيل | | الكاتب: عبد الرحمن خضير | | المصدر: شبكة بني عبس

[عبدالرحمن العويمري]

ماشااااااااااااااء الله محاااااااااورة رائعة بين شاعرين رائعين

[بحــ الخليج ــر]

محاورة رائعة صح الله السنت الشاعرين

[عبد الرحمن خضير]

مشكور ياعبدالرحمن العويمري على مرورك الطيب الله يعطيك العافيه

[عاشق المستحيل]

اشكر ابو متعب على التنسيق واشكر الشاعر عبدالرحمن العويمري على المرور والكلام الطيب
وايضا اشكر الشاعر بحر الخليج على الكلام الطيب
تحياتي للجميع((عاااااااشق المستحيل))

[عبدالعزيز الخياري]

الله محاوره رائعه صح الله السنتكم
وبيض الله وجهك يابومتعب على التنسيق
وحضورك الجميل ..

دمت بود

[سعد الفلاح]

صح أللسانك يابو متعب وللسان عاشق المستحيل وتسلم يمينك على النقل


قمة الأبداع ولايستغرب على أمثالكم محاورة تستحق التثبيت

[سعد الشقل]

صح اللسانكـ يابو متعب ويا عاشق المستحيل

على هالمحاوره الرائعه